मती ओजाःतेरा भगवानराः नपाय सरवन 16:27 - Korwa Bible

²⁷ मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।

मती ओजाःतेरा भगवानराः नपाय सरवन 16:27 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:41

मनुवारीग बेटात, सेरमो देसरिकुःआ बराहीलकूय वारकूता अरू हँकू, हाँयराः राइज अते, होड़कू एचे कसूरकूता हना जमाकून अरू बेलूर बुताकूनकू बुताता हँकुःआ होड़कूकू उडुंग एंडागोडकूता,

मती ओजाःतेरा भगवानराः नपाय सरवन 13:49

नाःआ जूग टुटीगगुः मेला ननानाः इया होयाःता। सेरमो देसरिकुःआ बराहीलकू भगवानराः ओंगोलरे बेगर गारबार होड़कू, कसूर होड़कू अतेकू हिगारगोडकूता,

मती ओजाःतेरा भगवानराः नपाय सरवन 24:30

हनते मनुवारीग बेटातराः चिनहा सेरमोरे होयाःता। अरू चउंदीसरिकुःआ जमा जइत होड़कू फिकीर घड़ीनकू इयामता। अरू हनमेला हँकू मनुवारीग बेटात मुरुक जंगर अरू विड़चेड़तो मरसल इया बदरीरे वेगतोकू ञेलेयता।

मती ओजाःतेरा भगवानराः नपाय सरवन 25:31

“मनुवारीग बेटात मरंग राजा इया सेरमो देसरिकुःआ बराहीलकू सुदाय वेगता हनमेला, हाँय अनँयगराः गदीरे भगवानराः हातपाततेय दुडुःता।

मती ओजाःतेरा भगवानराः नपाय सरवन 26:64

दो ईसू कतातेड, “आम अनम कताकेरा। मनदो ईंग अपे एचेरेयिंग कतायतना, अपे मनुवारीग बेटात, अगम जंगरदार भगवानराः खउना गतर दुड़ुःतो अरू सेरमो देस अते बदरीरे उतराव वेगतोपे ञेलेयता।”

मती ओजाःतेरा भगवानराः नपाय सरवन 8:20

दो ईसू हाँय एचेरेय कताया, “हुई हुटाकू दोहोन लगा दुलू इदा अरू तितीगकू दोहोन लगा तुका इदा। मनदो मनुवारीग बेटातराः बोः अतड़े लगा हों ततेर कोवानेःआ।”

मरकूस 14:62

दो ईसू कतातेड, “ईंग हवे अरू अपे मनुवारीग बेटात अगम जंगरदार भगवानराः खउना गतर दुड़ुःतोय अरू सेरमो देस अते बदरीरे उतराव वेगतोपे ञेलेयता।”

मरकूस 8:38

नाःआ बेलारिकुःआ बेलूर ओंगोल होड़कू अरू कसूर होड़कूराः तलारे ईंग लगा अरू ईंगराः सरवन लगाकू गियुःता हँकुःआ होड़कू सुदा मनुवारीग बेटात, सेरमो देसरिकुःआ सुद बराहीलकू सुदा आँयग अपांगराः जंगरतेय वेगता हनमेला, हँकू एचेरे आँयग होंय गियुःता।”

लूका 21:27

हनमेला मनुवारीग बेटात जंगर अरू मुरुक मरसलते बदरीरेय वेगता अरू जमा होड़कू हाँयकू ञेलेयता।

लूका 22:69

नुँहू वरीते मनुवारीग बेटात अगम जंगरदार भगवानराः खउना तिःई अगीय दुडुःकुःता।”

लूका 9:26

तोनोंगीग होड़ ईंग बदीरे अरू ईंगराः सरवन बदीरेय गियुः दो, मनुवारीग बेटात, आँयगराः अरू आँयग अपांगराः अरू सेरमो देसरिकुःआ सुद बराहीलकूराः विड़चेड़ मरसलरेय कुदा वेग मेला हाँयग होड़ बदीरे होंय गियुःता।

एहुना 21:22

दो ईसू हाँय एचेरेय कतातेड, “नाँय ईंग कुदा वेग वरी जिनियते दोहोन लगायिंग चहाः दो आम लगा चिला होयाःता? मनदो आम ईंग दूरमे सनालावगोड ञवन।”

एहुना 21:23

नाःआ कता बिसवासी होड़कू एचेरे सितरावयान, नाँयग चेला ओरोय गोएगनेना, माःआन। ईसू हाँय बदीरे मेरेय कतागाड, ओरोय गोएगनेना, माःआन। मनदो ईंग कुदा वेग वरी जिनियते दोहोन लगायिंग चहाः दो आम लगा चिला होयाःता, माःआने कतातेरा।

मूक चेलाकू 1:11

अरू हँकिन कतातेड, “ने गलीलरिकुःआ होड़कू, अपे नंडा चड़ाँकियानखन चिला लगापे संगीलगेतना? अपे अते सेरमो देस अगी भगवान गोःयडिया हनाँयग ईसू करा इया तोराया हनन इयाय कुदा वेगता।”

रूमी 14:12

हनन इया अबू जमाकू भगवान मड़ंगरे अँननबूराः बदीरे आभा एएमे पराःता।

रूमी 2:6

अरू भगवान जमा होड़कू अँननकूराः बुता इया फड़ियावकेडकूखन इमान सहे डंडियाव बदलाय एमेवाकूता।

