मती ओजाःतेरा भगवानराः नपाय सरवन 26:74 - Korwa Bible

⁷⁴ हनते पतरस अनँयग आँयग सती-सरापगुःआय अरू किरिया जोमवाडखने कताया, “हाँयग होड़ ईंग मेरिंग सुसुदीतना।” ओहेन कुकुड़ा कुकूड़चुःनेना।

मती ओजाःतेरा भगवानराः नपाय सरवन 26:74 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:28

अपेराः देहकू ञेड एंडाता, मनदो अपेराः बिरुवा ओरोकू गोएग अवेतेरा हँकुःआ होड़कू सुदा अलोपे बोर। मनदो अपेराः बिरुवा अरू देह दगलीकून नरगरेय लाय एंडा अवेता हनाँयपे बोरोवा।

मती ओजाःतेरा भगवानराः नपाय सरवन 26:34

दो ईसू पतरसे कतावाड, “ईंग कताम अयूम, तिनिसिंग रइत कुकुड़ा कुकूड़चुः अते मड़ंग आम पेय तुरहा ईंगमे आड-बेकारवाता।”

मती ओजाःतेरा भगवानराः नपाय सरवन 26:73

तोनोंगखन तयोमरे हंडा चड़ाँःत होड़कू पतरस एचेरे सेनेडखनकू कतातेरा, “सतायरे आम हों हँकुःआ होड़कू अते मी होड़ हवे। आमराः बड़रातेले सुसुदीतना।”

मती ओजाःतेरा भगवानराः नपाय सरवन 26:75

हनन मेला पतरस ईसू हाँय एचेरेय कतातेरा हनाय उहियार अगूतेरा, कुकुड़ा कुकूड़चुः अते मड़ंग आम पेय तुरहाम आड-बेकारवायिंगता, माःआन। अरू हाँय बहरी उडुंगनेनखन गोंघाड़ोमे इयामा।

मती ओजाःतेरा भगवानराः नपाय सरवन 27:25

जमा होड़कू कतातेड, “हाव, नाँयग होड़राः गुजुःराः जिमेवारी अलेराः अरू अलेरिकुःआ लइंकूराः होया जुवाः।”

मरकूस 14:30

दो ईसू पतरसे कतावाड, “ईंग कताम अयूम, आम तिनिसिंग रइत कुकुड़ा बार तुरहा कुकूड़चुः अते मड़ंग पेय तुरहा ईंगमे आड-बेकारवाता।”

मरकूस 14:68

दो पतरस ईसू आड-बेकारवडीगखने कतातेड, “ईंग मेरिंग सुसुदीतना अरू मेरिंग बुझाःतना आम चेले माःआनमे कतायतना।” हनते हाँय राच दुवार बहरी होरे सेनेडा [अरू कुकुड़ा कुकूड़चुःनेना।]

लूका 22:60

दो पतरस कताया, “ने दादा, आम चिलाम कतातना हना ईंग मेरिंग सुसुदीतना।” नाःआ इया पतरस कनकता मेला कुकुड़ा कुकूड़चुःनेना।

एहुना 18:27

पतरस अरूय आड-बेकारवातिरिया अरू हननमेला कुकुड़ा कुकूड़चुःनेना।

रूमी 9:3

होया अवेन दो भगवान ईंग सती-सरापतिरिंगखन ईसू मसीतेयिंग एटाः जुवाः, जेमहा हँकुःआ होड़कू हों ईसू मसीराः दुलारकू सुदी अवे।

1 कुरिंती 16:22

तोनोंगीग परबू मेरेय अलार-दुलारगेय दो, हाँय सती-सरापतो इदानिया। ने अलेरीग परबू, वेनेगबाःकनमे।

उदुःतो कताकून 3:19

ईंग दुलारकूता हँकुःआ जमा होड़कू ईंग सोएग दूररेयिंग नपायकूता अरूयिंग डंटावकूता। हनालगा अपेराः जीवपे होमगोड, अरू कसूर अते भगवान अगी जीवपे कुदा।