मती ओजाःतेरा भगवानराः नपाय सरवन 22:13 - Korwa Bible

¹³ हनते राजा सेवकियाकू एचेरेय कतातेड, नाँयराः तिःई काट तोलकेडखन बहरी अंदरारेपे रेमगे एंडागोडेय। हंडा होड़कू इयाम घड़ीन रेटेग रेटेग तिरिंगकू कड़राव ञवनता।

मती ओजाःतेरा भगवानराः नपाय सरवन 22:13 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:29

ईसू अरूय कताया, “मी होड़ जंगरदार होड़ अरीन तोल रहावगेय अते मड़ंग करा उड़ी एटाः होड़ हाँयग जंगरदार होड़राः ओड़ाःरे बोलोकियानखन हाँयराः जिनिसकूने उडुंग अवेयता? हाँयग होड़ मड़ंगरे हाँयग जंगरदार होड़े तोलता दो, हाँयग होड़राः जिनिसकूने उडुंग गोः अवेयता।

मती ओजाःतेरा भगवानराः नपाय सरवन 13:30

हनालगा बनर मिनीरेपे हरा ओवा अरू इईर मेला इईर होड़कूयिंग कतावाता पहाड़ बीर उडुंगकेडखन बाल लोगे लगा बोझागोडपे अरू गोहोम ईरकेडखन ईंगराः पलारेपे अगू जुमावगोड। माःआन।”

मती ओजाःतेरा भगवानराः नपाय सरवन 13:42

अरू हँकू नरगराः सेंगेलरेकू तेके बोलोकूता। हना ततेररे होड़कू मुरुक इयाम घड़ीन रेटेग-रेटेग तिरिंगकू कड़रावता।

मती ओजाःतेरा भगवानराः नपाय सरवन 13:50

अरू हँकुःआ कसूर होड़कू हितकाःतो सेंगेलरेकू तेके बोलोगोडकूता। हँकूके हंडा तिरिंग रेटेग-रेटेग कड़राव घड़ीन इयाम पराःता।”

मती ओजाःतेरा भगवानराः नपाय सरवन 24:51

अरू मालिक हाँयग सेवकिया होड़ मुरुक डंडियावकिडिगखन पचघुचिया होड़कू सुदाय वार एंडागोडेयता। अरू हना ततेररे होड़कू इयाम घड़ीन तिरिंगकू कड़रावता।”

मती ओजाःतेरा भगवानराः नपाय सरवन 25:30

दो नाँयग बेगर लूर सेवकिया होड़ बहरी अंदरारेपे रेमगे एंडागोडेय। हंडा होड़कू इयाम घड़ीन तिरिंगकू कड़रावगोड ञवनता।”

मती ओजाःतेरा भगवानराः नपाय सरवन 8:12

मनदो राइजरिकुःआ होड़कू हंडा ओरोकू बोलो अवेतेरा। भगवान हँकू बहरी अंदरारेय एचे ढोकलावगोडकूता अरूकू इयामता अरू तिरिंग रेटेग-रेटेगकू कड़रावता।”

लूका 13:28

अपे, अपेरिकुःआ खुटिपरिया होड़कू इबराहीम अरू इसहाक अरू एकूब अरू जमा भगवानराः बड़रा कता होड़कू भगवानराः राइजरे दुड़ुःतोपे ञेलकूता अरू भगवान अँननपे बहरीय एचे उडुंग एंडागोडपेता,

एहुना 21:18

आम ईंगमे अयूम! आम डिंघाम दोहोन मेला अनम सपड़ावकियानखन आम चहाःआ हनन अगीम सेना। मनदो आम डोकरान दो आम तिःईम लंबावता अरू तोनोंगीग एटाः होड़ आम सपड़ावकेडमेखन आम सेन लगा मेरेम चहाःता हना अगी आमकू गोःयामता।”

मूक चेलाकू 21:11

हाँय अले एचेरे वेगकियानखन पउलूसराः पेटार गोःतेडखन हाँय अनँयग तिःई अरू काट तोल रहावनेनखने कताया, “भगवानराः सुद बिरुवा नाःआ इयाय कतायतना, नाःआ पेटार इयेराः हवे, हाँयग होड़ एहूदाकू ननन उड़ी तोल रहावकिरिगखन बेगर एहूदाकू एचेरेकू जिमागोडेयता।”

मूक चेलाकू 7:54

नाःआ बड़रा हँकू अयूमतेरा दो हँकू रीसनेनखन तिरिंग रेटेग-रेटेगकू कड़रावगेःआ।

2 तिसलूनिका 1:9

भगवान हँकुःआ होड़कू सगर सइटराः डंडे एमेवाकूता अरू हँकुःआ होड़कू परबू ईसूराः मड़ंगतेकू हिगार एंडा जुवाःता अरू हाँयराः जंगरराः मान मरजइत ओरोकू अटकार अवेतेरा।

2 पतरस 2:17

हँकुःआ होड़कू दाः सूती अंजेडतो इया अरू गड़रा घटा बदरी इया इदानकुःआ। अरू हँकुःआ होड़कू भगवान अनंदरा अंदरा पेंदारेय एचे दोहोकूता।

2 पतरस 2:4

उहियारगेपे, मनाड़ंग जूगरे सेरमो देसरिकुःआ अदोम बराहीलकू कसूरतेरा दो, हँकुःआ बराहीलकू हों डंडियाव अते भगवान मेरेय अड़ाःगाडकू। मनदो हाँय हँकू पतालपूररेय सोलोंगगोतेडकुःआ, अरू फड़ियावराः दिन वरी मुरुक अंदरात डोडहारे सिकिड़ीते तोलकेडकूखने सोलोंगगोतेडकुःआ।

जूदा 1:13

हँकू समुंदरराः दाः उछलाःता हना हलका इयाकू दोहोनता, अरू हना पोतो हँकूराः गियुः बुता इया ञिलुःता। हँकू बेगर लूरतेकू सेनता हँकुःआ इपीलकू इया इदानकुःआ। अरू हँकुःआ होड़कू भगवान अनंदरा अंदरा पेंदारे सगर सइट वरीय एचे दोहोकूता।

जूदा 1:6

अपे सेरमो देसरिकुःआ बराहीलकू बदीरेपे ओंगले। अदोम बराहीलकू भगवान हँकू लगाय एमेवातेडकुःआ हना हातपातरे मेरकू मंजूरवागाड, अरू सेरमो देसराः अँकूराः डेराकू अड़ाःगोतेड। हँकुःआ बराहीलकू डंडियावकू लगा भगवान फड़ियावराः मरंग दिन वरी अंदरा पेंदारे तोनोंगीग ओरोकू सीड अवेतेरा हना सिकिड़ीतेय तोल दोहोकेडकुःआ।

उदुःतो कताकून 21:27

तोनोंगीग तोनोंगाः बेलूर जिनिस हना सहररे ओरोकू गोः बोलोतेरा। अरू बेलूर होड़कू अरू अडिग होड़कू हना सहररे कहियो ओरोकू बोलो अवेनेना। मनदो भेड़ा होनराः कागदरे ञाव ओजाःतो इदा हँननकुःआ होड़कू एकला हना सहररेकू बोलता।