मती ओजाःतेरा भगवानराः नपाय सरवन 18:28 - Korwa Bible

²⁸ हनते हाँयग सेवकिया हना ओड़ाः अतेय उडुंगनेन दो हाँय अनँयगरीग संग सेवकिया सुदाय जुमावनेना। आँयग संग सेवकिया हाँय अते मी सव चाँदी रिचकीराः रीने गोःतेरा। दो हाँयग सेवकिया होड़ अनँयगरीग संग सेवकियाराः होटोःतोय होड़रेगतेरा अरूय कतावातिरिया, आम ईंग अतेम गोःतेरा हना रीन एमे कुदावायिंगमे।

मती ओजाःतेरा भगवानराः नपाय सरवन 18:28 ပူးပေါင်းရင်းမြစ်များ

मती ओजाःतेरा भगवानराः नपाय सरवन 18:27

दो मालिक सेवकियातेन सोगावातिडिगखने अड़ाःगोतेडीग अरू हाँयराः रीन होंय अड़ाःगोतेड।

मती ओजाःतेरा भगवानराः नपाय सरवन 18:29

दो आँयग संग सेवकिया उकड़ोमनेना अरू गोड़न-पइयनकेडखने असेया, सहावगेमे। जनामायिंग एमे कुदागोडवामता।

मती ओजाःतेरा भगवानराः नपाय सरवन 20:2

हाँय हँकुःआ मंजुरियाकू लगा मी दिनराः बुता बनी एमे लगा हँकू सुदाय रायनेना। हनते हाँय हँकुःआ होड़कू अनँयग बगइचारे बुता लगाय वारगोतेडकू।

मरकूस 14:5

नाःआ अकिरिंगवाडखन मी होड़राः मी बरिसराः बुता बनी मिनते गरीब होड़कू लगा हटिंगवाकेकुःआ। अरू हँकू हाँयग अइमी बदीरेकू कुरबुराःआ।

मरकूस 6:37

हनते ईसू कतातेड, “अँननपे नँकू जोम लगापे ओवाकू।” दो हँकू कतातेड, “नाःआ मिनकुःआ होड़कू जोम लगा मी होड़राः आठ महिनाराः बुता बनीराः ढिबुवा लगाःता। दो अले चिलातेले किजावाकुःआ अरू जोजोम लगाले ओवाकू?”

लूका 10:35

एटाः दिन समरिया राइजरीग होड़ बारटोंग चाँदीराः रिचकी ढिबुवा उडुंगवाडखन धरमसालारीग मालिक एचेरेय एमेतेरा अरू हाँय एचेरेय कताया, ईंगके सेन इदा। आम नाँयग होड़ पला दरी हताड़गोडेयमे। ईंग कुदा वेगकियानखन आमराः खरचा लगाःता हना ईंग एमे कुदावामता, माःआन।”

लूका 7:41

ईसू कताया, “तोनोंगीग सेटरिकिनाः बार होड़ रिनहादारकिन दोहोना। मी होड़ पाँच सव दिनारे गोःतेरा अरू मी होड़ पचास दिनारे गोःतेरा।

एहुना 6:7

पिलिपूस कता कुदातेरा, “मी होड़ होड़राः आठ महिनाःआ मंजूरी हों नाःआमिन होड़कू जोम लगा मेमेड कउड़ा हों ओरो पुरावनेना।”