मती ओजाःतेरा भगवानराः नपाय सरवन 15:31 - Korwa Bible

³¹ कोंदा होड़कू बड़राःआ अरू लेचवा होड़कू नपाययान, अरू लंगड़ा होड़कू सेना अरू अंधा-अंधी होड़कूराः मेड ञेञेला दो, हँकुःआ होड़कू हना ञेलतेडखनकू बयावयान अरू इसराएल होड़कूरीग भगवानकू जागतिरिया।

मती ओजाःतेरा भगवानराः नपाय सरवन 15:31 ပူးပေါင်းရင်းမြစ်များ

मती ओजाःतेरा भगवानराः नपाय सरवन 15:30

दो मुरुक बगरा होड़कू हाँय एचेरेकू सेने जुमावयान अरू हँकू अँनकू सुदा लंगड़ा होड़कू, अंधा होड़कू, कोंदा होड़कू, ठुठा होड़कू अरू एटाः एटाः इयाकुःआ बेमरियाकू हों हाँय एचेरे अगूतेडकूखन काट कुटीरेकू गेतेगगोतेडकू। दो ईसू हँकुःआ जमा होड़कूय नपायगोतेडकू।

मती ओजाःतेरा भगवानराः नपाय सरवन 18:8

आमराः तिःई सहे काट आम एचे कसूरमेतान दो हना बोंगोरकेडखन तेके एंडागोडमे। आमराः बनर तिःई सहे काट इदान हों नरगराः सेंगेलरे एचे सोलोंगुः अते लंगड़ा सहे लुलहाकियानखन सेरमो देसरे बोल, आम लगा ननपाय इदा।

मती ओजाःतेरा भगवानराः नपाय सरवन 21:14

हनते अंधा होड़कू अरू लंगड़ा होड़कू ईसू एचेरेकू सेनेडा अरू हाँय हँकूय नपायतेरा।

मती ओजाःतेरा भगवानराः नपाय सरवन 8:10

हना अयूमतेडखन ईसू बयावयाने अरू अनँयग देह दूरकू वेजेडा हँकुःआ होड़कू एचेरेय कताया, “अपे ईंगपे अयूम। इसराएल होड़कू एचेरे हों नाःआमिन बिसवास ईंग नुँहू वरी मेरिंग ञेलगडा।

मती ओजाःतेरा भगवानराः नपाय सरवन 9:32

हँकिन ईसू अगीतेकिन सेना दो, ईसू एचेरे भूत समसावनेना मी होड़ कोंदा होड़, होड़कू अगूतिरिया।

मती ओजाःतेरा भगवानराः नपाय सरवन 9:33

ईसू हाँयग भूते उडुंगगोतेड दो, हाँयग होड़ बड़राःआय। जमा होड़कू बयावनेनखनकू कतातेड, “जमा इसराएल राइजरे नाःआ इया अले नुँहू वरी मेरले ञेलगरा।”

मती ओजाःतेरा भगवानराः नपाय सरवन 9:8

नाःआ कता जमा होड़कू ञेलतेड दो, हँकू मुरुककू बयावयान अरू मनुवाकू नाःआ इयाःआ जंगरे एमेकेरा हाँयग भगवानकू जागतेरा।

मरकूस 2:12

हँकुःआ होड़कू ञेञेला हनन मेलारे हाँय ओहेन रेमकेडखन पटियाय रेमतेड अरू अनँयग ओड़ाः होर तोराय। जमा होड़कू बयावयान अरू भगवान जागतेडखनकू कतातेड, “अबू नाःआ इया तोनोंगाः कहियो ओरोबू ञेलतेरा।”

मरकूस 7:37

होड़कू मुरुक बयावनेनखनकू कताया, “ओहरे! नाँयग होड़ तोनोंगाःय एचेयता दो हना जमा ननपाय इदा। नाँयराः कतारे बहिरा होड़कू होंकू अयुमेता अरू कोंदा होड़कू होंकू बड़राता।”

मरकूस 9:43

आमराः तिःई आम एचे कसूरगोडमेता दो, हना तिःई बोंगोर एंडागोडमे। दो बनर तिःई दोहोन हों नरगराः ओरो टुटीगनेना हना सेंगेलरे एचे सोलोंगुः अते लुलहाकियानखन सेरमो देसरेम बोल दो ननपाय इदा।

लूका 14:13

मनदो आम होड़कू जोम लगाम राःकूतान दो गरीब होड़कू, खोड़ा होड़कू, लंगड़ा होड़कू अरू अंधा होड़कूम राः।

लूका 14:21

हनते हाँयग सेवकिया होड़ जमा बड़रा मालिक एचेरेय कता उदुःतेरा। दो हाँयग मालिक रीसवाडखन सेवकियातेन एचेरेय कताया, सहरराः बजारकूनरे अरू खोइड़कूनरे सेनेवाडखन गरीबकू अरू खोड़ा होड़कू अरू लंगड़ा होड़कू अरू अंधा होड़कू नंडाम राः अगूकू।

लूका 18:43

हननमेला हाँय ञेलगोडा अरू भगवान जाग घड़ीन ईसू देहोरे सेना। जमा होड़कू नाःआ ञेलवाडखन भगवानकू जागतेरा।

लूका 7:16

हना ञेलवाडखन जमा होड़कू बोरोयानकू। अरू हँकू भगवान जागवाडखनकू कताया, “मी होड़ मरंगीग भगवानराः बड़रा कतायीग होड़ अबू तलारेय वेगकिया अरू भगवान अनँयग होड़कूय मयावारा।”

एहुना 9:24

हनते हँकू मड़ंगरे अंधाय दोहोना हाँयग होड़ अरू राःतिडीगखनकू होंबरेया, “भगवानमे मान मरजइत। अले दोले सुसुदीतना हाँयग होड़ कसूर होड़ हवे।”