मती ओजाःतेरा भगवानराः नपाय सरवन 21:26 - Korwa Bible

²⁶ अरू जमा होड़कू एहुना भगवानराः बड़रा कतायीग होड़ माःआनकू मनवेयता। हनालगा हाँय होड़कू अगीते हातपाते पवावकिया, माःआनबू कताय दो, अबू नँकुःआ होड़कूबू बोरोवाता।”

मती ओजाःतेरा भगवानराः नपाय सरवन 21:26 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:9

दो अपे चिला लगापे सेनेडा? अपे भगवानराः बड़रा कतायीग होड़ ञेल लगापे सेनेडा जा? हाव। ईंग अपे एचेरेयिंग कतायतना, एहुना जमा भगवानराः बड़रा कता होड़कू अते हों मरंगीग हवे।

मती ओजाःतेरा भगवानराः नपाय सरवन 14:5

हरदोस एहुना ञेड गोएगगेय लगाय ओंगलेःआ। मनदो होड़कू, एहुना भगवानराः बड़रा कतायीग होड़ माःआनकू मनेवाया अते होड़कू बोरोवाडखन एहुना तोनोंग इया मेरेय एचेगडीग।

मती ओजाःतेरा भगवानराः नपाय सरवन 21:11

दो हाँय सुदाकू सेनेडा हँकुःआ होड़कू कतातेड, “नाँय गलील छतरराः नसरत सहर अतेय वेगकिया हाँयग भगवानराः बड़रा कतायीग होड़ ईसू हवे।”

मती ओजाःतेरा भगवानराः नपाय सरवन 21:25

एहुना बतिसमा एमेवाकू लगा इये हातपाते ओवातिरिया, भगवान जा मनुवाकू?” दो हँकू अँननकू अँकू कता होड़ेंगा, “नाःआ हातपात एहुना सेरमो देस अगीतेय पवावकिया, माःआनबू कताय दो, हाँय एचेरे चिला लगा मेरपे बिसवासगाड, माःआने कतावाबूता।

मती ओजाःतेरा भगवानराः नपाय सरवन 21:27

दो हँकू ईसू एचेरेकू कता कुदातेरा, “अले मेरले सुसुदीतना।” दो ईसू हँकू एचेरेय कतातेरा, “दो ईंग हों नाःआ बुता ईंग चिला हातपाततेयिंग एचेयतना हना अपे एचेरे ओरोयिंग उदुःवातेडपेःआ।”

मती ओजाःतेरा भगवानराः नपाय सरवन 21:46

अरू हँकू हाँय सबेय लगा दोंगकू ञामा। मनदो होड़कू हाँय भगवानराः बड़रा कतायीग होड़ माःआनकू मनवेया। हनालगा हँकू होड़कूकू बोरोवाःआ।

मरकूस 11:32

मनदो मनुवाकू होरते माःआनबू कताय दो?” (जमाकू सुदीया एहुना सतायरे भगवानराः बड़रा कतायीग होड़ हवे। हनालगा हँकू होड़कूकू बोरोवाःआ।)

मरकूस 12:12

मूक पुजउरी अरू नियम चेडदार होड़कू अरू एहूदा मूक होड़कू सुदीगोतेडकू, ईसू अबू बदीरे नाःआ कहड़ीय कताकेरा, माःआन। हनालगा हँकू हाँय साबगेय लगाकू ओंगोलतेरा। मनदो हँकू ईसू साब अते होड़कूकू बोरोवाःआ अरू हँकू हाँय अड़ाःवडीगखन तोराकू।

मरकूस 6:20

हरदोस सुसुदीआय, एहुना बेगर गारबार अरू सुद होड़ हवे, माःआन। हनालगा हरदोस एहुनाय बोरोवाःआ अरू हाँय एहुना मेरेय ञेड ओवागडीग। तोनोंग बेला एहुनाराः कता अयूमवाडखन हरदोस ओंगोल बयाव जुवाःआ। मनदो हाँय एहुनाराः परसार बहालतेय अयुमेःआ।

लूका 20:19

मरंग पुजउरीकू अरू नियम चेडदार होड़कू सुदीया, ईसू हँकू बदीरे नाःआ कहड़ीय कताया। हनलगा हँकू हाँय एचे साबगेय लगाकू ओंगोलतेरा। मनदो हँकू होड़कूकू बोरोवातेरा।

लूका 20:6

मनदो मनुवाकू होरते माःआनबू कताय दो जमा होड़कू सुसुदीतनाकू, एहुना भगवानराः बड़रा कतायीग होड़ हवे, माःआन अरू हँकू अबू दिरिकूनतेकू तेके ञेड एंडागोडबूता।”

लूका 22:2

मरंग पुजउरीकू अरू नियम चेडदार होड़कू होड़कूकू बोरोवाःआ। हनालगा हँकू तोनोंग इया ईसू साबकिरिगखन ञेड एंडाय लगा दावकू ञामा।

एहुना 5:35

एहुना विड़चेड़तो अरू सलगाःतो ढिबरी इयाय दोहोना अरू अपे तोनोंग बेला वरी हाँयराः कता मरसल इया भगवानराः सतायरे सलाः लगापे संघरावाया।”

एहुना 9:22

तोनोंगीग होड़ ईसू, मसी हवे माःआने मनेवाया दो, हाँयग होड़ अरजी ओड़ाः अते हिगार एंडाय लगा एहूदाकूरिकुःआ मूक होड़कू मी रायरेकू दोहोना। हनालगा हाँयग होड़रिकिनाः एंगात अपात एहूदाकूरिकुःआ मूक होड़कूराः बोतोरतेकिन कतातेरा, नाँय लँइग कोवाया। हनालगा अपे अनँयग एचेरेपे होंबरे, माःआन।

मूक चेलाकू 5:26

हनारे अगुरा होड़कूरीग हातपात होड़ अदोम अगुरा होड़कू सुदाय सेनेडा। अरूकू ओंगोलतेरा, हँकुःआ होड़कू अबू रेनहाकेडकूखनबू साब अगूकू दो, हंडाकुःआ होड़कू अबू दिरितेकू तेकेबूता, माःआन। हनालगा हँकू मूक चेलाकू रेनहातेडकूखन मेरकू अगूगाडकू।