1 कुरिंती 15:23

मनदो अबू जमाकू पाली-पाली भगवान जियाव रेमबूता। हाँय मड़ंगरे ईसू मसीय जियाव रेमकेरा। अरू ईसू मसी कुदा वेग मेला, हाँयरिकुःआ जमा होड़कू भगवान जियाव रेमकूता।

1 कुरिंती 3:13

दो अंदजावराः दिनरे भगवान जमा होड़कूराः बुता नपाय इदा जा कोवान, हना सेंगेलतेय अंदजावगेता। अरू हनन इया मेमेड होड़राः बुता जमा होड़कू तलारे सेंगेलते भगवान एचे उदुःगेता।

1 कुरिंती 8:8

जोम जिनिस अबू भगवान एचेरे मेर इदी सोदोरबूता। अबू मेरबू जोम दो अबूराः कही ओरो आडनेना अरू अबू जोम हों कही नफा ओरो होयानेना।

2 कुरिंती 5:10

अरू ईसू मसी अबू जमाकूय फड़ियावता। हना दिन अबू नाःआ देहरे दोहोन मेलाबू एचेकेरा हना नपाय सहे बेलूर बुताकूनराः इमान पवाः लगा हाँयराः गदी मड़ंगरे अबू जमाकू चड़ाँन पराःता।

इपीसी 6:8

अपे नाःआ कता उहियारबाःकापे, सेवकियाकू सहे मालिककू दोहोन, नपाय बुताकू बुताता हँकुःआ जमा होड़कू लगा अँनकूराः बुता इया, परबू इमाने एमेवाकूता।

कुलूसी 3:25

बेलूरे एचेयता, हाँयग होड़राः जमा बेलूर बुता बदलारे भगवान बेगर पाचपटीतेय डनंडियावगेयता।

1 तिसलूनिका 1:10

अरू गोएगतो अते भगवान जियाव रेमकिडिया आँयगरीग बेटात भगवानराः दरवाःआ हना डंडियाव अतेय सडावबूता हनाँयग ईसू सेरमो देस अतेय कुदा वेगता, हाँयकू टकागोड ञवनतना, माःआन।

1 तिसलूनिका 4:16

हनमेला नाःआ इया होयाःता। परबू ईसू अनँयग आँयग सेरमो देस अतेय उतराव वेगता अरू हुमइसकेय हुकुमगेता। दो भगवानरीग मरंगीग बराहीलराः अरो अयमुःता अरू मी होड़ भगवानरीग बराहील सोहनाईए ओंगता। हनते गोएगयनाकू हँकुःआ बिसवासी होड़कू मड़ंगकू जियाव रिमुःता।

एकूब 5:7

हनालगा ने अजी बोपोहकूतिंग, परबू ईसू अरीन वेग वरी जमा बरानाः सहाव घड़ीनपे दोहोन। किसाड़कू ओतराः ननपाय जोःओ अदेरगे लगा असड़ दाः अरू सिसीर दाः लुजरुः वरी असरागोड ञवनताकू,

1 पतरस 1:17

अपे अरजी मेला अपांग माःआन कताकेडखनपे रगेयता हाँयग भगवान, जमाकू अँननकूराः बुता इया बेगर पाचपटीतेय फड़ियावकूता। हनालगा अपे नाःआ चउंदीसरे दुरीन देसरिकुःआ होड़कू इया भगवानराः अकूस मनाः घड़ीनपे जियाः।

1 एहुना 2:28

ने ईंगरिकुःआ लइंकू इया होड़कू, ईंग अपे एचेरेयिंग कतायतना, मसी सुदापे सनालाव ञवन, दो हाँय सेरमो देस अते कुदा वेग मेला, अपे डीड़तेपे दोहोनता अरू ओरोपे गियूनेना।

जूदा 1:14

मनाड़ंगरीग होड़ आदमरीग नइड़-बाँसरे सात नमारीग होड़े दोहोना हाँयग हानोक हों, हँकुःआ लबरा चेडदार होड़कू बदीरे दरवाःआ बड़राय कतातेरा, ञेलपे, परबू आँयगरिकुःआ हजार हजार सुद बराहीलकू सुदाय वेगता अरू जमा होड़कूय फड़ियावकूता।

उदुःतो कताकून 1:7

ञेलेयपे, हाँय बदरीरेय कुदा वेगता, अरू जमा होड़कू हाँय अगीकू ञेलता, हाँयकू सोबोःतेरा हँकुःआ होड़कू हों हाँयकू ञेलता, अरू चउंदीसरिकुःआ जमा होड़कू हाँय बदीरेकू फिकिराःता। अरू हनन इया होनोया जुवाःता। आमीन!

उदुःतो कताकून 2:23

ईंग हाँयरिकुःआ लइंकूयिंग ञेड एंडाकूता। हना अते जमा कलसियारिकुःआ होड़कू ईंग बदीरेकू सुदीयता, जमा होड़कूराः इंदरी अरू ओंगोल जासीग हनाँय हवे अरू अबू जमा होड़कू अँननबूराः बुता इयाय एमे कुदावाबूता, माःआन।

उदुःतो कताकून 20:12

जमा गोएगतो होड़कू हना गदी मड़ंगरे चड़ाँतिंग ञेलतेडकुःआ। हुडिंगीग अरू मरंगीग, जमाकू हंडाकू दोहोना। बराहीलकू मुरुक बगरा कागदकूनकू पितोरतेरा। हनते जीवराः कागद होंकू पितोरतेरा। हना कागदकूनरे गोएगतो होड़कूराः बुताकून ओजाःतो दोहोना। अरू हनानाः बुता इया भगवान हँकूय फड़ियावतेरा।