मती ओजाःतेरा भगवानराः नपाय सरवन 25:1 - Korwa Bible

¹ “भगवानराः राइज अँनकूराः ढिबरीकून गोःकेडखन बरवा सुदा जुमाः लगाकू उडुंगनेना हँकुःआ दसगोटोंग धंगड़ीकू इया इदा।

मती ओजाःतेरा भगवानराः नपाय सरवन 25:1 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:24

हनते ईसू चेलाकूतेन एचेरे अरू मीटोंग अउल-तउल कहड़ीय कतातेरा, “भगवानराः राइज अनँयग दोहोड़रे नपाय बिहाने वेरतेरा, हाँयग होड़ इया इदा।

मती ओजाःतेरा भगवानराः नपाय सरवन 13:31

ईसू हँकू एचेरे अरू मीटोंग एटाःआ अउल-तउल कहड़ीय कतातेरा, “भगवानराः राइज ढड़हा बिहान इया इदा। हना मी होड़ होड़ गोःकेडखन अनँयगराः दोहोड़रेय वेरगोतेड।

मती ओजाःतेरा भगवानराः नपाय सरवन 13:38

दोहोड़ नाःआ चउंदीस हवे अरू नपाय बिहान भगवानराः राइजरिकुःआ होड़कू हवे। पहाड़ बीर बिहान कलउरिकुःआ होड़कू हवे।

मती ओजाःतेरा भगवानराः नपाय सरवन 13:47

ईसू अरू मीटोंग अउल-तउल कहड़ीय कतातेरा, “भगवानराः राइज समुंदरेकू एनेगता हना मरंग जाल इया इदा। हना जाल दाःरेकू तेकेगोडता दो जमा इयाकुःआ हकूकू गरोम जुमावगोडकूता।

मती ओजाःतेरा भगवानराः नपाय सरवन 20:1

“निनिंदावा निंदावा अनँयग अंगूर बगइचारे बुता लगा मंजुरियाकू सपा लगाय सेनेडा हाँयग अंगूर बगइचारीग मालिक इया इदा भगवानराः राइज।

मती ओजाःतेरा भगवानराः नपाय सरवन 22:2

हाँय कतातेरा, “भगवानराः राइज अनँयगरीग बेटातराः बियाह लगा भोज जोमे संजोड़तेरा हाँयग मी होड़ राजा इया इदा।

मती ओजाःतेरा भगवानराः नपाय सरवन 25:7

हनते जमा धंगड़ीकू रेमनेनखन अँनकूराः ढिबरीकूनकू सोझावतेरा।

मती ओजाःतेरा भगवानराः नपाय सरवन 3:2

“भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा।”

मती ओजाःतेरा भगवानराः नपाय सरवन 5:16

ननन इया अपेराः लूर-नेवन मरसल इया जमा होड़कू एचेरे नपाय दोहोन दो, होड़कू अपेराः नपाय बुता ञेलकेडखन सेरमो देसरीग अपांग भगवानकू मान मरजइतता।”

मती ओजाःतेरा भगवानराः नपाय सरवन 9:15

दो ईसू हँकू एचेरेय कतातेरा, “बरबाबू सुदाकू दोहोनता हँकुःआ बरतियाकू चिला लगाकू फिकिराःआ? मनदो तोनोंग दिनरे बरबाबू हँकू अतेकू गोःगेयता, दो हनमेला हँकू उपासरेकू दोहोनता।”

एहुना 18:3

दो जूदा रूमी देसरिकुःआ अदोम सइना होड़कू अरू मरंग पुजउरी होड़कू अरू फरीसी होड़कू वारतेडकुःआ हँकुःआ भगवानराः ओड़ाःरिकुःआ अगुरादार होड़कूय अविर अगूतेरा। अरू हँकुःआ होड़कू मुरीकून, ढिबरीकून अरू अवजारकून साबतेडखन हंडाकू सोदोरयान।

