मती ओजाःतेरा भगवानराः नपाय सरवन 20:21 - Korwa Bible

²¹ दो ईसू हाँय एचेरेय होंबोरतेरा, “आम चिलाम चहाःतना?” दो हाँयग अइमी कतातेड, “नँकिनाः बेटाकिनतिंग आमराः राइजरे मी होड़ आमराः खउना तिःई गतर अरू मी होड़ आमराः दिरही तिःई गतर दुड़ुः लगाम ओवाकिन।”

मती ओजाःतेरा भगवानराः नपाय सरवन 20:21 ပူးပေါင်းရင်းမြစ်များ

मती ओजाःतेरा भगवानराः नपाय सरवन 18:1

हनमेला चेलाकूतेन ईसू एचेरे सेनेडखनकू होंबरेःआ, “ने गुरुजी, भगवानराः राइजरे इये मरंग इदानिया?”

मती ओजाःतेरा भगवानराः नपाय सरवन 19:28

दो ईसू कतातेड, “अपे ईंगपे अयूम, नँवा चउंदीस बड़ाँः मेला, मनुवारीग बेटात मान मरजइत घड़ीन राइजगे लगाय दुड़ुःता। हनमेला ईंग देह दूरपे सलाःतना अपे हों, बारहगोटोंग गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजता।

मती ओजाःतेरा भगवानराः नपाय सरवन 20:22

दो ईसू हँकिनाः चेलाकिनतेने कतावातेड, “अबा मेरबा सुसुदीतना अबा चिलाबा असेतना। ईंगके ञूय लगा इदा हना कटसियाराः डुबहातेबा ञू अवेयता जा?” दो हँकिन कतातेड, “अलिंग ञू अवेयता।”

मती ओजाःतेरा भगवानराः नपाय सरवन 20:32

दो ईसू चड़ाँनेन अरू हाँय हँकिन राःतेडखने होंबोरतेड, “ईंग अबा लगा चिलायिंग एचे?”

मरकूस 10:51

दो ईसू हाँय एचेरेय होंबोरतेरा, “चिलाम चहाःतना, ईंग आम लगायिंग एचेय?” दो हाँयग अंधा होड़ कतातेरा, “ने रबबी, ईंग ञेल लगायिंग चहाःतना।”

मरकूस 16:19

दो परबू ईसू हँकू सुदा बड़रानेन तयोमरे सेरमो देस अगी भगवान रेम गोःयाडीग अरू आँयग खउना तिःई गतररेय दुड़ुःयना।

मरकूस 6:22

हेरोदियासरीग मी होड़ बिटीत दोहोना। हाँय भोजकू जोजोमा हँकुःआ होड़कू तलारे वेगवाडखने सूना अरू हाँय हरदोस राजा अरू आँयग सुदाकू दुड़ुःकुःआ हँकुःआ जमा होड़कूय सून बहालगोतेडकू। हनते राजा हाँयग एराहोन एचेरेय कतातेड, “आम चहाःतना हना ईंग एचेरेम असेय, दो ईंग ओवामेतिंग।”

लूका 18:41

“आम लगा चिलायिंग एचे?” दो हाँय कताया, “ने परबू, ईंग ञेल लगायिंग चहाःतना।”

लूका 19:11

जमा होड़कू ईसूराः हना बड़राकू अअयूमा। हनमेला हँकुःआ होड़कू एरुसलेम सहरकू सुदुरुःआ अरू हँकू ओंगलेःआ, नुँहू भगवानराः राइज अले तलारे भाय ञिलुःता, माःआन। हँकूराः ओंगोल सुदीतेडखन ईसू हँकू एचेरे मीटोंग अउल-तउल कहड़ीय कतातेरा,

लूका 22:24

अबू तलारे मरंगीग इये हवे, हना बदीरे ईसूरिकुःआ चेलाकू अड़ा-चउकीःआ।

एहुना 15:7

अपे ईंग सुदा मिनीपे दोहोन अरू ईंगराः सरवन इयापे जियाः दो, अपे भगवान एचेरेपे असेय हनापे पवाव जुवाःता।

मूक चेलाकू 1:6

तयोमरे ईसू सुदा आँयग चेलाकू जुमावनेन दो हँकू हाँय एचेरेकू होंबोरतेड, “ने परबू, मड़ंगरे इसराएल होड़कू अँननकूरीग राजा दोहोना हना इया नुँहूम एचेयता जा?”

रूमी 12:10

अपे अँननपेरिकुःआ होड़कू इया एटाः होड़कू सुदापे अलार-दुलार होड़ेंग अरू अँननपे अते बगरा एटाः होड़कूपे मान मरजइत।

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

कुलूसी 3:1

भगवान अपे नँवा जीव लगा ईसू सुदाय जियाव रेमकेडपेःआ, दो नुँहू हाँय भगवानराः खउना गतररे राइजगे लगाय दुड़ुःकिया हना सेरमो देसराः कताकूनपे ओंगोलगोड ञवन।