मती ओजाःतेरा भगवानराः नपाय सरवन 16:17 - Korwa Bible

¹⁷ हनते ईसू कता कुदातेरा, “ने एवनारीग बेटात सिमोन, भगवान आम जीवे नपायकेरा। तोनोंगीग मनुवा अगीते कोवान, मनदो सेरमो देसरे इदानिया ईंगरीग अपांग भगवान, नाःआ कता अनँयग आमे कता उदुःवाडमेःआ।

मती ओजाःतेरा भगवानराः नपाय सरवन 16:17 ပူးပေါင်းရင်းမြစ်များ

लूका 22:32

मनदो सिमोन, आम बिसवास अहम अड़गे लगा, ईंग भगवान एचेरेयिंग अरजीकेरा। तयोमरे आम कुदा वेग मेला, बिसवासी वपगकूतामराः बिससवासमे बड़ियाड़गे।”

एहुना 1:42

हना तयोमरे अंदरियास, ईसू एचेरे सिमोने गोःयाडीग। दो ईसू, सिमोन ञेलतेडखने कताया, “आम एहुनारीग बेटात सिमोन हवे। आम कइपा माःआनकू कतावामता।” (कइपाराः मतलोब मरंग दिरि हवे अरू हान उनानी भासीरे पतरस माःआन इदा।)

एहुना 6:45

भगवानराः बड़रा कता होड़कूराः कागदरे नाःआ इया ओजाःतो इदा, भगवान हँकुःआ जमा होड़कूय चेडकूता। अपांग भगवानतेकू अयुमेता अरूकू चिडुःता हँकू, ईंग एचेरेकू वेगता।

1 कुरिंती 15:50

ने ईंगरिकुःआ अजी बोपोहकूतिंग, अपे ईंगपे अयूम। अबू चउंदीसरे दोहोन लगा भगवान एमेकेरा हना देह सेया जुवाःता। मनदो सेरमो देसरे दोहोन लगा भगवान एमेयता हना देह ओरो सेयानेना। हनालगा अबू चउंदीसरे दोहोन लगा भगवान एमेकेरा हना देह सुदा सेरमो देस ओरोबू सेने अवेनेना।

गलातिया 1:16

हनते हाँय अनँयग बेटात ईंगे उदुःवारिंगा, जेमहा ईंग बेगर एहूदाकू एचेरे नपाय सरवनिंग कता उदुःवाकू। ईंग तोनोंगीग होड़ सुदा मेरिंग कता होड़ेंगगना,

इपीसी 2:8

अपे ईसू मसी एचेरेपे बिसवासकेड मेला भगवान आँयगराः मयाते अपेय सडावकेडपेःआ। अरू अपे अँननपे कुरनिसगे अते मेरपे सडावगना, मनदो भगवानराः दहिन हवे।

इपीसी 3:5

भगवान नाःआ कता मनाड़ंग जूगरिकुःआ तोनोंगीग होड़ एचेरे मेरेय एचे उदुःगाड। मनदो नुँहू सुद बिरुवाते भगवानरिकुःआ बड़रा कता होड़कू अरू सुद मूक चेलाकू एचेरेय एचे उदुःगोतेडा।

इपीसी 6:12

अबूराः लड़ाइ होड़कू सुदा कोवानेःआ। मनदो सेरमोरेकू दोहोनता हँकुःआ भूतकूरिकुःआ परधानकू अरू हातपातदारकू सुदा अरू अंदरारेकू दोहोनता हँकुःआ जंगरदार भूतकू सुदा अरू बेलूरकू एचे बुताकूता हना सेरमोरिकुःआ सइनाकू सुदा अबूराः लड़ाइ इदा।

इबरानी 2:14

भगवानरिकुःआ लइंकू, मास अरू बलंगीते बड़ाँवतो मनुवाकू इदानकुःआ। दो ईसू हों मनुवाय बड़ाँवनेना। हाँय मनुवाकू इयाय गोएगनेना, जेमहा होड़कू गोएगकू लगा जंगर इदा हाँयग कलउए लाय एंडा अवे,

1 पतरस 5:1

ईंग कलसियारीग मी होड़ अगुवा होड़ इदानिंगा अरू ईसू मसीराः कटसिया इनिंग ईंग ञेलतेरा। अरू दरवाःआ हना दिनरे भगवान जमाकू मड़ंगरेय एचे ञेलेयता हना मान मरजइत हाँय सुदा ईंग होयिंग पवाःता। दो ईंग कलसियारिकुःआ अगुवा होड़कू समझाव घड़ीनिंग कतावाकूतना,

1 एहुना 4:15

तोनोंगीग होड़ एटाःकू एचेरेय कतायता, ईसू भगवानरीग बेटात हवे, माःआन दो हाँय जीवरे भगवान दोहोनता अरू हाँय हों भगवान सुदाय मिनी जुवाःता।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।