मती ओजाःतेरा भगवानराः नपाय सरवन 26:18 - Korwa Bible

¹⁸ दो ईसू चेलाकूतेन एचेरेय कताया, “अपे सहररेपे सलाव जुवाः अरू मी होड़ एचेरेपे सेन अरू हाँयपे कतावा, गुरुजी कताया, ईंगराः बेला निचकाःतना। ईंग अरू ईंगरिकुःआ चेलाकू पसहा परोब आम ओड़ाःरेले मनाःता, माःआन।”

मती ओजाःतेरा भगवानराः नपाय सरवन 26:18 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:3

अबा एचेरे तोनोंगीग कही माःआने कताय दो कतायबा, परबूके नँकिनराः जरूरइत इदा, माःआन। दो हाँय हँकिन ओहेने वारगोडकिनता।”

मती ओजाःतेरा भगवानराः नपाय सरवन 23:10

मसी अपेरीग मिनीटोंग मालिक इदानिया। हनालगा अपे अँननपे मालिक माःआन अलोपे एचे कतान।

मती ओजाःतेरा भगवानराः नपाय सरवन 23:8

मनदो अपेरीग मिनीटोंग गुरुजी इदा अरू अपे जमाकू वगीयाकू हवे। हनालगा अपे अँननपे रबबी माःआन अलोपे एचे कतान।

मती ओजाःतेरा भगवानराः नपाय सरवन 26:19

चेलाकू ईसू कतातेरा हनन इयाकू एचेतेरा अरू पसहाराः सरबहाकू संजोड़तेरा।

मती ओजाःतेरा भगवानराः नपाय सरवन 26:2

“अपे सुसुदीतना बार दिन तयोमरे पसहा परोब इदा। अरू हनमेला होड़कू मनुवारीग बेटातकू सबेयता अरू कुरूसरेकू ठोंकाव गोजेयता।”

मती ओजाःतेरा भगवानराः नपाय सरवन 26:49

दो जूदा ईसू एचेरे ओहेन सेनेडखने कतातेड, “ने रबबी, सलाम सलाम”, अरू हाँये अंजोडतेरा।

मरकूस 5:35

ईसू कनताय मेला आईरराः ओड़ाः अतेकू वेगिकिया हँकुःआ होड़कू हाँय एचेरेकू कताया, “आम बिटी गोएगयनाय। दो गुरुजी चिला लगाम हलकइनगेयतना?”

लूका 22:53

भगवान ओड़ाःरे ईंग सगर दिन होड़कूयिंग चेडा। हनमेला अपे ईंग साब लगा मेरपे वेगगान। मनदो नुँहू अंदरारे कलउ अनँयगराः जंगरतेय बुतातना दो, अपेके दोंग होयायना।”

एहुना 11:28

नाःआ कतावाडखन मारता कुदा सेनेडा अरू हाँयरीग मेसेत मरियम एकला राःतिडिगखने कताया, “गुरुजी वेगकिया अरू आमे राःतना।”

एहुना 12:23

दो ईसू कता उदुःतेरा, “मनुवारीग बेटातराः मान मरजइत होयाःराः बेला सोदोरयना।

एहुना 13:1

पसहा परोब बुँहड़ीन अते मड़ंग ईसू सुदीगोतेडे, नाःआ चउंदीस अड़ाःकेडखन ईंग अपांग एचेरे सेन लगा बेला निचकाःतना। अरू चउंदीसरे इदानकुःआ आँयग निकता होड़कू हाँय मुरुके दुलारकेडकुःआ अरू हनन इया हँकू सगर सइटे दुलारकूता।

एहुना 17:1

दो ईसू नाःआ जमाकून कतातेड तयोमरे सेरमो अगी संगीलतेडखने अरजीतेरा, ने अपांग भगवान, बेला सोदोरयना। आम ईंगमे एचे मान मरजइत अरू नाःआते ईंग आमिंग एचे मान मरजइतता।

एहुना 20:16

दो ईसू हाँय एचेरेय कताया, “ने मरियम।” हनते हाँय ईसू अगी उलटावनेनखने कतातेरा, “ने रबूनी!” (इबरानी भासीरे रबूनी लबदराः मतलोब, ने ईंग गुरुजी, माःआन हवे।)

एहुना 7:30

हनते एहूदाकूरिकुःआ मूक होड़कू ईसू साबगेय लगाकू ओंगोलतेरा। मनदो हाँय साबराः बेला मेर होयागान, हनालगा तोनोंगीग मेरकू साब अवेगडीग।

एहुना 7:6

दो ईसू हँकू एचेरेय कतातेड, “नुँहू वरी परोब सेन लगा ईंगराः बेला अरीन सुदुरुःआ। मनदो अपे तोनोंग बेलापे सेने अवेनता।

एहुना 7:8

अपे परोब लगापे सलाव जुवाः। ईंगराः बेला अरीन सुदुरुःआ, हनालगा ईंग नुँहू मेरिंग सेनतना।”