एहुना 3:29

कनियानुनी बरवारीग हवे मनदो बरवारीग सउंगता सपड़ावकेडखन बरवाय तंगीता अरू हाँय बरवाराः अरो अयूमकेडखने बहाल जुवाःता। हनन इया नुँहू ईंग हों मुरुकिंग बहालयना।

मूक चेलाकू 20:8

संगइतीरेले दुड़ुःनेना हना सेरमोराः छिनारे मुरुक ढिबरीकून दोहोना।

1 कुरिंती 11:2

अपे जमालेःआ लगा ईंगपे उहियारगोड ञवनता। अरू ईंग चेडतेडपेःआ हना जमाकून अपे मनाःतना। हनालगा अपेयिंग भल-भलायवाता।

2 कुरिंती 11:2

भगवान अपे बदीरेय ओंगलेता हनन इया ईंग अपे बदीरेयिंग ओंगलेतना। ईंग अपे मिनीटोंग मरद, मसी सुदायिंग मंगा-बरागोतेडपेःआ, जेमहा अपे सुद डिंडा धंगड़ी इया मसी एचेरेयिंग जिमा अवेपे।

2 तिमुतियूस 4:8

दो नुँहू वरीते बेगर गारबारराः इमान सनातायते होड़कूय फड़ियावकूता हाँयग परबू ईसू, हनानाः दिन ईंग लगाय एमेयता। अरू हान ईंग एकला लगा कोवान, मनदो हाँय कुदा वेगता हना बदीरे टक टक इदानकुःआ हँकुःआ जमा होड़कू लगा होंय एमेयता।

तितूस 2:13

अरू अबूरीग मरंग भगवान अरू सडावदार ईसू मसी मान मरजइत सुदा चउंदीसरेय कुदा वेगता हना दिन लगा बहालते असरा घड़ीनबू टकागोड ञवनतना।

उदुःतो कताकून 14:4

हँकू जमाकू कुवाँर इदानकुःआ, अरू कहियो तोनोंगीग अइमी सुदा मेरकू गेतेग मइलावगना। अरू भेड़ा होन हँकूय अगुवाइवाकूता, हनन अगी हाँय तयोम तयोमकू सेनता। हँकुःआ होड़कू मनुवाकू अते बुताराः मड़ंग बंटा इया भगवान अनँयग लगा अरू भेड़ा होन लगाय सडावतेडकुःआ।

उदुःतो कताकून 19:7

दोबू अबू बहालते, भबराः घड़ीन हाँयबू जाग। भेड़ा होनराः बियाह निचकाःतना। अरू हाँयरीग कनिया सपड़ावतो इदानिया। हनालगा हाँयबू जागता।

उदुःतो कताकून 21:2

हनते ईंग सुद सहर, नँवा एरुसलेम भगवान अगीते सेरमो देस अते उतराःतो ईंग ञेलतेरा। हना सहर, अनँयग हेरेल लगा सिंगारकियानखन सुघरे दोहोनता हाँयग कनिया इया दोहोना।

उदुःतो कताकून 21:9

हनते सातगोटोंग हइजा पेरेगतो सातगोटोंग डुबहाकून साबतो सेरमो देसरिकुःआ बराहीलकू अते मीटोंग बराहीलिंग ञेलतेरा। हाँय ईंग एचेरे वेजेडखने कतातेरा, “दोमे, ईंग भेड़ा होनरीग कनियायिंग उदुःवामता। हाँय हनाँयगरीग एराते होयाःता।”

उदुःतो कताकून 4:5

हना गदी अते बदरी विड़चेड़नेना अरू ठेड़ररेनेना, अरू हना गदी मड़ंगरे सातगोटोंग ढिबरीकून सलगावनेना। हना ढिबरीकून भगवानराः सातगोटोंग बिरुवा हवे।

उदुःतो कताकून 8:10

हनते पेय नमारीग बराहील अनँयग मरंग सोहनाईए ओंगतेरा दो, मुरी इया सलगाःआ हना मीटोंग मरंग इपील सेरमो अते लोजोरयान। हना इपील नईकून अरू दाः सूतीकूनराः पेय बंटाराः मी बंटारे लोजोरयान।