मती ओजाःतेरा भगवानराः नपाय सरवन 21:8 - Korwa Bible

⁸ दो हना दूररे मुरुक बगरा होड़कू ईसू मान मरजइतगेय लगा अँननकूराः बहरी तुसिंगतो सोनहेकू बेल इदीया अरू एटाः होड़कू सींगकूनराः डइड़कून तपेग अगूकेडखन हाँय मड़ंग मड़ंगकू बेल इदीगेया।

मती ओजाःतेरा भगवानराः नपाय सरवन 21:8 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:7

हनते हँकिन गदहा अरू गदहा होन ईसू एचेरेकिन अगूतेडकिना अरू गदहा होन चोटरे सोनहेकू लतकातेरा अरू ईसू हाँयग गदहा होन चोटरेय दुड़ुःनेना।

मरकूस 11:8

मुरुक बगरा होड़कू ईसूकू मान मरजइतगेय लगा अँनकूराः सोनहे दूररेकू बेल इदीया अरू एटाः होड़कू दोहोड़ अते डइड़कून तपेग अगूवाडखन दूररेकू बेलगोतेड।

लूका 19:36

ईसू गदहा चोटरेय सेना दो, हना दूररे होड़कू सोनहेकू बेल इदीया।

एहुना 12:13

दो हँकू किता डइड़ साबतेडखन हाँय सुदा जुमाः लगाकू सेनेडा। अरू मुरुक सटीतेकू कताया, “होसनना! परबूराः ञावतेय वेगता हाँयग होड़राः जीव भगवान भलावाय, इसराएलरीग राजाराः जीव भगवान भलावाय।”