मती ओजाःतेरा भगवानराः नपाय सरवन 16:18 - Korwa Bible

¹⁸ आम ईंगमे अयूम! आम परतस हवे, अरू नाःआ दिरिरे ईंग ईंगराः कलसियायिंग तुलाता अरू नरगराः तोनोंग इयाःआ जंगर हना अते ओरो जीताव अवेनेना।

मती ओजाःतेरा भगवानराः नपाय सरवन 16:18 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:2

हँकुःआ मूक चेलाकूराः ञावकून ननानाः हवे; मड़ंगीग सिमोन (हाँयराः एटाः ञाव दोहोना पतरस), अरू आँयगरीग बोहोत अंदरियास, जबदीरीग बेटात एकूब अरू आँयगरीग बोहोत एहुना,

मती ओजाःतेरा भगवानराः नपाय सरवन 11:23

अरू ने कपरनहूम सहररिकुःआ होड़कू, अपे नाःआ इयापे ओंगलेतना जा, भगवान अले सेरमो देस अगीय गोःयालेता। बुरी! हाँय दो अपे पतालपूररेय वारगोडपेता। भगवानराः जंगर बुतापे ञेलतेरा, हना इया सोदोम सहररिकुःआ होड़कू एचेरे भगवान एचेगोडकेःआ दो, हना सहर तिसिंगाः दिन वरी दोनोहोकुःआ।

मती ओजाःतेरा भगवानराः नपाय सरवन 18:17

हाँय हँकिनराः कता हों मेरेय मनाः दो, कलसियारिकुःआ बिसवासी होड़कूम कतावा। अरू हँकुःआ होड़कूराः कता हों मेरेय मनाः दो, भगवानराः कता मेरकू मनाःता हँकुःआ बेगर एहूदाकू अरू मलगुजारी गोः होड़कू इया हाँय ओंगोलकिडिग हाँय सुदा अलोपे मेसान।

मती ओजाःतेरा भगवानराः नपाय सरवन 4:18

मी दिन ईसू गलीलराः हुडिंग समुंदर धरी धरीय सेन मेला बार होड़ वगीयाकिने ञेलतेरा। मी होड़राः ञाव दोहोना सिमोन अरू हनाँयकू कतावा पतरस। अरू बोहोतराः ञाव दोहोना अंदरियास। दो हँकिन केंवटाकिन दोहोना अरू जालते हकूकू दाःआ।

मती ओजाःतेरा भगवानराः नपाय सरवन 7:24

“ईंगराः जमा कताय मनाःता हाँयग होड़ कनहूनदार इदानिया। हाँय चटइनरे नेवतेडखन ओड़ाःय तुलातेरा हाँयग होड़ इया इदानिया।

एहुना 1:42

हना तयोमरे अंदरियास, ईसू एचेरे सिमोने गोःयाडीग। दो ईसू, सिमोन ञेलतेडखने कताया, “आम एहुनारीग बेटात सिमोन हवे। आम कइपा माःआनकू कतावामता।” (कइपाराः मतलोब मरंग दिरि हवे अरू हान उनानी भासीरे पतरस माःआन इदा।)

मूक चेलाकू 2:47

हँकुःआ बिसवासी होड़कू भगवानकू जागा अरू जमा इसराएल होड़कूराः ओंगोलरे नपायकू दोहोना। भगवान सडावकेडकुःआ, हँकुःआ होड़कू बिसवासी होड़कू सुदा परबू दिनो-दिने एचे मेसातेडकुःआ।

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

मूक चेलाकू 8:1

साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

1 कुरिंती 15:55

“गुजुः अबू एचेरे जीताव जुवाःता जा? गुजुः अबूके तोनोंगाः हनी अवेतेडबुःआ जा?”

गलातिया 2:9

कलसियारिकुःआ अगुवा मूक होड़कू हवे माःआनकू कतावाकुःआ, हँकुःआ एकूब, पतरस अरू एहुना, भगवान ईंग लगाय एमेवाडिंगा हना जिमेवारीकू सुदीगोतेड। दो हँकू ईंग अरू बरनाबास, अबूरिकिनाः सेवा देंगवा होड़किन हवे, माःआनकू मनेवातेडलिंगा। नाःआते अलिंग बेगर एहूदाकू एचेरे अरू हँकू एहूदाकू एचेरे सेवाकू लगा मिनी राययानकू।

इपीसी 3:10

भगवान सेरमोरिकुःआ परधानकू अरू हातपातदारकू एचेरे अनँयगराः एटाः बरानाः कनहून कलसियातेय एचे उदुः लगाय ओंगोलतेरा।

इपीसी 5:32

नाःआ कता बुझाः लगा रिता कोवानेःआ। मनदो ईंग नाःआरे मसी अरू कलसियाराः बदीरेयिंग अउल-तउलगेतना।

कुलूसी 1:18

हाँय कलसियाराः बोः हवे अरू कलसिया हाँयराः देह हवे। हान हनाँयते बुँहड़ीनेना अरू गोएगतो अतेकू जियाव रेमनेना हँकुःआ होड़कू अते मनाड़ंग इनीदानिया। नाःआते हाँय जमालेःआते मनारंगे होयाःता।

1 तिमुतियूस 3:15

जेमहा ईंग सेनरे कुबेर जुवाः दो आम सुदी अवेयता, बिसवासी होड़कू करा इया भगवानराः ओड़ाःरे नपाय लूर नेवनते जियाः लगा इदा, हना। भगवानराः ओड़ाः सताय सरवनराः खुंटा अरू पया इया दोहोनता हना जिनियत भगवानराः कलसिया हवे।

1 तिमुतियूस 3:5

तोनोंगीग होड़ आँयग ओड़ाःरिकुःआ होड़कू पला दरीकू लगा मेरेय अवे दो, हाँय भगवानराः कलसियारिकुःआ होड़कू करा इयाय पला दरी अवेकू?

इबरानी 12:28

मेर झिकोड़गुःता हना राइजबू पवावतना। हनालगा भगवानबू धनियाबाद अरू हाँयबू मान मरजइत अरू अकूस मनाः घड़ीन हाँय ननाँय जुवाः इयाबू जागगेय।

उदुःतो कताकून 11:15

हनते सात नमाररीग सेरमो देसरीग बराहील मरंग सोहनाईए ओंगतेड दो, सेरमो देसरे मुरुक सटी अरो अयमुःआ। हँकू कतातेरा, “चउंदीसराः राइजकून अबूरीग परबू भगवानराः अरू आँयगरीग मसीराः होयाकिया। अरू हाँय सगर जूग वरीय राइजगोड ञवनता।”

उदुःतो कताकून 21:14

हना सहरराः हता बारहगोटोंग नेवरे तुलात दोहोना। अरू हना मेमेडटोंग नेवरे हाँयग भेड़ा होनरिकुःआ बारहगोटोंग मूक चेलाकूराः ञाव ओजाःतो दोहोना।