मती ओजाःतेरा भगवानराः नपाय सरवन 24:14 - Korwa Bible

¹⁴ अरू भगवानराः राइजराः नपाय सरवन चउंदीसराः जमा जइत होड़कू एचेरेकू परसारगेता। अरू हना तयोमरे चउंदीस टुटीग जुवाःता।

मती ओजाःतेरा भगवानराः नपाय सरवन 24:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:7

अपे सेनेन मेला नाःआ इया परसारकेडखनपे कताय, भगवानराः राइज अपे तलारे बुँहड़ीकिया, माःआन।

मती ओजाःतेरा भगवानराः नपाय सरवन 18:19

“अपे अरू ईंगपे अयूम, अपे अते बार होड़ चउंदीसरे तोनोंगाः जिनिस लगा मिनी जीवकियानखनकिन असेय दो, हना सेरमो देसरे इदानिया ईंगरीग अपांग भगवान हँकिन लगाय एनेमेगोडता।

मती ओजाःतेरा भगवानराः नपाय सरवन 24:3

हनते ईसू जइतून पहाड़रेय दुड़ुःकुःआ। हनमेला हाँयरिकुःआ चेलाकू हाँय एचेरे एकला सेनेवाडखनकू होंबोरतिरिया, “ने गुरुजी आम उदुःवालेमे, नाःआ कता तुमिस होयाःता? आमराः कुदा वेग अरू चउंदीस टुटीगगुःराः चिनहा करा इया दोहोनता?”

मती ओजाःतेरा भगवानराः नपाय सरवन 24:6

अपे लड़ाइ बुँहड़ीनता, हना बदीरेपे अयुमेता। मनदो अपे अहापे बयावगुः। नाःआ इयाःआ कताकून मड़ंगरे होनोयाः लगा इदा। मनदो हनमेला लुलिगगुःराः बेला कोवानेःआ।

मती ओजाःतेरा भगवानराः नपाय सरवन 4:23

हनते ईसू जमा गलील छतररे सेनेडखन हँकूराः अरजी ओड़ाःकूनरेय चेडतेडकुःआ। हाँय होड़कू एचेरे भगवानराः राइजराः नपाय सरवने परसारतेरा अरू अबड़ाहा होड़कू अरू जमा बरानाः बेमरियातेकू दोहोना हँकुःआ होड़कूय नपायगोड ञवना।

मती ओजाःतेरा भगवानराः नपाय सरवन 9:35

ईसू एटाः एटाः सहरकून अरू गाँवकूनरे सेनेडखन हँकूराः अरजी ओड़ाःकूनरेय चेडतेडकुःआ। हाँय भगवानराः राइजराः नपाय सरवने परसार उदुःतेरा अरू बेमरियातेकू दोहोना हँकुःआ होड़कूय नपायगोड ञवना।

मरकूस 13:10

नाःआ इया जमा होयाः अते मड़ंग ईंगराः नपाय सरवन जमा जइत होड़कू एचेरे उउदुः लगा इदा।

लूका 2:1

हनानाः दिनरे अगसतस ञावीग रूमी देसरीग कइसर राजा नाःआ हुकुमे एमेतेरा, जमा रूमी देसरिकुःआ होड़कू मलगुजारी एमे लगा अँनकूराः ञाव एचे जोड़ाव इदा, माःआन।

लूका 24:47

होड़कू हनाँयराः ञावते एरुसलेमते बुँहड़ीवाडखन जमा जइत होड़कू एचेरेकू परसारगेता, होड़कू कसूर अते जीवकू कुदाता दो हँकूराः कसूर ईसूराः ञावते भगवान बराव एंडागोडताय, माःआन।

लूका 4:5

हना तयोमते कलउ ईसू सेरमोय गोःयाडीग अरू हाँय मिनी बेलारे चउंदीसराः जमा देसकूने उदुःवातेरिया,

मूक चेलाकू 1:2

अरू सेरमो देस अगी भगवान रेम गोःगे अते मड़ंग हाँय आँयगरिकुःआ सुनावतो मूक चेलाकू एचेरे भगवानराः सुद बिरुवाते हुकुमकूने एमेवातेडकुःआ हनायिंग ओजाःकेरा।

