मती ओजाःतेरा भगवानराः नपाय सरवन 22:4 - Korwa Bible

⁴ हनते हाँयग राजा नाःआ इया कतावाडखन अरू एटाः सेवकियाकूतेने वारगोतेडकू, टिवा एमेत होड़कूपे कतावा, भोज जोम लगा जमाकूनिंग संजोड़ दोहोकेरा। उरिगकू अरू असूलतो जानरकू होयिंग एचे ञेडकेरा अरू जमा बरानाः संजोड़तो इदा। दबूपे, बियाह ओड़ाःरे भोज जोम लगा।

मती ओजाःतेरा भगवानराः नपाय सरवन 22:4 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:36

हना तयोमरे हाँयग मालिक अरू बगरा हड़वाहाकूतेने वारगोतेड। दो हँकुःआ अधियादारकू हनन इया हँकू सुदा होंकू एचेतेरा।

मती ओजाःतेरा भगवानराः नपाय सरवन 22:5

मनदो टिवा एमेत होड़कू सेवकियाकूराः बड़रा लंदा अगीकू इकातेड। मी होड़ अनँयग दोहोड़ अगीय सेनेडा अरू एटाः होड़ अनँयग फेरवइत लगाय सेनेडा।

मती ओजाःतेरा भगवानराः नपाय सरवन 22:8

हनते हाँयग राजा अनँयग सेवकियाकू एचेरेय कतातेड, बियाहराः सरबहा संजोड़तो इदा। मनदो टिवा एमेत होड़कू बियाह वेग जुकूर कोवाकुःआ।

लूका 14:17

दो जोम जिनिसकू संजोड़तेड दो टिवावातेडकुःआय हँकू एचेरे नाःआ इया कताय लगा सेवकियातेने वारतेरा, दबूपे, जमा जिनिसकून जोम लगा संजोड़तो इदा।

मूक चेलाकू 1:8

मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”

मूक चेलाकू 13:46

दो पउलूस अरू बरनाबास डिनीड़ते हँकुःआ होड़कू एचेरेकिन कता कुदातेरा, “अलिंग अपे एहूदाकू एचेरे भगवानराः सरवन मड़ंगरे ककता दोहोना, मनदो अपे हना सरवनपे टड़ाव एंडाकेरा अरू नाःआते सुदीगोडतापे ओरो टुटीगनेना हना जीव लगा भगवान अपे मेरेय सुनावगाडपेःआ। नुँहू अलिंग बेगर एहूदाकू एचेरे भगवानराः नपाय सरवनलिंग कता उदुःता।

रूमी 8:32

भगवान, अनँयगरीग मिनीटोंग निकता बेटात, गुजुः लगा ओरोयिंग जिमातिडिया, माःआन मेरेय ओंगोलगाड, मनदो अबू जमाकू लगाय जिमागोतेडीग। दो हाँय, आँयग बेटात सुदा अबू लगा जमा बरानाः चिला लगा मेरेय एमेकेःआ?