मती ओजाःतेरा भगवानराः नपाय सरवन 15:36 - Korwa Bible

³⁶ ईसू सातगोटोंग रुटी अरू गुनमिनकू दोहोना हँकुःआ हकूकू साबतेडखने अरजीतेरा अरू डुंडीग घड़ीन चेलाकूतेन एचेरेय एमे इदीया अरू हँकू होड़कूकू हटिंगवातेरा।

मती ओजाःतेरा भगवानराः नपाय सरवन 15:36 ပူးပေါင်းရင်းမြစ်များ

मती ओजाःतेरा भगवानराः नपाय सरवन 14:19

हनते हाँय हँकुःआ होड़कू बीररे दुड़ुः लगाय कतावाडकू। अरू पाँचटोंग रुटी अरू बारटोंग हकूकिन साबतेड अरू सेरमो अगी संगीलतेडखन भगवान एचेरेय अरजीतेरा। हनते हाँय हना रुटी डुंडीगगे घड़ीन चेलाकूतेन एचेरे होड़कू हटिंगवाकू लगाय एमेगोतेड अरू चेलाकू होड़कूकू हटिंगवातेरा।

मती ओजाःतेरा भगवानराः नपाय सरवन 15:35

दो जमा होड़कू ओतरे दुड़ुः लगाय कतावाडकूखन,

लूका 22:17

हनते हाँय अंगूर रसराः डुबहा साबतेडखन हना रस लगा भगवाने धनियाबादतेरा अरू चेलाकू एचेरेय कताया, “नाःआ रस अपे हटिंगकेडखन ञूयपे।

लूका 22:19

हनते हाँय रुटीय साबतेरा अरू भगवान धनियाबादतेडखन रुटीय डुंडीगतेरा। हनते चेलाकू नाःआ इया कतावातेडकूखने हटिंगवातेडकुःआ, “नाःआ रुटी ईंगराः देह हवे, अरू हना अपे लगायिंग एमेयता। ईंग उहियार लगा नान इयापे एचेय।”

लूका 24:30

ईसू हँकिन सुदा जोजोम लगाय दुड़ुःयान। हनमेला रुटी साबवाडखन भगवाने धनियाबादतेरा। अरू हना रुटी डुंडीगतेडखन हँकिनाः होड़किन जोम लगाय हटिंगवातेडकिना।

एहुना 6:11

हनते ईसू रुटीय साबतेरा अरू भगवान एचेरे धनियाबादतेडखन दुड़ुःतो होड़कू लगा डुंडीग घड़ीने एचे हटिंगवातेडकुःआ। अरू हनन इया हकूकिन हों दोंगे पेरेगवामिने एचे हटिंगवातेडकुःआ।

एहुना 6:23

हनते परबू रुटी लगाय अरजीतेरा अरू होड़कू जोम लगाय ओवातेडकुःआ, हना ततेरराः लेसान ततेररे तोनोंग तोनोंग होड़कू तिबिरियास सहर अते डोंगाकूनरेकू वेगनेना।

मूक चेलाकू 27:35

हाँय नाःआ इया कतातेडखन रुटीय गोःतेरा अरू भगवान जागतेडखन जमाकू मड़ंगरे रुटी डुंडीग घड़ीने जोमा।

रूमी 14:6

अरू तोनोंगीग तोनोंगाः मी दिन परबू जाग लगाय मनाःता दो, हन हाँय परबू मान मरजइतगे लगाय एचेयता। तोनोंगाः जिनिसे जोमता हाँयग होड़, भगवान जाग घड़ीन परबू मान मरजइतगे लगाय जोमता। अरू तोनोंगाः जोम जिनिस मेरेय जोमता हाँयग होड़, भगवान जाग घड़ीन परबू मान मरजइतगे लगा मेरेय जोमता।

1 कुरिंती 10:31

मनदो ईंग कतायतना, अपे जोम सहे ञूय सहे तोनोंगाःपे एचे, हना जनामाते भगवानराः मान मरजइत होयाः लगापे एचेय।

1 कुरिंती 14:16

अनबुझ होड़कू अपेराः बड़रा मेरकू बुझाव अवेनता। हनालगा अपे अनबुझ भासीते भगवानपे जाग दो एटाः होड़कू करा इया आमीन माःआनकू कताय?