मती ओजाःतेरा भगवानराः नपाय सरवन 26:61 - Korwa Bible

⁶¹ टुटीगरे बार होड़ लबरा हिदइतकिन उदुःतेड। हँकिन कतातेड, “नाँयग होड़ कतातेरा, ईंग भगवानराः नाःआ ओड़ाःयिंग रुबगोडता अरू पेय दिनरे अरूयिंग तुलागोडता, माःआन।”

मती ओजाःतेरा भगवानराः नपाय सरवन 26:61 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:24

मनदो फरीसी होड़कू नाःआ कता अयूमतेडखनकू कतातेड, “भूतकूरीग राजा दरहाते नाँय भूतकूय एचे उडुंगतना।”

मती ओजाःतेरा भगवानराः नपाय सरवन 26:62

हनते मूक पुजउरी चड़ाँनेनखन ईसू एचेरेय होंबोरतेरा, “आम तोनोंग माःआन चिला लगा मेरेम कतायतना जा? नँकुःआ होड़कू आम बदीरे चेले माःआन हिदइतकू एमेतना?”

मती ओजाःतेरा भगवानराः नपाय सरवन 26:71

हनते हाँय राच दुवार बहरी होरे सेनेडा। हंडा एटाः मी होड़ धंगड़ी हाँय ञेलतेडखन हंडा चड़ाँत होड़कू एचेरेय कताया, “नाँयग होड़ हों नसरतरीग ईसू सुदाय दोहोना।”

मती ओजाःतेरा भगवानराः नपाय सरवन 27:40

“आम भगवानराः ओड़ाः एचे रूबकेडखन अरू पेय दिनरेम तुलागोडता जा? दो अनम बनसाः। आम भगवानरीग बेटा हवे दो कुरूस अतेम उतराव वेग।”

मती ओजाःतेरा भगवानराः नपाय सरवन 27:5

हनते जूदा हना रिचकी चाँदीकून भगवानराः ओड़ाःरेय तेके एंडा अटूड, अरू हाँय बहरी सेनेकियानखन अनँयग आँयगतेय वका गोएगयान।

मरकूस 14:58

नाँयग होड़ नाःआ इयाय कताया हनाले अयूमकेरा, तिःईतेकू तुलाकेरा हना भगवानराः ओड़ाः एचे रूब एंडागोडतिंग अरू तिःईते मेरकू तुलागरा एटाःआ ओड़ाः पेय दिनरेयिंग तुलागोडता, माःआन।

मरकूस 15:29

हना दूररेकू सेने पारा हँकुःआ होड़कू ईसू कुरूसरे ठोंकावतो ञेलतिरिगखन बोः डोलावकेडखन बेग-हता घड़ीनकू कताया, “अहाँ! आम दो भगवानराः ओड़ाः एचे रूबकेडखन अरू पेय दिनरेम तुलागोडता, जा?

लूका 23:2

हँकू ईसू बदीरे पिलातूस एचेरेकू कताया, “नाँयग होड़ अलेरिकुःआ होड़कूय बहकावता। नाँय कतायता रूमी देसरीग राजा एचेरे मलगुजारी अलोपे एमेय अरू अनँयग बदीरेय कतायता, ईंग मसी अरू राजा हवे, माःआन।”

एहुना 9:29

अले सुदीयतना भगवान मोसेस सुदाय बड़रानेना, मनदो अले नाँयग होड़ मेरले सुदीगेयता, हाँय करेयीग होड़ हवे, माःआन।”

मूक चेलाकू 17:18

तोनोंग तोनोंग इपिकुरी अरू इसतोइकी गउदारिकुःआ कनहून चेडदार होड़कू पउलूस सुदाकू अड़ा-चउकीःआ। हँकू अते अदोम होड़कू होंबोरतेरा, “नाँयग बेलूर बउकाः होड़ चेले माःआन कताय लगाय चहाःतना?” एटाः होड़कू कतातेरा, “नाँय दो एटाः देसरिकुःआ होड़कूराः तोनोंग देवताराः बदीरेय कतायतना।” पउलूस, ईसूराः नपाय सरवन अरू गोएगतो होड़कूय जियाव रेमता हना कताय परसार उदुःतेरा, हनालगा हँकुःआ होड़कू नाःआ इयाकू कतातेरा।

मूक चेलाकू 18:13

हँकू हाँय बदीतेडखनकू कतातेरा, “नाँयग होड़ नाःआ सहररिकुःआ होड़कू अलेराः नियम इया कोवान, मनदो एटाः इया भगवान जाग लगाय चेडलेतना।”

मूक चेलाकू 22:22

बेगर एहूदाकू बदीरे पउलूस कताया, हना वरीते होड़कू हाँयराः बड़राकू अयूमतेरा। हना तयोमरे हँकू खिररी घड़ीनकू कताया, “नाँयग होड़ ञेड एंडागेय लगा इदा। नाँय नाःआ चउंदीसरे दोहोन जुकूर कोवाया।”