मूक चेलाकू 11:28

हँकू अते मी होड़राः ञाव दोहोना अगबूस। हाँय जमाकू तलारे चड़ाँनेनखन सुद बिरुवा एचे कता इयाय कता उदुःतेरा, “जमा चउंदीसरे कतकाल होयाःता।” (अरू हना कतकाल मरंग राजा कलाउदियूस राइजगेःआ हनमेला होयानेना।)

मूक चेलाकू 17:31

अरू आँयगरीग सुनावतो होड़ते, चउंदीसरिकुःआ जमा होड़कू सतायते फड़ियावकू लगा, भगवान मीटोंग दिने तोल दोहोकेरा। हाँयग सुनावतो होड़, भगवान गोएगतो होड़कू अते जियाव रेमकिडिगखन, नाःआ कता सताय हवे माःआन जमा होड़कूय उदुःवारा।”

मूक चेलाकू 17:6

मनदो हँकू हँकिन मेरकू ञामगाडकिन दो आसोन अरू एटाः बिसवासी होड़कू हना सहररिकुःआ हातपात होड़कू एचेरेकू ओर अगूतेडकुःआ। अरू हँकू खिररी घड़ीनकू कताया, जमा चउंदीसरिकुःआ होड़कू हना नाःआ अगीकू एचे हड़ाःकूतना हँकुःआ होड़कू नंडा होंकू वेगकिया।

मूक चेलाकू 19:27

नुँहू जगल इदा अबूराः बुता अरू फेरवइत लाय जुवाःता अरू जमा आसिया राइजरिकुःआ होड़कू अरू चउंदीसरिकुःआ होड़कू जागेयतना हाँयग मरंग देबी अरतिमीस अरू हाँयराः मंदिर हों होड़कू एरंगवाता।”

मूक चेलाकू 20:25

नुँहू ईंग सुदीयतना ईंग भगवानराः राइज बदीरे अपे एचेरेयिंग परसार उदुःतेरा अपे अते तोनोंगीग होड़, ईंग अनउर ओरोपे ञेल अवेतिरिंगा।

रूमी 10:18

मनदो ईंग होंबरेतना, हँकू सरवन मेरकू अयूमगाड जा? हाव, अयूमकेराकू। “हँकूराः अरो जमा चउंदीसरिकुःआ होड़कू अयूमकेरा, अरू हँकूराः सरवन जमा चउंदीसरे सेड़यावयना।”

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

कुलूसी 1:6

अपे भगवानराः सरवनपे अयूमकेरा, अरू जमालेःआ सतायते हाँयराः मयापे बुझावकिया, अरू हना वरीते अपेराः जीवरे नफा होयाकिया। ननन इया नाःआ नपाय सरवन, चउंदीसरिकुःआ जमा होड़कू एचेरे सेड़यावयना, अरू हँकू लगा हों नफा होया ञवनतना।

इबरानी 1:6

अरू भगवान अनँयग मरंगीग बेटात चउंदीसरेय वारेय मेलाय कतायता, “ईंगरिकुःआ जमा सेरमो देसरिकुःआ बराहीलकू हाँयपे जाग।”

इबरानी 2:5

दरवाःआ हना चउंदीस बदीरेबू कतायतना दो, हना तोनोंगीग सेरमो देसरिकुःआ बराहीलकूराः आड़रे भगवान मेरेय जिमागरा।

उदुःतो कताकून 14:6

हनते अरू मीटोंग सेरमो देसरीग बराहील बदरी अते लताररे दोनतोयिंग ञेलतिरिया। हाँय एचेरे सगर सइट वरी दोहोनता हना नपाय सरवन दोहोना। हना सरवन चउंदीसरिकुःआ जमा जइत होड़कू, अरू जमा गोतोररिकुःआ होड़कू अरू जमा भासीरिकुःआ होड़कू अरू जमा राइजरिकुःआ होड़कू एचेरे हाँय पपसार लगा दोहोना।

उदुःतो कताकून 16:14

नँकुःआ पेनेय भूतकू एचेरे बयाव जुवाः इयाःआ चिनहाकून उदुः लगा जंगर दोहोना। हँकू चउंदीसरिकुःआ जमा राजाकू एचेरे सेनेकियानखन अगम जंगरदार भगवानराः मरंग दिनरे हाँय सुदा लड़ाइ लगाकू एचे जुमावकुःआ।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।