मती ओजाःतेरा भगवानराः नपाय सरवन 17:20 - Korwa Bible

²⁰ दो ईसू चेलाकूतेने कतावातेड, “अपेराः बिसवास गुनमिन दोहोन अते अपे भूत मेरपे उडुंग अवेगडीग। मनदो अपे ईंगपे अयूम! अपेराः बिसवास ढड़हा बिहान मिन दोहोकुः दो नाःआ पहाड़पे कता अवेवाकेःआ, नाःआ ततेरते जोंझोडकियानखन मना अगी सलाव जुवाः। दो हनन अगी सलाव जुवाःता। अरू तोनोंगाः कता अपे कताय हना कता होनोया जुवाःता।

मती ओजाःतेरा भगवानराः नपाय सरवन 17:20 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:31

ईसू हँकू एचेरे अरू मीटोंग एटाःआ अउल-तउल कहड़ीय कतातेरा, “भगवानराः राइज ढड़हा बिहान इया इदा। हना मी होड़ होड़ गोःकेडखन अनँयगराः दोहोड़रेय वेरगोतेड।

मती ओजाःतेरा भगवानराः नपाय सरवन 14:29

दो ईसू कतातेड, “दबूमे।” दो पतरस डोंगा अते उतरावनेनखन ईसू अगी सुदरुः लगा दाःरेय सेना।

मती ओजाःतेरा भगवानराः नपाय सरवन 17:17

दो ईसू चेलाकू एचेरेय कताया, “ने बेलूर अरू गुनमिन बिसवासगे होड़कू, अपे सुदा तुमिस वरीयिंग दोहोनता? तुमिस वरी अपेयिंग सहाव?” हनते ईसू कतातेड, “माँय नंडा ईंग एचेरेपे अगूगेय।”

मती ओजाःतेरा भगवानराः नपाय सरवन 17:19

तयोमरे ईसू एनेकलाय दोहोन मेला चेलाकूतेन ईसू एचेरे सेनेकियानखनकू होंबोरतिरिया, “ने गुरुजी, अले हाँयग भूत चिला लगा मेरले उडुंग अवेगडीग?”

मती ओजाःतेरा भगवानराः नपाय सरवन 17:9

अरू हँकू पहाड़ अतेकू उतराःआ हनमेला ईसू चेलाकूतेने हुकुमवातेडकुःआ, “मनुवारीग बेटात गोएगतो अते अरीन जियाव रिमुः वरी, अपे ञेलकेरा हना तोनोंगीग एचेरे अहापे उदुःगे।”

मती ओजाःतेरा भगवानराः नपाय सरवन 21:21

दो ईसू चेलाकूतेने कतावाड, “अपे ईंगपे अयूम! अपे बिसवासकेडखन बार जीवगुः घड़ीन अलोपे दोहोन दो, ईंग लुवा दूब एचेरेयिंग एचेकेरा हना अते अरू मरंग मरंग बयाव जुवाः इयाःआ बुताकूनपे एचे अवेयता। अपे नाःआ पहाड़ होँपे कतावा, नाःआते रवीग उडुंगकियानखन समुंदररे लुजरुः, दो हनन इया होया जुवाःता।

मती ओजाःतेरा भगवानराः नपाय सरवन 8:26

दो ईसू हँकू एचेरेय कताया, “ने हुडिंग बिसवास होड़कू। अपे चिला लगापे बोरतना?” हनते हाँय रेमनेनखन गड़रा घटा अरू लहरा रोंकाः लगाय कतातेड अरू होय मधिमयान।

मरकूस 11:22

ईसू हाँय एचेरेय कतातेरा, “भगवान एचेरेम बिसवासगे।

मरकूस 11:23

अपे ईंगपे अयूम। तोनोंगीग होड़ मिनी जीवकियानखने बिसवासगे दो, हाँयराः बिसवास दोहोन, हनन इया हाँय लगा होया जुवाःता। हाँय तोनोंगाः पहाड़े कतावा, रेमकियानखन समुंदररे लोजोर जुवाः, माःआन दो हनन उड़ी होनोया जुवाःता।

मरकूस 4:31

हना राइज ढड़हाराः बिहान उड़ी इदा। तोनोंगीग होड़ बिहान ओतरे वेरतान मेला हना बिहान जमा बिहानकून अते हुनुडिंग इदा,

मरकूस 9:23

ईसू हाँय एचेरेय कताया, “चिला लगाम होंबरेतना, आम एचे अवेयताम जा कोवान? ईंग एचेरेय बिसवासगेता हाँय लगा जमाकून होनोया जुवाःता।”

लूका 1:37

भगवान जनामाय एचे अवेयता।”

लूका 17:6

दो परबू ईसू कताया, “अपेराः बिसवास मीटोंग ढड़हा बिहान मिन दोहोन दो नाःआ तूत दूब रवीगकियानखन समुंदररे बीड जुवाः माःआनपे कताय दो, हना तूत दूब हों अपेराः बड़रा मनाःता।”

लूका 18:27

दो ईसू कताया, “मनुवा मेरेय एचे अवेयता हना जमाकून भगवान अते होया जुवाःता।”

एहुना 11:40

दो ईसू कतातेड, “आम बिसवासगे दो भगवान तुमिन मरंग इदानिया, हनाम ञेलता, माःआन आम एचेरे मेरिंग कतागाड जा?”

1 कुरिंती 12:9

तोनोंग तोनोंग होड़कू बिसवासगे लगा अरू एटाः होड़कू बेमरिया अते होड़कू नपायकू लगा सुद बिरुवा दहिन एमेवाकूता।

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।

इबरानी 3:19

दो अबू ञेलता हँकू हाँय एचेरे मेरकू बिसवासगाड अते हंडा मेनेरकू बोलो अवेगान।