मती ओजाःतेरा भगवानराः नपाय सरवन 21:14 - Korwa Bible

¹⁴ हनते अंधा होड़कू अरू लंगड़ा होड़कू ईसू एचेरेकू सेनेडा अरू हाँय हँकूय नपायतेरा।

मती ओजाःतेरा भगवानराः नपाय सरवन 21:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:15

मनदो मरंग पुजउरीकू अरू नियम चेडदार होड़कू, ईसू एचेतेरा हना बयाव जुवाः इयाःआ बुताकूनकू ञेलतेरा अरू भगवान ओड़ाःराः राचरे लइंकू, दाऊद राजारीग नइड़-बाँस होड़के होसनना, माःआन खिररीतकू अयूमतेरा दो, हँकू मुरुककू रीसयान।

मती ओजाःतेरा भगवानराः नपाय सरवन 4:23

हनते ईसू जमा गलील छतररे सेनेडखन हँकूराः अरजी ओड़ाःकूनरेय चेडतेडकुःआ। हाँय होड़कू एचेरे भगवानराः राइजराः नपाय सरवने परसारतेरा अरू अबड़ाहा होड़कू अरू जमा बरानाः बेमरियातेकू दोहोना हँकुःआ होड़कूय नपायगोड ञवना।

मती ओजाःतेरा भगवानराः नपाय सरवन 9:35

ईसू एटाः एटाः सहरकून अरू गाँवकूनरे सेनेडखन हँकूराः अरजी ओड़ाःकूनरेय चेडतेडकुःआ। हाँय भगवानराः राइजराः नपाय सरवने परसार उदुःतेरा अरू बेमरियातेकू दोहोना हँकुःआ होड़कूय नपायगोड ञवना।

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।