मती ओजाःतेरा भगवानराः नपाय सरवन 24:42 - Korwa Bible

⁴² अपे मेरपे सुसुदीतना अपेरीग परबू तुमिसे वेगता। हनालगा अपे जगलेपे दोहोन।

मती ओजाःतेरा भगवानराः नपाय सरवन 24:42 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:36

“मनदो हना दिन सहे बेला तोनोंगीग होड़ मेरकू सुसुदीता। सेरमोरिकुःआ बराहीलकू अरू बेटात हों मेरकू सुदीयतना, मनदो अपांग भनगवान एकला नाःआय सुसुदीतना।

मती ओजाःतेरा भगवानराः नपाय सरवन 24:43

अपे नाःआ कता सुदीगे लगा इदा। मीटोंग ओड़ाःरीग मालिक इनिग होड़ तुमिसे वेगता हना हाँय सुदीय दो हाँय जगलेय दोहोनता अरू इनिग होड़ मेरेय बोलो ओवायता।

मती ओजाःतेरा भगवानराः नपाय सरवन 24:44

मनुवारीग बेटात तुमिसे कुदा वेगता, हना अपे मेरपे सुदीयतना। हनालगा अपे हों सपड़ावतोपे दोहोन।”

मती ओजाःतेरा भगवानराः नपाय सरवन 25:10

दो हँकुःआ पाँचगोटोंग धंगड़ीकू सुनुम किजा लगाकू सेनेडा। हनमेला बरवा बियाह लगाय वेजेडा। अरू सपड़ावतोकू दोहोना हँकुःआ धंगड़ीकू हाँय सुदा बियाह भोजकू संजोड़ दोहोतेरा हना ओड़ाःरेकू बोलोयान। हनते हना ओड़ाःराः दुवार सेवकियाकू सींगगोतेडकू।

मती ओजाःतेरा भगवानराः नपाय सरवन 25:13

हनन इया अपे हों ईंगराः कुदा वेगराः बेला मेरपे सुसुदीतना। हनालगा जगलेपे दोहोन।”

लूका 21:34

“जोम ञूयते अरू बुनूलते अरू चउंदीसराः एटाः एटाः ओंगोल कुहकाःते अपेराः जीव अलो बेरुजगुः लगा सवासितीपे दोहोन। निही दो हना टुटीगगुःराः दिन अपे जीवरे फंदा इया असाका वेगता।

लूका 21:36

हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”

रूमी 13:11

दो नाःआ जमाकून अपे एनेचेगोड ञवन लगा इदा। अबू ईसू मसी एचेरेबू बिसवासकेरा हना वरीते, भगवान अबू जमालेःआतेय सडावबूता, हना दिन लेनेसान इदा। हनालगा अपे नाःआ जूग बदीरे नाय नपायते सुदीकेडखन अपीगतो होड़कू इया अहापे दोहोन, मनदो बेरेडकियानखन सवासितीपे दोहोन।

1 कुरिंती 16:13

सवासितीपे दोहोन। बिसवासरे अलोपे टास मासगुः, मनदो डीड़गार अरू बनड़ियाड़पे दोहोन।

1 तिसलूनिका 5:6

हनालगा अबू बेगर बिसवासी होड़कू इया ईसू कुदा वेगता हना बदीरे अनसिनहार अहाबू दोहोन। मनदो अबू सवासिती अरू नपाय ओंगोल घड़ीन दोहोन लगा इदा।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

उदुःतो कताकून 16:15

“अयुमेपे, ईंग इनिग होड़ इया अपे एचेरे असाकायिंग सेनता। जगियातकू दोहोनता अरू अँनकूराः सोनहेकू सपड़ाव दोहोकाता, हँकुःआ होड़कूराः जीव भगवान नपायगेता। हँकुःआ होड़कू एकेते मेरकू दोहोनता अरू हँकू ओरोकू गियूनेना।”