मती ओजाःतेरा भगवानराः नपाय सरवन 17:17 - Korwa Bible

¹⁷ दो ईसू चेलाकू एचेरेय कताया, “ने बेलूर अरू गुनमिन बिसवासगे होड़कू, अपे सुदा तुमिस वरीयिंग दोहोनता? तुमिस वरी अपेयिंग सहाव?” हनते ईसू कतातेड, “माँय नंडा ईंग एचेरेपे अगूगेय।”

मती ओजाःतेरा भगवानराः नपाय सरवन 17:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:58

हना सहररिकुःआ होड़कू हाँय एचेरे मेरकू बिसवासगाड अते हाँय हंडा मुरुक बयाव जुवाः इयाःआ बुताकून मेरेय एचेगाड।

मती ओजाःतेरा भगवानराः नपाय सरवन 16:8

दो ईसू नाःआ सुदीतेडखन चेलाकूतेने कतावाड, “ने गुनमिन बिसवास होड़कू, अपे अँननपे चिला लगापे ओंगलेतना, अबू एचेरे रुटी कोवानेःआ, माःआन।

मती ओजाःतेरा भगवानराः नपाय सरवन 17:16

अरू नाँय एचे नपायगे लगा आमरिकुःआ चेलाकू एचेरेयिंग अगूतिरिया। मनदो हँकू मेरकू नपाय अवेगडीग।”

मती ओजाःतेरा भगवानराः नपाय सरवन 17:18

हनते ईसू हाँयग भूते डंटावतेरा अरू भूत डिंघा अतेय उडुंगयान अरू हनन मेला हाँयग डिंघा नपायबाःयान।

मती ओजाःतेरा भगवानराः नपाय सरवन 6:30

डंडहाराः बीर तोनोंग दिन वरी हड़ियड़ दोहोनता अरू तयोमरे झुरा जुवाःता। अरू होड़कू हना बीर ईर जुमावकेडखनकू बाल लोगोडता। हनारे हों भगवान हना बीरकून सुघरे तुलाकेरा। दो अपे भगवान एचेरे चिला लगा गुनमिनपे बिसवासगेतना? भगवान अपे लगा बीरकून अते बगरा नपाय सोनहे तुसिंगगे लगा ओरोय एमेतेरा जा?

मती ओजाःतेरा भगवानराः नपाय सरवन 8:26

दो ईसू हँकू एचेरेय कताया, “ने हुडिंग बिसवास होड़कू। अपे चिला लगापे बोरतना?” हनते हाँय रेमनेनखन गड़रा घटा अरू लहरा रोंकाः लगाय कतातेड अरू होय मधिमयान।

मरकूस 16:14

हना तयोमते हँकू गारहगोटोंग मूक चेलाकू जोजोम लगाकू दुड़ुःकुःआ दो, ईसू हँकू एचेरे अनँयग एचे ञेलेयान। ईसू जियाव रेमयनाय, हना होड़कू उदुःवाकुःआ, दो हँकू मेरकू बिसवासगाड अते ईसू हँकूराः बेगर बिसवास अरू केटेग जीव अतेय डंटावतेडकुःआ।

मरकूस 9:19

नाःआ अयूमवाडखन ईसू आँयग चेलाकू एचेरेय कतातेरा, “ने गुनमिन बिसवासगे होड़कू, अपे सुदा तुमिस वरीयिंग दोहोन? तुमिन वरी अपेयिंग सहाव?” हनते ईसू कतातेड, “माँय ईंग एचेरेपे अगूगेय।”

लूका 24:25

दो ईसू हँकिन एचेरेय कताया, “ने बोको होड़किन, भगवानराः बड़रा कता होड़कू कताया हना जमा बड़रा अबा गते-गातबा बिसवासगेतना जा?

लूका 9:41

दो ईसू कता कुदातेरा, “अपे मेरपे बिसवासगेता अरू जिधू इदानपेःआ। ईंग तुमिस वरी अपे सुदा दोहोकियानखन अपेयिंग सहावगोड ञवन?” ईसू हाँयग होड़ एचेरेय कताया, “आम बेटा नंडाम अगूगेय।”

एहुना 20:27

हनते हाँय तोमा एचेरेय कतातेरा, “आमराः अंगरी ईंग तिःईरे सोलोंग सोयमे अरू आमराः तिःई ईंग पंजररेम सोलोंगगे। आम बार जीव ओंगोल होड़ अहम होयाः अरू ईंग एचेरेम बिसवासगे।”

मूक चेलाकू 13:18

हनते चालीस बरिस वरी टयंगाब ततेररे भगवान हँकूराः लूर-नेवने सहावतेरा।

मूक चेलाकू 2:40

एटाः एटाः कताते हों हाँय हँकूय सेतावतेरा अरू हँकू एचेरेय असेतेरा, “नाःआ बेनेलूर जूगरिकुःआ होड़कू अते अँननपेराः जीवपे बनसाव।”

2 कुरिंती 11:1

ईंग बुयांग होड़ इयायिंग कतायता हना कता अयूम लगा अपेराः लुतूर अलोपे टिपी रेडगे। हाव, अपे अनायूम सहावगिंगपे।