मती ओजाःतेरा भगवानराः नपाय सरवन 22:43 - Korwa Bible

⁴³ हनते ईसू हँकू एचेरेय होंबोरतेड, “दो दाऊद राजा सुद बिरुवाते पेरेगकियानखन हाँय परबू माःआन चिला लगाय राःतिरिया? दाऊद नाःआ इयाय कतातेरा,

मती ओजाःतेरा भगवानराः नपाय सरवन 22:43 ပူးပေါင်းရင်းမြစ်များ

मरकूस 12:36

दो दाऊद अनँयग आँयग सुद बिरुवाते पेरेगनेनखने कतातेरा, भगवान ईंगरीग परबू एचेरेय कतातेरा, ईंग आमरिकुःआ मुदइ होड़कू हरुवावकेडकूखन आमराः काट चोडुः लगा अरीनिंग तुलाकू वरी ईंगराः खउना तिःई गतर दुडुःकियानखन आम ईंग सुदाम राइजकू।

मूक चेलाकू 1:16

अरूय कतातेड, “ईंग अजी बोपोहकूतिंग, मड़ंगरे भगवानराः सुद बिरुवाते दाऊद राजा जूदा बदीरेय कतातेरा हना कता पुराः दोहोना। हाँयग जूदा, ईसू साब लगाकू वेजेडा हँकुःआ होड़कूय अगुवाइतेडकुःआ।

1 कुरिंती 12:3

हनालगा ईंग कतायतना, सुद बिरुवाराः अगुवाइतेय सलाःता हाँयग होड़, ईसू सती-सरापतो इदानिया माःआन मेरेय कतायता। सुद बिरुवा तोनोंगीग मेर अगुवाइवाय दो हाँय, ईसू, परबू हवे, माःआन ओरोय कता अवेतेरा।

इबरानी 3:7

हनालगा सुद बिरुवा कतायता हनन इया, तिसिंग अपे भगवानराः अरोपे अयूम दो,

2 पतरस 1:21

भगवानराः बड़रा कता होड़कू अँननकूराः हिछा इया सहे एटाः होड़कूराः ओंगोल इया कता उदुःगे लगा कहियो मेरकू ओंगोलगाड। मनदो सुद बिरुवाराः अगुवाइते भगवान अगीतेकू कता उदुःतेरा।

उदुःतो कताकून 1:10

परबूराः दिनरे सुद बिरुवातेयिंग पेरेगयान अरू ईंग तयोम अगी मरंग सोहनाई इया मुरुक सटी मीटोंग अरोयिंग अयूमतेरा,

उदुःतो कताकून 4:2

हिनिन बितिकरे ईंग सुद बिरुवातेयिंग पेरेगयान, अरू सेरमो देसरे मीटोंग गदी अरू हना गदीरे मी होड़ दुड़ुःतोयिंग ञेलतिरिया।