मती ओजाःतेरा भगवानराः नपाय सरवन 24:5 - Korwa Bible

⁵ मुरुक बगरा होड़कू ईंगराः ञावते अपे एचेरेकू वेगता अरूकू कतायता, ईंग मसी हवे, माःआन अरू हँकू मुरुक होड़कूकू अडिगगोडकूता।

मती ओजाःतेरा भगवानराः नपाय सरवन 24:5 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:11

भगवानराः बड़रा लबराकेडखनकू कतायता हँकुःआ मुरुक बगरा होड़कू रेम चड़ाँनता अरू मुरुक बगरा होड़कूकू बहकावगोडकूता।

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

एहुना 5:43

ईंगरीग अपांग भगवानराः ञावते अपे एचेरेयिंग वेगकिया अरू अपे ईंग मेरपे मनेवागाडिंग। मनदो तोनोंगीग होड़ अनँयग ञावतेय वेगता दो अपे हाँय नपायपे मनेवायता।

एहुना 8:24

अपे ईंगपे अयूम! ईंग हवे, माःआनिंग कतातेरा हना कता अपे मेरपे बिसवासगे दो कसूर अरू गारबारतेपे गोएग जुवाःता। हनालगा ईंग मड़ंगरे अपे एचेरेयिंग कतातेरा, कनासूर कसूररेपे गोएग एंडा जुवाःता।”

एहुना 8:28

हनते ईसू कतातेड, “अपे मनुवारीग बेटात कुरूसरेपे देगगेय दो अपे सुदीगोडता हनाँय इनिंग हवे, माःआन अरू ईंग इनिंगते तोनोंगाः मेरिंग एचेयता। मनदो ईंगरीग अपांग भगवान चेडगींगता हनानाःयिंग कता उदुःता।

1 एहुना 2:18

ने ईंगरिकुःआ लइंकू इया इदानपेःआ, नाःआ चउंदीस लुलिगगुःराः बेला होयाःता। अपे अयूमकेरा, मसी मुदइ होड़ वेग लगा इदानिया। अरू नाःआ बेलारे होँपे ञेनेलतना मसी मुदइ होड़कू वेगकियाकू। नान अते अबू सुदीयता नाःआ चउंदीस टुटीगगुःराः बेला ओहेन निचकाःतना।

1 एहुना 2:22

दो लबरा कता होड़ इये हवे? ईसू, मसी ना लवे माःआने कतायता हनाँयग होड़ हवे लबरा कता होड़। अपांग भगवान अरू आँयग बेटात ईसू मेरकू मनेवाःकिनता हनाँय मसी मुदइ होड़ हवे।

1 एहुना 4:3

अरू ईसू मसी नाःआ चउंदीसरे होड़कूराः सुरइत मुरइतरे मेरेय वेगगना माःआने कतायता हाँयग होड़ एचेरे, भगवानराः सुद बिरुवा मेर दोहोनता। अरू हनाँयग होड़ एचेरे मसी मुदइ होड़राः बिरुवा दोहोनता। नाःआ कता अपे अयूमकेरा। मसी मुदइ होड़ चउंदीसरे वेग लगा इदानिया, अरू नुँहू वरी हाँय नाःआ ओतरे इदानिया।

उदुःतो कताकून 13:8

चउंदीसराः बुँहड़ीन अते मड़ंग भगवान मुरुक होड़कूराः ञाव ञेड एंडात भेड़ा होनराः जीवराः कागदरेय ओजाः दोहोकेरा। अरू हना कागदरे ञाव ओजाःतो कोवानेःआ, हँकुःआ जमा होड़कू हाँयग जानरकू जागता।