मती ओजाःतेरा भगवानराः नपाय सरवन 26:24 - Korwa Bible

²⁴ मनुवारीग बेटात बदीरे भगवानराः कागदरे ओजाःतो इदा हनन इयाय गुजुःता। मनदो मनुवारीग बेटाते एचे साबेयता हाँयग होड़राः जीव नपाय कहियो ओरो दोहोनेना। हाँय अनाहाय जनमावकुः दो, हाँय लगा नपाय दोहोकुःआ।”

मती ओजाःतेरा भगवानराः नपाय सरवन 26:24 ပူးပေါင်းရင်းမြစ်များ

मती ओजाःतेरा भगवानराः नपाय सरवन 18:7

होड़कूकू एचे कसूरकूता हना कताकूनते चउंदीसरिकुःआ होड़कूराः जीव ठीक जुवाःता। ननानाः कताकून होनोयाः लगा इदा। मनदो एटाः होड़े एचे कसूरता हाँयग होड़राः जीव ठीक जुवाःता।

मती ओजाःतेरा भगवानराः नपाय सरवन 26:31

हनते ईसू हँकू एचेरेय कताया, “भगवानराः कागदरे नाःआ इया ओजाःतो इदा, ईंग सरवाहा होड़िंग ञेड एंडाता, अरू भेड़ाकू सितिर-बितिर जुवाःताकू। हनालगा अपे जमा होड़कू ईंग अड़ाःकेडखन तिसिंग रइतपे सलाव जुवाःता।

मती ओजाःतेरा भगवानराः नपाय सरवन 26:54

मनदो भगवानराः कागदरे ओजाःतो इदा हना नाःआ इया पुराः लगा इदा।”

मती ओजाःतेरा भगवानराः नपाय सरवन 26:56

मनदो नाःआ जमाकून भगवानराः बड़रा कता होड़कू ओजाःतेरा हना कता पुराः लगा होयाकिया।” हनते जमा मूक चेलाकूतेन ईसू अड़ाःतिरिगखनकू ञीरयान।

मरकूस 14:21

मनुवारीग बेटात बदीरे भगवानराः कागदरे ओजाःतो इदा हनन इयाय गुजुःता। मनदो मनुवारीग बेटाते एचे साबेयता, हाँयग होड़राः जीव नपाय कहियो ओरो दोहोनेना। हाँय अनाहाय जनमावकुः दो, हाँय लगा नपाय दोहोकुःआ।”

मरकूस 9:12

दो ईसू हँकू एचेरेय कतातेरा, “सतायरे इलियाह मड़ंग वेगकेडखन जमाकूने मंदरावगोडता। मनदो मनुवारीग बेटात बदीरे चिला लगा नाःआ इया ओजाःतो इदा, हाँय मुरुक कटसियाय सहावता अरू आड-बेकारवायताकू?

लूका 22:22

मनुवारीग बेटात भगवान ओंगोल दोहोकेरा हनन इयाय गुजुःता। मनदो मनुवारीग बेटाते एचे साबेयता हाँयग होड़राः जीव नपाय ओरो दोहोनेना।”

लूका 24:46

हाँय कताया, “भगवानराः कागदरे नाःआ इया ओजाःतो इदा, मसी कटसिया सहावकेडखने गुजुःता अरू पेय दिनरेय जियाव रिमुःता।

एहुना 17:12

ईंग हँकू सुदा चउंदीसरेयिंग दोहोन मेला आमराः ञावराः जंगरते हँकूयिंग बनसाव हड़ाःकुःआ। लायगुः लगा भगवान दोहोतिरिया हनाँयग चेला एकला भगवानराः कागदरे ओजाःतो इयाय लायगुःता।

एहुना 19:24

हनालगा हँकू अँननकू अँकू कता होड़ेंगनेना, “अबू नाःआ अहाबू सिरावगे। मनदो नाःआ सोनहे इयेराः होयाःता हना सुदी लगाबू चीट-पोटगेता।” भगवानराः कागदरे ओजाःतो इया होनोयाः लगा नाःआ इया होयानेना। हँकुःआ होड़कू ईंगराः सोनहे लगाकू चीट-पोटतेरा, अरू ईंगराः सोनहे अँननकू हटिंगयान। दो सइना होड़कू हनन इयाकू एचेतेरा।

एहुना 19:28

ईसू ईंगराः सेवा चबायना माःआने सुदीतेडखन भगवानराः कागदरे ओजाःतो इदा हना कता होनोयाः लगाय कतातेरा, “ईंग ततंगकिरिंगा।”

मूक चेलाकू 2:23

भगवान मड़ंगरेय ओंगोल दोहोतेरा हना ओंगोल अरू बुइद इया नाँयग होड़ अपे एचेरेय जिमातिरिया अरू बेगर एहूदाकूराः संघराते अपे हाँय कुरूसरेपे ठोंकाव गोएग एंडागोतेडीग।

मूक चेलाकू 28:23

दो हँकू हाँय सुदा बुतुड़ु लगा मीटोंग दिनकू तोल दोहोतेरा। अरू हना दिन पउलूस दोहोना हना ओड़ाःरे, मुरुक होड़कू जुमावनेना। निंदावा अते सिंगाड़ वरी, हाँय भगवानराः बड़रा कता होड़ मोसेसराः नियमकून, अरू भगवानराः बड़रा कता होड़कू ओजाःतेरा एटाः कागदकूनते, ईसू मसीराः बदीरे एचे सुदीकू घड़ीन, भगवानराः राइज बदीरे हिदइते उदुःवातेडकुःआ।

मूक चेलाकू 4:28

आमराः जंगर अरू कनहून इया होनोयाः लगा मड़ंग अतेम ओंगोल दोहोतेरा हिनिनमिन हँकू एचे अवेतेरा।

1 कुरिंती 15:3

हनालगा ईंग चेडकिया हनानाः मनइद कता अपेयिंग चेडकेडपेःआ। भगवानराः कागदरे ओजाःतो इदा हनन इया ईसू मसी अबूराः कसूर लगाय गोएगनेना।