मती ओजाःतेरा भगवानराः नपाय सरवन 28:17 - Korwa Bible

¹⁷ हँकू ईसूकू ञेलतेरा दो, हँकू हाँयकू सलामतेरा। मनदो अदोम चेलाकू मेरकू बिसवासगाड।

मती ओजाःतेरा भगवानराः नपाय सरवन 28:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 16:28

अपे ईंगपे अयूम! नंडा चड़ाँत इदानकुःआ नँकुःआ होड़कू अते अदोम होड़कू, मनुवारीग बेटातराः राइज बुँहड़ीत अरीनकू ञेल वरी ओरोकू गोएगनेना।”

मती ओजाःतेरा भगवानराः नपाय सरवन 28:9

मनदो हँकिन सेनेन सेन मेला ईसू हँकिन सुदाय जुमावनेना अरूय कतातेड, “सलाम।” हँकिन हाँय एचेरेकिन सेनेडा अरू हाँयराः काट साबतेडखन हाँयकिन जागतेरा।

मरकूस 16:11

“ईंग ईसू जियाव रेमतोयिंग ञेलतिरिया।” मरियम नाःआ कताय कता उदुःआ, मनदो हँकू मेरकू बिसवासगाड।

मरकूस 16:13

हँकिन हों ईसू ञेलतेडखन ईसूरिकुःआ अदोम चेलाकू एचेरे एरुसलेम सहर अगी कुदा सेनेडखनकिन कता उदुःवाकुःआ। मनदो हँकिनराः बड़रा हों हँकू मेरकू बिसवासगाड।

मरकूस 16:14

हना तयोमते हँकू गारहगोटोंग मूक चेलाकू जोजोम लगाकू दुड़ुःकुःआ दो, ईसू हँकू एचेरे अनँयग एचे ञेलेयान। ईसू जियाव रेमयनाय, हना होड़कू उदुःवाकुःआ, दो हँकू मेरकू बिसवासगाड अते ईसू हँकूराः बेगर बिसवास अरू केटेग जीव अतेय डंटावतेडकुःआ।

एहुना 5:23

नाःआते होड़कू अपातकू मान मरजइतता हनन इया बेटात होंकू मान मरजइतता। अरू बेटात मेरेय मान मरजइतगेयता हाँयग होड़, बेटाते वारकेरा हाँयग अपात हों मेरेय मान मरजइतगेयता।”

मूक चेलाकू 1:3

ईसू कटसिया सहावतेडखन कुरूसरेय गोएगनेन तयोमरे हाँय जीयत इदानिया, माःआन मुरुक सताय चिनहाकून हँकुःआ होड़कू एचेरे चालीस दिन वरीय एचे उदुःतेरा अरू भगवानराः राइज बदीरेय कता उदुःतेरा।

1 कुरिंती 15:6

हनते पाँच सव अते बगरा चेलाकूतेन एचेरे मिनी जूदाय एचे ञेलनेना। हँकू अते मुरुक होड़कू तिसिंग वरी हों जीयत इदानकुःआ। मनदो हँकू अते तोनोंग तोनोंग होड़कू गोएगयना।