मती ओजाःतेरा भगवानराः नपाय सरवन 26:41 - Korwa Bible

⁴¹ जगलेम दोहोन अरू भगवान एचेरेम अरजीगोड ञवन। हना अते आम तोनोंग इयाःआ अंदजावरे ओरोम परावनेना। जीव बिरुवा सपड़ावतो इदा, मनदो नाःआ देह जंगर कुड़ही इदा।”

मती ओजाःतेरा भगवानराः नपाय सरवन 26:41 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:42

अपे मेरपे सुसुदीतना अपेरीग परबू तुमिसे वेगता। हनालगा अपे जगलेपे दोहोन।

मती ओजाःतेरा भगवानराः नपाय सरवन 25:13

हनन इया अपे हों ईंगराः कुदा वेगराः बेला मेरपे सुसुदीतना। हनालगा जगलेपे दोहोन।”

मती ओजाःतेरा भगवानराः नपाय सरवन 26:38

अरू हाँय हँकुःआ पेयगोटोंग मूक चेलाकूतेने कतावातेरा, “ईंगराः जीव मुरुक उदबासयना अरू गुजुः इयायिंग होयायना। अपे ननडापे दोहोन अरू ईंग सुदा जगलेपे दोहोन।”

मती ओजाःतेरा भगवानराः नपाय सरवन 6:13

अरू कसूरराः रेनहारे अलोम पराव ओवाले, मनदो बेलूर अतेम बनसावले। [हकतियार अरू जंगर अरू मान मरजइत सगर सइट वरी अनमराः हवे। आमीन!]

मरकूस 14:38

जगलेम दोहोन अरू भगवान एचेरे अरजीगोड ञवनमे, जेमहा आम तोनोंग इयाःआ अंदजावरे अलोम पराः। जीव बिरुवा सपड़ावतो इदा, मनदो नाःआ देह जंगर कुड़ही इदा।”

लूका 11:4

अले एटाः होड़कूराः कसूरले बराव एंडाकेरा, हनन इया अलेराः कसूर होंम बराव एंडागोड। अरू कसूरराः रेनहारे अलोम पराव ओवाले।”

लूका 21:36

हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”

लूका 22:40

हंडा सोदोरकियानखन ईसू हँकू एचेरेय कताया, “अपे अरजीगेपे, जेमहा अंदजावरे अहापे पराः।”

लूका 22:46

ईसू हँकू एचेरेय कताया, “अपे चिला लगापे अपीगतना? रिमुःपे। अपे अरजीगेपे, जेमहा अंदजावरे अलोपे पराः।”

लूका 8:13

दररी ओतरे लोजोरनेना हना बिहान नाःआ इया होड़कू हवे। हँकू भगवानराः कता अयूमकेडखन बहालतेकू मनाःता। अरू हँकू तोनोंग दिन वरी बिसवासरेकू दोहोनता, मनदो जेर नपायते मेर साबगुःता, हनाते तोनोंग तोनोंग इयाःआ कटसिया मेला बिसवासकू अड़ाःगोडता।

रूमी 8:3

दो अबू मोसेसराः नियमकून जमालेःआ मनाः लगाबू कुरनिसगे। हनते हों अबूराः कसूर लूर-नेवन मेर टुटीगगुःता। मनदो भगवान अबूय सडाव अवेता। हनालगा जमा होड़कूराः कसूर बराव एंडागे लगा, हाँय अनँयगरीग मिनी होड़ बेटात ईसू मसी, कसूरतो मनुवाराः सुरइत मुरइतरे, नाःआ चउंदीसरेय वारगोतेडीग। हनते हाँय जमाकूराः कसूर लगा डंडियावतेडखन ईसूय एचे बलिदानगोतेडीग।

1 कुरिंती 10:13

जमा होड़कू अंदजावरेकू पराःता, अरू हनन इया अपे लगा हों अंदजाव होयाःता। भगवान भरसागे इयायीग हवे। अपे सहाव अवेयता, हना अते बगरा अंदजावरे ओरोय पराव ओवातेडपेःआ। मनदो अपे जीवरे अंदजाव होयाः मेला, अपे ससहाव लगा हों भगवान अपे दूरे उदुःवापेता, जेमहा अपे अलोपे कसूरगे।

1 कुरिंती 16:13

सवासितीपे दोहोन। बिसवासरे अलोपे टास मासगुः, मनदो डीड़गार अरू बनड़ियाड़पे दोहोन।

1 कुरिंती 9:27

ईंग होड़कू एचेरे नपाय सरवनिंग परसार तयोमरे, ईंगराः सेवा भगवान मड़ंगरे बेगर लूर होया जुवाः दो ईंग लगा चिला नफा इदा? हनालगा ईंग इनिंगराः देह दगलीकून ओंगोल समझाव घड़ीन बेगारीयिंग बड़ाँवगेता।

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

इपीसी 6:18

सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

2 पतरस 2:9

हाँयकू सेवाता हँकुःआ होड़कू भगवान कटसिया अतेय सडावकू लगा अरू बेलूर होड़कू फड़ियावराः दिन वरी डंडियावगोड ञवन लगा होंय सुदीयता।

उदुःतो कताकून 16:15

“अयुमेपे, ईंग इनिग होड़ इया अपे एचेरे असाकायिंग सेनता। जगियातकू दोहोनता अरू अँनकूराः सोनहेकू सपड़ाव दोहोकाता, हँकुःआ होड़कूराः जीव भगवान नपायगेता। हँकुःआ होड़कू एकेते मेरकू दोहोनता अरू हँकू ओरोकू गियूनेना।”

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।