मती ओजाःतेरा भगवानराः नपाय सरवन 22:10 - Korwa Bible

¹⁰ दो सेवकियाकू दोफा दूरकूनरे सेनेकियानखन करेय हेन नपाय होड़कू सहे करेय हेन बेलूर होड़कू हँकू सुदाकू जुमावनेना, हँकुःआ जमा होड़कूकू एचे जुमावतेडकुःआ अरू हना बियाह ओड़ाः गुतिया होड़कूतेकू पेरेगगोतेड।

मती ओजाःतेरा भगवानराः नपाय सरवन 22:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:38

दोहोड़ नाःआ चउंदीस हवे अरू नपाय बिहान भगवानराः राइजरिकुःआ होड़कू हवे। पहाड़ बीर बिहान कलउरिकुःआ होड़कू हवे।

मती ओजाःतेरा भगवानराः नपाय सरवन 22:9

हनालगा दोफा दूररेपे सेन अरू अपे सुदाकू जुमाःता हँकुःआ जमा होड़कू बियाह ओड़ाःरे जोजोम लगापे राः अगूकू।

मती ओजाःतेरा भगवानराः नपाय सरवन 25:10

दो हँकुःआ पाँचगोटोंग धंगड़ीकू सुनुम किजा लगाकू सेनेडा। हनमेला बरवा बियाह लगाय वेजेडा। अरू सपड़ावतोकू दोहोना हँकुःआ धंगड़ीकू हाँय सुदा बियाह भोजकू संजोड़ दोहोतेरा हना ओड़ाःरेकू बोलोयान। हनते हना ओड़ाःराः दुवार सेवकियाकू सींगगोतेडकू।

मती ओजाःतेरा भगवानराः नपाय सरवन 9:15

दो ईसू हँकू एचेरेय कतातेरा, “बरबाबू सुदाकू दोहोनता हँकुःआ बरतियाकू चिला लगाकू फिकिराःआ? मनदो तोनोंग दिनरे बरबाबू हँकू अतेकू गोःगेयता, दो हनमेला हँकू उपासरेकू दोहोनता।”

2 कुरिंती 12:21

ईंग बोरतना, अपे एचेरे अरूयिंग सेन दो होयाःकून करे अपे मड़ंगरे भगवान ईंगे एचे गियूगोडिंग। अपे अते मुरुक होड़कू मड़ंगरेकू एचेया हना सनहा-सनही, लमचोर-लिमचोर अरू बेलूर बुताकून अड़ाःकेडखन भगवान अगी जीव मेरकू कुदागरा। अरू हँकुःआ होड़कू हनानाः बुताकून एचे घड़ीनकू जियाःतना। दो ईंग हँकुःआ होड़कू लगा मुरुक फिकिराः पराःता करे?

1 एहुना 2:19

नँकुःआ मसी मुदइ होड़कू मड़ंग अँननबू सुदाकू दोहोना, मनदो हँकू सनातायते अबूरिकुःआ होड़कू मेरकू दोहोगान। हँकू अबूरिकुःआ होड़कू दोहोकुःआ होले, अँननबू सुदाकू दोनोहो ञवनकुःआ। मनदो हँकू अबू अते हिगारयनाकू अरू ननानाः अते सुदीगोतेडकुःआबू हँकू अबूरिकुःआ होड़कू मेरकू दोहोगान।

उदुःतो कताकून 5:9

हनते हँकुःआ चूबीसगोटोंग जीव-जंतूकू अरू मी कुड़ी चइरगोटोंग मूक होड़कू, नाःआ नँवा सेरेंगकू सेरेंगा; “ने परबू, आमकू ञेड गोएगतेरा, अरू आमराः बलंगीते जमा देसरिकुःआ होड़कू, अरू एटाः एटाः भासीरिकुःआ होड़कू, अरू जमा जइत होड़कू अरू जमा खमदानरिकुःआ होड़कू, हँकुःआ जमा होड़कू भगवान लगाम सडावगोतेडकुःआ। हनालगा आम नाःआ कोंडोड़तो कागद अरू मोहर लड़ा जुकूर इदानमेःआ।

उदुःतो कताकून 7:9

हनते ईंग मुरुक बगरा होड़कूयिंग ञेलतेरा। हँकू तोनोंगीग ओरोय गँड़ाव अवेकेकुःआ। हँकू जमा जइतरिकुःआ, अरू जमा गोतोररिकुःआ, अरू जमा राइजरिकुःआ, अरू जमा भासीरिकुःआ होड़कू दोहोना। हँकू उजड़ सोनहेकू तुसिंगतेरा अरू किताराः डइड़ साबतेडखन गदी अरू भेड़ा होन मड़ंगरेकू चड़ाँकुःआ।