मती ओजाःतेरा भगवानराः नपाय सरवन 15:32 - Korwa Bible

³² हनते ईसू अनँयगरिकुःआ चेलाकूतेन अनँयग एचेरे राःतेडकूखने कतातेरा, “नँकुःआ होड़कू ईंग ञेल सोगायना। नँकू पेय दिन वरीते इनिंग सुदा इदानकुःआ अरू नुँहू नँकू एचेरे कहिसाः जोम लगा कोवानेःआ। हनालगा नँकुःआ होड़कू रंगेगतो पइड़घावकू लगा मेरिंग चहाःतना। हँकू अते तोनोंगीग सेनेन सेन दूररे पड़ूकियानखन अलोकू असिड जुवाः।”

मती ओजाःतेरा भगवानराः नपाय सरवन 15:32 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:40

एवना पेय दिन अरू पेय रइत मरंग हँकूराः दोंगे पेंदारेय दोहोना। हनन इया मनुवारीग बेटात पेय दिन अरू पेय रइत ओत पेंदारेय दोहोनता।

मती ओजाःतेरा भगवानराः नपाय सरवन 14:13

हना कता अयूमतेडखन ईसू डोंगारे देगनेनखन एकलाय दोहोन लगा हना ततेर अते एटाः रिंग-रोंग ततेर अगी तोराय। मनदो होड़कू नाःआ अयूमतेडखन सनाहर सहर हाँय तयोम तयोमकू ओतोंगयान।

मती ओजाःतेरा भगवानराः नपाय सरवन 15:33

दो चेलाकूतेन ईसूकू कतावाड, “ने गुरुजी, नाःआ टयंगाब ततेररे नाःआमिन बगरा होड़कू लगा रुटी तोनोंगीग करा अगीतेय अगूय अरू नँकूकू जोम बीन?”

मती ओजाःतेरा भगवानराः नपाय सरवन 20:34

ईसू हँकिने सोगावातेडकिना अरू हँकिनराः मेडे टोँवावतेरा अरू हनानाः मेला बना होड़राः मेड नपाययान अरू हँकिन ईसूराः देह दूर तोराकिन।

मती ओजाःतेरा भगवानराः नपाय सरवन 27:63

अरूकू कताया, “हाँयग अडिग होड़ जीयत दोहोन मेला नाःआ इयाय कतातेरा माःआनले उहियारगेतना, पेय दिन तयोमरेयिंग जियाव रिमुःता, माःआन।

मती ओजाःतेरा भगवानराः नपाय सरवन 9:36

हंडा मुरुक बगरा होड़कू दोहोना अरू हँकू बेगर सरवाहातेकू दोहोनता हँकुःआ भेड़ाकू इया कटसियारे अरू बेगर संघरातेकू दोहोना। हनालगा हाँय हँकूय ञेलतेडकूखने सोगावातेडकुःआ।

मरकूस 9:22

हाँय गोजेय लगा तोनोंग मेला सेंगेलरे अरू तोनोंग मेला दाःरेय एचे लेबदाया। मनदो आम कहीम एचे अवे दो अले सोगावाडखन संघराम ओवाले।”

लूका 7:13

ईसू रंडियाहीन ञेलतेडखने सोगावातेडिया अरू हाँय एचेरेय कताया, “अहम इयाम।”

मूक चेलाकू 27:33

अंगू फइड़साःआ मेला पउलूस जमाकू तोनोंगाः जोम लगा लहरावतेडकूखने कताया, “तिसिंग चउदाह दिन होयायना। अरू अपे सगर दिन ओंगोल घड़ीन अपे तोनोंगाः मेरपे जोमगाड।

इबरानी 4:15

दो हाँय अबूराः अबड़ाव जीव-जहन बदीरेय सोगा अवेवाबूता। हनालगा अबू कबुलाःता हना बिसवासरे बड़ियाड़बू दोहोन,