मती ओजाःतेरा भगवानराः नपाय सरवन 17:18 - Korwa Bible

¹⁸ हनते ईसू हाँयग भूते डंटावतेरा अरू भूत डिंघा अतेय उडुंगयान अरू हनन मेला हाँयग डिंघा नपायबाःयान।

मती ओजाःतेरा भगवानराः नपाय सरवन 17:18 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:22

हनते तोनोंग तोनोंग होड़कू मी होड़ होड़ ईसू एचेरेकू अगूतिरिया। हाँयग होड़ कोंदा अरू अंधाय दोहोना। ईसू हाँये नपायतेरा अरू हाँय जमाकूने ञेला अरूय अयुमेःआ।

मती ओजाःतेरा भगवानराः नपाय सरवन 15:28

हनते ईसू कतातेड, “ने दिदी, आमराः बिसवास मुरुक मरंग इदा। होयाः लगाम ओंगलेतना हनन इया होया जुवाः।” दो हननमेला हाँयगरीग बिटीत नपाययाने।

मती ओजाःतेरा भगवानराः नपाय सरवन 17:17

दो ईसू चेलाकू एचेरेय कताया, “ने बेलूर अरू गुनमिन बिसवासगे होड़कू, अपे सुदा तुमिस वरीयिंग दोहोनता? तुमिस वरी अपेयिंग सहाव?” हनते ईसू कतातेड, “माँय नंडा ईंग एचेरेपे अगूगेय।”

मती ओजाःतेरा भगवानराः नपाय सरवन 17:19

तयोमरे ईसू एनेकलाय दोहोन मेला चेलाकूतेन ईसू एचेरे सेनेकियानखनकू होंबोरतिरिया, “ने गुरुजी, अले हाँयग भूत चिला लगा मेरले उडुंग अवेगडीग?”

मती ओजाःतेरा भगवानराः नपाय सरवन 9:22

मनदो ईसू उलटावनेनखन हाँयग अइमी एचेरेय कताया, “ने दिदी, अलोम बोर! आम ईंग एचेरेम बिसवासतेरा। हनालगा आम नपाययनाम।” अरू हाँयग अइमी हनन मेलाय नपाययान।

मरकूस 1:34

ईसू जमा होड़कू हसूतेय नपायतेडकुःआ अरू हाँय भूतकू हों बगरा होड़कू अतेय उडुंगतेडकुःआ। हँकुःआ भूतकू सुसुदीःआ, नाँय इये हवे, माःआन। हनालगा ईसू हँकू तोनोंगाः बड़रा कता लगा मेरेय ओवागाडकू।

मरकूस 5:8

हनालगा हाँय मरंग बकाते ईसू एचेरेय कतातेड, “ने ईसू, भाबी भगवानरीग बेटा! आम ईंग चिला लगाम हलकइनगींगतना? भगवानराः किरिया जोमवाडखनिंग कतायता, ईंग पीरा अलोम एमेवायिंग।”

लूका 4:41

भूतकू मुरुक बगरा होड़कू अतेकू उडुंगयान अरू खिररी घड़ीनकू कताया, आम भगवानरीग बेटा हवे, माःआन। हँकुःआ भूतकू सुसुदीःआ ईसू, मसी हवे, माःआन। हनालगा हाँय हँकूय डंटावतेरा अरू मेरेय बड़रा ओवागाडकू।

लूका 8:29

हाँयग होड़ एचेरेय दोहोना हाँयग भूत हाँय घड़ी घड़ी एचे जकलावगेया। होड़कू हाँय सिकिड़ी अरू बेरातेकू तोलेया। हनारे हों हाँय हना सिकिड़ी सीडगोडाय अरू भूत हाँय टयंगाब ततेररेय गोःयाया। दो ईसू हाँये ञेलतेड अरू भूत उडुंगगुः लगाय हुकुमतेरा।

लूका 9:42

हाँयगरीग बेटा वेग मेला भूत हाँये एचे दरकावतेरा। ईसू हाँयग भूते डंटावतेरा अरू बेटात नपायनेनखन हाँयग अपात एचेरेय जिमातिरिया।

मूक चेलाकू 16:18

नाःआ इया मुरुक दिन वरी होयानेना। दो मी दिन पउलूस मुरुके रीसनेन अरू हाँय उलटावनेनखन हाँयग भूत एचेरेय कताया, ईसू मसीराः ञावरे ईंग आम एचेरेयिंग कतायतना, नाँयग धंगड़ीतेम उडुंग जुवाः, माःआन। अरू हननमेला हाँय उडुंगनेना।