मती ओजाःतेरा भगवानराः नपाय सरवन 27:19 - Korwa Bible

¹⁹ पिलातूस गदीरे फड़ियावगे लगाय दुड़ुःआ हनमेला आँयगरीग अइमी हाँय एचेरे मीटोंग सरवने वारतेरा, “हाँयग सुधिया होड़राः जीवरे तोनोंगाः अलोम एचे। हाँय बदीरे ईंग मीटोंग सपनायिंग ञेलकेरा अरू हनाते नुँहू वरी ईंगराः जीव ओंगोल कुंभलाःतना।”

मती ओजाःतेरा भगवानराः नपाय सरवन 27:19 ပူးပေါင်းရင်းမြစ်များ

मती ओजाःतेरा भगवानराः नपाय सरवन 1:20

दो उसूप नाःआ इयाय ओंगोल दोहोतेरा दो, परबू भगवानरीग बराहील सपनारे हाँय एचेरे एचे ञेलनेनखने कताया, “ने दाऊदरीग नइड़-बाँस होड़ उसूप, सुनुद बिरुवाते मरियम भरी-पावकिया। हनालगा हाँय आम अइमी बड़ाँः अते अहम बोर।

मती ओजाःतेरा भगवानराः नपाय सरवन 2:19

तोनोंग बरिस तयोमरे हरदोस राजा गोएगनेना। हनते परबू भगवानरीग बराहील मिसिरी देसरे उसूप एचेरे मीटोंग सपनारेय कतातेरा,

मती ओजाःतेरा भगवानराः नपाय सरवन 2:22

अरकिलाउस आँयगरीग अपात हरदोस राजाराः बदलारे एहूदिया छतररे राइजगेतना, माःआन उसूप अयूमतेरा। दो हाँय एहूदिया छतर सेन लगाय बोरा। एटाः सपनारे भगवान हाँये सेतावतेरा दो, हाँय गलील छतर अगीय सेनेडा।

मती ओजाःतेरा भगवानराः नपाय सरवन 27:18

पिलातूस सुसुदीःआ, नँकुःआ होड़कू ईसू इरातेकू एचे साबतिरिया।

मती ओजाःतेरा भगवानराः नपाय सरवन 27:24

पिलातूस सुदीगोतेड, ईंग नाःआरे तोनोंगाः ओरोयिंग एचे अवेतेरा, अरू होड़कू तलारे हलो-गदउड़ी होयाःतना, माःआन। दो हाँय जमा होड़कू मड़ंगरे अनँयग तिःई अचंगनेनखने कताया, “नाँयग होड़ गुजुः दो, ईंगराः तोनोंग जिमा कोवानेःआ। जमा अँननपेराः हवे।”

मती ओजाःतेरा भगवानराः नपाय सरवन 27:4

“ईंग बेगर कसूर होड़ एचे साबतिरिगखनिंग कसूरकेरा।” मनदो हँकू कतातेड, “हनारे अले लगा तोनोंगाः मतलोब कोवानेःआ। हना दो अनम ञेल।”

लूका 23:41

अलंग बना होड़लंग कसूरकेरा अरू हनाराः डंडलंग पवावकिया। नाँयग होड़ दो तोनोंगाः मेरेय कसूरगरा। हनते हों नाँयकू डंडियावगोतेडा।”

लूका 23:47

मी सव सइनाकूरीग हातपात होड़ हंडाय दोहोना। हाँय हंडा होयानेना हना जमा ञेलतेडखन भगवाने जागतेरा अरू ईसू बदीरेय कताया, “सनातायरे नाँयग होड़ बेगर कसूर होड़े दोहोना।”

एहुना 19:13

नाःआ कता अयूमतेडखन पिलातूस ईसू बाहरीय अगूतिरिया। हंडा दिरि दूर ञावराः मीटोंग ततेर दोहोना, अरू इबरानी भासीरे गबबाता माःआनकू कतावाता। हंडा हाँय फड़ियावगे लगा गदीरेय दुड़ुःनेना।

मूक चेलाकू 12:21

मड़ंग अते तोल दोहोतेरा हना दिनरे हरदोस, राजाकू तुसिंगता हना सोनहे तुसिंगतेडखन राजाराः हातपातराः गदीरेय दुड़ुःयान। हनते हाँय हँकू एचेरे मीटोंग भासाड़े एमेतेरा।

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 18:16

हनते हाँय हँकुःआ जमा होड़कू कोट कछेरी ओड़ाः अतेय एचे उडुंगगोतेडकू।

मूक चेलाकू 18:17

हनते बेगर एहूदाकू अरजी ओड़ाःरीग हातपात होड़ सोसतिनूस साबतेडखन कोट कछेरी ओड़ाः मड़ंगरे हाँयकू ञेडतेरा। हनारे हों गलियो हँकुःआ होड़कू मेरेय रोंकावगाडकू।

मूक चेलाकू 25:10

दो पउलूस कतातेरा, “ईंग रूमी देसराः कोट कछेरीरे चड़ाँत इदानिंगा। अरू ईंगराः फड़ियाव ननंडा होयाः लगा इदा। अरू ईंग एहूदाकू बदीरे तोनोंगाः गारबार मेरिंग एचेगरा। हना नपायतेम सुदीयतना।

मूक चेलाकू 25:17

हँकू ईंग सुदा नंडाकू वेजेडा दो हाँय फड़ियावगेय लगा मेरिंग कुबेरगाड। मनदो एटाः दिन फड़ियावगेय लगा गदीरेयिंग दुड़ुःनेना अरू हाँयग होड़ ईंग मड़ंगरे अगूगेय लगायिंग हुकुमतेरा।

मूक चेलाकू 25:6

हँकू सुदा एरुसलेमरे आठ दस दिन दोहोनेनखन हाँय कइसरिया अगी तोराय। अरू हंडा सोदोरनेनखन एटाः दिन कोट कछेरी ओड़ाःरे दुड़ुःकियाखन पउलूस अगूय लगा अगुरा होड़कूय हुकुमवातेरा।

1 पतरस 2:22

“हाँय तोनोंगाः मेरेय कसूरगाड, अरू हाँय एचेरे तोनोंगाः अडिग ओंगोल मेर दोहोगान।”

1 एहुना 2:1

ने ईंगरिकुःआ लइंकू इया होड़कू, अपे अहापे कसूरगे लगा ईंग नाःआ कता अपे लगा ईंग ओजाःगेतानिंग। मनदो तोनोंगीग होड़ कसूरगे दो, बेगर गारबारीग ईसू मसी अबूराः कसूर बराव एंडागे लगा उकील इया अपात भगवान एचेरे इदानिया।