मती ओजाःतेरा भगवानराः नपाय सरवन 26:55 - Korwa Bible

⁵⁵ हनमेला ईसू होड़कू एचेरेय कतातेड, “अपे ईंग लुलुड़ी होड़ ओंगोलवाडिंगखन ससाब लगा तलवइरकून अरू हापकून साबकेडखनपे वेगकिया जा? ईंग सगर दिन भगवान ओड़ाःरे अपे सुदायिंग दोहोना अरू होड़कूयिंग चेडा। दो अपे हंडा ईंग मेरपे साबगडिंग।

मती ओजाःतेरा भगवानराः नपाय सरवन 26:55 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:23

ईसू भगवानराः ओड़ाःरे बोलोनेनखन होड़कूय चेचेडा। दो मरंग पुजउरीकू अरू होड़कूरिकुःआ हातपातदारकू हाँय एचेरे वेगनेनखनकू होंबोरतिरिया, “आम नाःआ इया बुता इयेराः हातपाततेम एचेयता? अरू नाःआ एचेय लगा इये हातपाते ओवाडमेःआ?”

मती ओजाःतेरा भगवानराः नपाय सरवन 26:47

ईसू कनताय कताय मेला, बारहगोटोंग मूक चेलाकू अते मी होड़ जूदा वेगनेना। मरंग पुजउरीकू अरू इसराएलरिकुःआ मूक होड़कू हाँय सुदा मुरुक बगरा होड़कूकू वारतेरा। हँकुःआ होड़कू तलवइरकून अरू हापकून साबतेडखनकू वेजेडा।

मरकूस 10:1

हनते ईसू कपरनहूम सहर अते एहूदिया छतरराः सियाँ सरहद होरते एरदन नई मार परोमरेय सेनेडा अरू मुरुक बगरा होड़कू हाँय एचेरेकू जुमावनेना। हनमेला ईसू हँकुःआ होड़कू, हाँय मड़ंगे चेडा हना इयाय चेडकुःआ।

मरकूस 12:35

हनते ईसू भगवानराः ओड़ाःरे होड़कू चेडतेडकूखने कतातेरा, “नियम चेडदार होड़कू करा इयाकू कतायता, मसी, दाऊद राजारीग नइड़-बाँस बेटात हवे, माःआन?

लूका 19:47

ईसू सगर दिन भगवान ओड़ाःरे सेनेकियानखन होड़कूय चेडा। मरंग पुजउरीकू अरू नियम चेडदार होड़कू अरू एटाः हातपात होड़कू ईसू ञेड एंडाय लगा दोंगकू ञामा।

लूका 20:1

मी दिन ईसू भगवान ओड़ाःरे होड़कूय चेचेडा अरू भगवानराः नपाय सरवने कता उदुःवाकुःआ। दो मरंग पुजउरीकू अरू नियम चेडदार होड़कू इसराएल होड़कूरिकुःआ मूक होड़कू सुदा वेगवाडखन,

लूका 4:20

हना तयोमरे हाँय कागद कोंडोड़वातेडखन अरजी ओड़ाःरीग सेवा होड़ एचेरेय एमेतेरा अरूय दुड़ुःयान। दो अरजी ओड़ाःरिकुःआ जमा होड़कू हाँय मी ढीटकू ञेलेया।

एहुना 7:14

दो परोब चइर दिन होयानेन दो ईसू भगवानराः ओड़ाःरे सेनेकियानखन होड़कू चेड लगाय बुँहड़ीतेरा।

एहुना 7:28

हनते ईसू भगवानराः ओड़ाःरे चेचेड मेला मुरुक सटीय कताया, “अपे ईंगपे सुदीयिंगतना अरू ईंग करा अगीतेयिंग वेगकिया हना होँपे सुसुदीतना। ईंग इनिंगते मेरिंग वेगगना। ईंगे वारकेरा हाँय सताय इदानिया अरू अपे हाँय मेरपे सुदीयतना,

एहुना 8:2

अंगुः निंदावा ईसू भगवानराः ओड़ाःरेय सेनेडा दो मुरुक होड़कू हाँय एचेरेकू जुमावयान। हनते ईसू दुड़ुःनेनखने चेडकुःआ।

एहुना 8:20

नाःआ कता भगवानराः ओड़ाःरे दसिना बकसा धरीरे ईसू चेचेडा। मनदो हाँय एचे साबेयराः बेला मेर होयागान, हनालगा तोनोंगीग मेरकू साबगडीग।