मती ओजाःतेरा भगवानराः नपाय सरवन 26:14 - Korwa Bible

¹⁴ हनते ईसूरिकुःआ बारहगोटोंग मूक चेलाकूतेन अते मी होड़ जूदा इसकरियोती मरंग पुजउरीकू एचेरेय सेनेडा।

मती ओजाःतेरा भगवानराः नपाय सरवन 26:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:4

सिमोन कनानी, अरू तयोमरे ईसूय एचे साबतेरा हाँयग जूदा इसकरियोती।

मती ओजाःतेरा भगवानराः नपाय सरवन 26:25

ईसू एचे साबगे लगा दोहोना हाँयग जूदा कतातेरा, “ने रबबी, इनिंग हवे जा?” दो ईसू कता कुदातेरा, “आम अनम कताकेरा।”

मती ओजाःतेरा भगवानराः नपाय सरवन 26:47

ईसू कनताय कताय मेला, बारहगोटोंग मूक चेलाकू अते मी होड़ जूदा वेगनेना। मरंग पुजउरीकू अरू इसराएलरिकुःआ मूक होड़कू हाँय सुदा मुरुक बगरा होड़कूकू वारतेरा। हँकुःआ होड़कू तलवइरकून अरू हापकून साबतेडखनकू वेजेडा।

मती ओजाःतेरा भगवानराः नपाय सरवन 27:3

दो मड़ंगरे ईसूय एचे साबतिरिया हाँयग जूदा सुदीगोतेड ईसू ञेड एंडा लगाकू रायनेना। दो हाँय एचेतेरा हना कता बदीरेय पसताःआ अरू चाँदीराः तीसगोटोंग रिचकी ढिबुवा गोःकेडखन मरंग पुजउरीकू अरू एहूदा मूक होड़कू एचेरे सेनेडखने कतातेरा,

एहुना 12:4

मनदो तयोमरे ईसूय एचे साबतेरा ईसूरीग चेला जूदा इसकरियोती कताया,

एहुना 13:2

सिमोनरीग बेटात जूदा इसकरियोतीराः जीवरे ईसू एचे साब लगा मड़ंगते कलउ ओंगोले सोलोंग दोहोतेरा। दो ईसू अरू चेलाकूतेन बियाड़ीकू जोम मेला,

एहुना 13:26

दो ईसू हाँये उदुःवातेरिया, “डुंडीगतो रुटी झोड़रे जोबरावकेडखन ईंग एमेवायता हाँयग होड़, हनाँय हवे।” अरू हाँय डुंडीगतो रुटी झोड़रे जोबरावकेडखन सिमोनरीग बेटात जूदा इसकरियोतीय एमेवातेरा।

एहुना 13:30

दो हनमेला रइतयान अरू डुंडीगतो रुटी जोमकेडखन जूदा ओहेन बहरी होरे उडुंगनेना।

एहुना 18:2

ईसू अरू आँयगरिकुःआ चेलाकू हंडाकू सेन वेगा। हनालगा ईसूय एचे साबतेरा हाँयग जूदा हों हना ततेरे सुसुदीःआ।

मूक चेलाकू 1:16

अरूय कतातेड, “ईंग अजी बोपोहकूतिंग, मड़ंगरे भगवानराः सुद बिरुवाते दाऊद राजा जूदा बदीरेय कतातेरा हना कता पुराः दोहोना। हाँयग जूदा, ईसू साब लगाकू वेजेडा हँकुःआ होड़कूय अगुवाइतेडकुःआ।

मूक चेलाकू 1:18

(हाँयराः बेलूर बुताराः बनीते हाँय मीटोंग दोहोड़े किजातेरा। हाँय सुदूब दूरे लोजोरनेना अरू हाँयराः धारतो सिरावयान अरू लवीगतो उडुंगयान।