मती ओजाःतेरा भगवानराः नपाय सरवन 21:32 - Korwa Bible

³² बतिसमा एमेयीग होड़ एहुना नपाय धरमिया दूरे उदुःवातेडपेःआ। अरू अपे हाँय एचेरे मेरपे बिसवासगाड। मनदो मलगुजारी गोः होड़कू अरू सनहा-सनही होड़कू बिसवासतेरा। अरू नाःआ ञेलतेडखन तयोमरे हों अपे कसूर अते जीव कुदाकेडखन एहुना एचेरे मेरपे बिसवासगाड।”

मती ओजाःतेरा भगवानराः नपाय सरवन 21:32 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:18

बतिसमा एमेयीग होड़ एहुना, एटाः होड़कू इया मेरेय जोमगाड अरू मेरेय ञूगाड। मनदो हँकू कतायतना, हाँय एचेरे भूत इदा, माःआन।

मती ओजाःतेरा भगवानराः नपाय सरवन 21:25

एहुना बतिसमा एमेवाकू लगा इये हातपाते ओवातिरिया, भगवान जा मनुवाकू?” दो हँकू अँननकू अँकू कता होड़ेंगा, “नाःआ हातपात एहुना सेरमो देस अगीतेय पवावकिया, माःआनबू कताय दो, हाँय एचेरे चिला लगा मेरपे बिसवासगाड, माःआने कतावाबूता।

मती ओजाःतेरा भगवानराः नपाय सरवन 21:31

दो हँकिनाः बार होड़ वगियारे इये अपातराः हिछाकिन पुरावतेरा?” हँकू कतातेरा, “मरंगीग बेटात।” दो ईसू हँकुःआ होड़कूय कतावाड, “अपे ईंगपे अयूम! मलगुजारी गोः होड़कू अरू सनहा-सनही होड़कू अपे अते मड़ंग भगवानराः राइजरेकू बोलता।

मती ओजाःतेरा भगवानराः नपाय सरवन 5:46

मनदो अपे अपेकू दुलारता हँकू एकलापे दुलारकू दो अपे भगवान अगीते तोनोंगाः इमानपे पवाःता जा? नाःआ इया मलगुजारी गोः होड़कू हों मेरकू एचेयता जा?

2 तिमुतियूस 2:25

अरू घघंटाव होड़कू बेगर रीसते मंदरावकू लगा इदा। होनोयाःकून करे भगवान हँकूराः जीवकून कसूर अतेय एचे कुदायता अरू हँकुःआ होड़कू तयोमरे सनाताय कताकू सुदी अवेयता,

इबरानी 3:12

दो ईंगरिकुःआ अजी बोपोहकूतिंग, जीयत भगवानराः दूर अते बहकावपेता हना बेनेलूर अरू बेगर बिसवासराः जीव अपे अते तोनोंगीग एचेरे अहा होयाः लगा सवासितीपे दोहोन।

2 पतरस 2:21

हँकू भगवानराः सताय अरू बेगर गारबारतेःआ दूर सुदीकेडखन सुद जीव जियाःराः हुकुमकू आड-बेकारवा अते, हँकू हनानाः दूर कहियो अहाकू सुदीकेः दो, हँकू लगा अरू नपाय दोहोकुःआ।

उदुःतो कताकून 2:21

हाँय कसूर अते जीवे कुदा लगा दोंगिंग ओवातिरिंगा। मनदो हाँय बेलूर बुता अड़ाःगे लगा मेरेय चहाःतना।