मती ओजाःतेरा भगवानराः नपाय सरवन 17:12 - Korwa Bible

¹² मनदो ईंग अपे एचेरेयिंग कतायतना, इलियाह वेगनेना, मनदो होड़कू हाँय मेरकू सिनहागडीग। अरू होड़कू चहावनेना हनन इया जमाकून हाँय सुदाकू एचेतेरा। दो हनन इया मनुवारीग बेटातके हों हँकू एचेरे कटसिया ससहाव पराःता।”

मती ओजाःतेरा भगवानराः नपाय सरवन 17:12 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:2

हनमेला एहुना जेहेलरेय दोहोना अरू ईसू एचेतेरा हना बुताकून हाँय अयूमतेरा दो, हाँय आँयग चेलाकू ईसू एचेरे वारतेडकूखने एचे होंबोरतेडकुःआ,

मती ओजाःतेरा भगवानराः नपाय सरवन 16:21

हना वरीते ईसू अनँयग चेलाकूतेने कता उदुःआ, “ईंग एरुसलेम सहररे सेन लगा इदा अरू एहूदाकूरिकुःआ मूक होड़कू, मरंग पुजउरीकू अरू नियम चेडदार होड़कू मुरुककू संतावगींगता अरूकू ञेड एंडागोडिंगता। मनदो ईंग पेय दिनरेयिंग जियाव रिमुःता।”

मती ओजाःतेरा भगवानराः नपाय सरवन 17:11

दो ईसू कतातेड, “हँकू सतायकू कतायतना। इलियाह वेगकियानखन जमाकूने नपायगोडता।

मती ओजाःतेरा भगवानराः नपाय सरवन 17:13

हनते चेलाकूतेन सुदीगोतेड, नाँय बतिसमा एमेयीग होड़ एहुना बदीरेय कताकेरा, माःआन।

मती ओजाःतेरा भगवानराः नपाय सरवन 17:22

हँकू गलीलरेकू दोहोन मेला ईसू चेलाकूतेन एचेरेय कताया, “मनुवारीग बेटात, होड़कूराः तिःईरेकू एचे सबेयता।

मती ओजाःतेरा भगवानराः नपाय सरवन 17:9

अरू हँकू पहाड़ अतेकू उतराःआ हनमेला ईसू चेलाकूतेने हुकुमवातेडकुःआ, “मनुवारीग बेटात गोएगतो अते अरीन जियाव रिमुः वरी, अपे ञेलकेरा हना तोनोंगीग एचेरे अहापे उदुःगे।”

मती ओजाःतेरा भगवानराः नपाय सरवन 21:32

बतिसमा एमेयीग होड़ एहुना नपाय धरमिया दूरे उदुःवातेडपेःआ। अरू अपे हाँय एचेरे मेरपे बिसवासगाड। मनदो मलगुजारी गोः होड़कू अरू सनहा-सनही होड़कू बिसवासतेरा। अरू नाःआ ञेलतेडखन तयोमरे हों अपे कसूर अते जीव कुदाकेडखन एहुना एचेरे मेरपे बिसवासगाड।”

मती ओजाःतेरा भगवानराः नपाय सरवन 8:20

दो ईसू हाँय एचेरेय कताया, “हुई हुटाकू दोहोन लगा दुलू इदा अरू तितीगकू दोहोन लगा तुका इदा। मनदो मनुवारीग बेटातराः बोः अतड़े लगा हों ततेर कोवानेःआ।”

लूका 7:33

बतिसमा एमे होड़ एहुना एटाः होड़कू जोमता हना इया मेरेय जोमगाड अरू हाँय रंजावतो अंगूर रस हों मेरेय ञूगाड। अरू अपे कतायतना, हाँय एचेरे भूत इदा, माःआन।

एहुना 1:11

हाँय अनँयगरिकुःआ निकता होड़कू एचेरेय वेजेडा, मनदो हँकुःआ होड़कू हाँय मेरकू मनेवागडीग।

मूक चेलाकू 2:23

भगवान मड़ंगरेय ओंगोल दोहोतेरा हना ओंगोल अरू बुइद इया नाँयग होड़ अपे एचेरेय जिमातिरिया अरू बेगर एहूदाकूराः संघराते अपे हाँय कुरूसरेपे ठोंकाव गोएग एंडागोतेडीग।

मूक चेलाकू 4:10

दो अपे अरू जमा इसराएलरिकुःआ होड़कू नाःआ कतापे सुदीगे लगा इदा। अपे कुरूसरेपे ठोंकाव गोएगतिरिया अरू भगवान गोएगतो होड़कू अतेय जियाव रेमकिरिया हाँयग नसरतरीग ईसू मसीराः ञावते अपे मड़ंगरे चड़ाँत इदानिया नाँयग होड़ नपाययनाय।

मूक चेलाकू 7:52

अपेरिकुःआ खुटिपरिया होड़कू भगवानराः बड़रा कता होड़कू जमाकूकू संतावतेरा। अपेरिकुःआ खुटिपरिया होड़कू बेगर गारबार होड़राः बदीरे मड़ंगरेकू कतातेरा हँकुःआ होड़कू होंकू ञेड गोएग एंडातेडकुःआ। अरू नुँहू अपे ईसू चुबिलीतेडखनपे एचे ञेडतिरिया।