मती ओजाःतेरा भगवानराः नपाय सरवन 16:14 - Korwa Bible

¹⁴ दो हँकू कतातेड, “अदोम होड़कू कतायता, आम बतिसमा एमेयीग होड़ एहुना हवे, माःआन। अरू अदोमकू कतायता, आम भगवानराः बड़रा कतायीग होड़ इलियाह हवे, माःआन। अरू अदोमकू कतायता, आम इरमिया सहे भगवानराः बड़रा कता होड़कू अते तोनोंगीग मी होड़ होड़ हवे, माःआन।”

मती ओजाःतेरा भगवानराः नपाय सरवन 16:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 14:2

अरू हाँय अनँयगरिकुःआ सेवकियाकू एचेरेय कतातेरा, “हाँय गोएगतो होड़कू अतेय जियाव रेमकिया हाँयग बतिसमा एमेयीग होड़ एहुना हवे। हनालगा हाँय बयाव जुवाः इयाःआ बुताकूने एचे उदुः अवेता।”

मती ओजाःतेरा भगवानराः नपाय सरवन 16:15

दो ईसू हँकूय होंबोरतेड, “अपे ओंगोलरे ईंग इये हवे?”

मती ओजाःतेरा भगवानराः नपाय सरवन 17:10

हनते चेलाकूतेन हाँयकू होंबोरतेड, “दो गुरुजी, नियम चेडदार होड़कू चिला लगाकू कतायता, इलियाह मड़ंगरे वेग लगा इदा, माःआन?”

मती ओजाःतेरा भगवानराः नपाय सरवन 3:1

हनानाः दिनरे बतिसमा एमेयीग होड़ एहुना एहूदिया छतरराः टयंगाब ततररेय परसारतेरा,

मरकूस 6:15

अरू एटाः होड़कू कतातेड, “नाँय इलियाह हवे।” अरू एटाः होड़कू कतातेड, “नाँय भगवानराः बड़रा कता होड़कू अते एटाः मी होड़ हवे।”

मरकूस 8:28

दो हँकू कतातेड, “तोनोंग तोनोंग होड़कू कतायतना, आम, बतिसमा एमेयीग होड़ एहुना हवे, अरू एटाःकू कतायतना, आम इलियाह हवे अरू तोनोंग तोनोंग होड़कू कतायतना, आम भगवानराः बड़रा कता होड़कू अते मी होड़ हवे, माःआन।”

लूका 9:8

अरू एटाः होड़कू कताया, इलियाह कुदा वेगकियाय, अरू एटाः होड़कू कताया, परिया जूगरीग एटाः तोनोंगीग भगवानराः बड़रा कतायीग होड़ जियाव रेमकिया, माःआन।

एहुना 1:21

दो हँकू एहुना एचेरेकू होंबोरतेरा, “दो आम इये हवे? इलियाह हवे जा?” हनते एहुना कतातेड, “ईंग ना लवे।” “दो भगवान वारगेय लगाय जबानतेरा हाँयग भगवानराः बड़रा कतायीग होड़ अनम हवे जा?” दो एहुना कतातेरा, “बुरी।”

एहुना 7:12

होड़कू ईसू बदीरे जहड़ घड़ीन मुरुककू कताया। अदोमकू कताया, “हाँय नपाय होड़ हवे।” अरू अदोमकू कताया, “हाँय होड़कूय बहकावगोडता।”

एहुना 9:17

हनते हँकू अंधाय दोहोना हाँयग होड़ एचेरे अरूकू होंबोरतेड, “आमराः मेडे नपायकेरा हाँयराः बदीरे चेले माःआनमे कतायतना?” दो हाँय कताया, “हाँय दो भगवानराः बड़रा कतायीग होड़ हवे।”