मती ओजाःतेरा भगवानराः नपाय सरवन 16:24 - Korwa Bible

²⁴ ईसू चेलाकूतेन एचेरेय कतातेड, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

मती ओजाःतेरा भगवानराः नपाय सरवन 16:24 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:38

अरू अनँयग कुरूस रेमकेडखन ईंग तयोम मेरेय सलाः दो, हाँय हों ईंग जुकूर कोनोवाया।

मती ओजाःतेरा भगवानराः नपाय सरवन 27:32

दो सइना होड़कू हना सहर बहरी ईसूकू गोः मेला, हँकू कुरेन सहररीग सिमोन ञावीग मी होड़ होड़ सुदाकू जुमावनेना अरू हाँय ईसूराः कुरूस रेम लगाकू रेनहातिडिया।

मरकूस 10:21

ईसू हाँयग होड़ अगीय ञेला अरू हाँय दुलारवाडखने कताया, “आम मीटोंग कता अरूम एचेय। आमराः जमा जइतकून अकिरिंगवाडखन गरीब होड़कूम हटिंगगोडवा। दो आम सेरमो देसरे मुरुक नपाय नपाय इमानमे पवाःता। हना तयोमरे आम ईंगरीग चेलाम बड़ाँः।”

मरकूस 15:21

कुरेन सहररीग सिमोन ञावीग मी होड़ होड़ दोहोना। हाँय सिकंदर अरू रुपूसरीग अपात दोहोना। ईसूकू गोःआ हनमेला हाँय तोनोंग गाँव अते वेग मेलाय सेने पारा। दो सइना होड़कू, ईसूराः कुरूस हाँय रेनहाकू एचे साबतिरिया।

मरकूस 8:34

हनते ईसू हंडाकू जुमावनेना हँकुःआ होड़कू अरू आँयग चेलाकू आँयग एचेरे राःतेडखन हँकू एचेरेय कतातेरा, “तोनोंगीग ईंग तयोम अगी वेग लगाय ओंगलेतना दो हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

लूका 14:27

अरू अनँयगराः कुरूस रेमकेडखन ईंग तयोम मेरेय वेग दो, हाँय हों ईंगरीग चेला ओरोय बड़ाँव अवेनेना।

लूका 23:26

दो हँकू ईसू ठोंकाव गोएग एंडागेय लगाकू गोःयाडीग। हनमेला कुरेन सहररीग सिमोन एरुसलेम मरंग सहर अगीय वेगा। हँकू हाँयग सिमोन साबतिरिगखन ईसू गोगोःआ हना कुरूस हाँयकू एचे दोहेँतिरिया अरू हाँय ईसूराः तयोम तयोमे सेना।

एहुना 19:17

हनते हँकू ईसूकू गोःयाडीग अरू हाँय अनँयग कुरूस रेमतेडखन एरुसलेम सहर अते इबरानी भासीरे गुलगुता माःआनकू कतावाता, हना बोः खुरपीराः ततेर अगीय सेनेडा।

एहुना 21:19

(पतरस आँयगराः गुजुःते करा इया भगवाने मान मरजइतता, हना उदुःगे लगा नाःआ इया ईसू कतातेरा।) हनते ईसू पतरस एचेरेय कतातेरा, “ईंग दूरमे सनालावगोड ञवन।”

एहुना 21:22

दो ईसू हाँय एचेरेय कतातेड, “नाँय ईंग कुदा वेग वरी जिनियते दोहोन लगायिंग चहाः दो आम लगा चिला होयाःता? मनदो आम ईंग दूरमे सनालावगोड ञवन।”

मूक चेलाकू 14:22

अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

1 तिसलूनिका 3:3

जेमहा अपे तोनोंगाः कटसिया मेला बिसवासरे अहापे हिटोः-डोबोःगुः। मनदो अपे सुदीयतना नाःआ इयाःआ कटसिया अबू जीवरे होनोयाःता।

2 तिमुतियूस 3:12

सनातायते, ईसू मसी एचेरे बिसवासकेडखन भगवानराः हिछा इया जियाः लगाकू चाहाःता, हँकुःआ जमा होड़कू संतावरेकू पनाराःता।

1 पतरस 2:21

अपे नपाय बुता बुताकेडखन कटसियापे सहाव लगा भगवान अपेय राःकेडपेःआ। ईसू मसी अपे लगा कटसियाय सहावतेरा अरू हाँय अपे लगा मीटोंग चिनहा इया इदानिया, जेमहा अपे हों हाँय इयापे सहाव अवेय।