मती ओजाःतेरा भगवानराः नपाय सरवन 21:22 - Korwa Bible

²² जे हों सकालाः अपे बिसवासकेडखन अरजी घड़ीनपे असेय हना जमा अपे पवाव जुवाःतापे।”

मती ओजाःतेरा भगवानराः नपाय सरवन 21:22 ပူးပေါင်းရင်းမြစ်များ

मती ओजाःतेरा भगवानराः नपाय सरवन 18:19

“अपे अरू ईंगपे अयूम, अपे अते बार होड़ चउंदीसरे तोनोंगाः जिनिस लगा मिनी जीवकियानखनकिन असेय दो, हना सेरमो देसरे इदानिया ईंगरीग अपांग भगवान हँकिन लगाय एनेमेगोडता।

मती ओजाःतेरा भगवानराः नपाय सरवन 7:11

अपे कसूर होड़कू इदानपे हों अँनपे लइंकू लगा नपाय नपाय जिनिसकूनपे एमेयता। दो अपेरीग सेरमो देसरीग अपापे भगवान एचेरेकू असेयता हँकुःआ होड़कू लगा नपाय जिनिसकून चिला लगा मेरेय एमेकेःआ?

मती ओजाःतेरा भगवानराः नपाय सरवन 7:7

अपे असेगोड ञवन दो, भगवान अपे लगाय एमेयता। ञामगोड ञवन दो, अपे पवाव जुवाःता। दुवारपे टोकोःगोड ञवन दो, भगवान अपे लगाय गीगगोडता।

मरकूस 11:24

नननलगा ईंग अपे एचेरेयिंग कतायतना, तोनोंगाः अरजी घड़ीनपे असे अरू हना पवावकिया माःआन बिसवासगे दो पनावाव जुवाःतापे।

एहुना 14:13

बेटातते अपातराः मान मरजइत होयाः लगा अपे कहिसाः ईंगराः ञावतेपे असेय दो हनानाः ईंग एचेयता।

एहुना 15:7

अपे ईंग सुदा मिनीपे दोहोन अरू ईंगराः सरवन इयापे जियाः दो, अपे भगवान एचेरेपे असेय हनापे पवाव जुवाःता।

एहुना 16:24

नुँहू वरी अपे ईंगराः ञावते कहिसाः मेरपे असेगरा। अपेराः जीव अहाल-बहाल जुवाः लगा ईंगराः ञावतेपे असेय, दो पवाव जुवाःतापे।

एकूब 5:16

हनालगा अपे अँननपे अपेराः कसूरकूनपे कबुलाव होड़ेंग अरू अरजी होड़ेंगपे, जेमहा अपे नपाय जुवाः। बेगर गारबार होड़कूराः अरजी जंगरते दोहोनता अरू हानते नफा होनोया जुवाःता।

1 एहुना 3:22

अबू भगवानराः हुकुमकूनबू मनाःता अरू हाँय ननायगुःता हनानाःबू एचेयता दो अबू तोनोंगाःबू असेयता हान, भगवान अबू लगाय एमेयता।