मती ओजाःतेरा भगवानराः नपाय सरवन 15:27 - Korwa Bible

²⁷ दो हाँयग अइमी कतातेड, “सतायमे कतायतना, परबू। मनदो अँननकूरिकुःआ मालिककू टिबूल सेरमोकू जोमतान मेला, अलार गदार जोम एरांगतो लुजरुःता हनानाः अते कुतुकू अँनकूराः दोंगेकू पेरेगता।”

मती ओजाःतेरा भगवानराः नपाय सरवन 15:27 ပူးပေါင်းရင်းမြစ်များ

मती ओजाःतेरा भगवानराः नपाय सरवन 15:26

दो ईसू हाँयग अइमीय कतावाड, “लइंकूराः रुटी गोःकेडखन कुतुकू एचेरे तेकेगे दो नपाय कोवानेःआ।”

मती ओजाःतेरा भगवानराः नपाय सरवन 15:28

हनते ईसू कतातेड, “ने दिदी, आमराः बिसवास मुरुक मरंग इदा। होयाः लगाम ओंगलेतना हनन इया होया जुवाः।” दो हननमेला हाँयगरीग बिटीत नपाययाने।

मती ओजाःतेरा भगवानराः नपाय सरवन 5:45

नाःआ इयापे एचेय दो अपे सेरमो देसरे इदानिया हाँयग अपांग भगवानरिकुःआ लइंकूपे बड़ाँःता। भगवान नपाय अरू बेलूर होड़कू लगा बेरते मरसले एमेवाकूता अरू गारबार होड़कू अरू बेगर गारबार होड़कू लगा दाःए एचे उयुःता।

मती ओजाःतेरा भगवानराः नपाय सरवन 8:8

दो हाँयग हातपात होड़ कताया, “ने परबू, आम ईंग ओड़ाः वेग जुकूर ईंग कोवायिंगा। आम मिनीटोंग कताम कताय दो, ईंगरीग सेवकिया होड़ नपाय जुवाःताय।

मरकूस 7:28

दो हाँयग अइमी कता कुदातेरा, “मनदो परबू, ओड़ाःरिकुःआ कुतुकू हों लइंकू जोम सकड़ीगेता हनाकू जोमता।”

लूका 16:21

दो लाजर गिरहत होड़राः टिबूल अते जोम एरांगतो लुजुरुःआ हना जोमवाडखन दोंगे पेरेगगे लगाय चहाःआ। हंडा कुतुकू हों वेगवाडखन हाँयराः घाव गदाहकू जड़ाःआ।

लूका 18:13

मनदो मलगुजारी गोः होड़ तोरेरेय चड़ाँनेना अरू सेरमो अगी ञेल लगा हों मेरेय चहावगान। हाँय अनँयग कुड़ोम चपाड़ घड़ीने कताया, ने भगवान, ईंग कसूर होड़ हवे। आम ईंगमे मयावा, माःआन।”

रूमी 10:12

भगवानराः ओंगोलरे एहूदाकू अरू बेगर एहूदाकू जमाकू मिनी इदानकुःआ, अरू तोनोंगीग एटाः कोवाकुःआ। जमाकू लगा मिनीटोंग परबू इदानिया अरू हाँय एचेरेकू अरजीता, हँकुःआ होड़कू मिनी जीवकियानखने सडावकूता।

रूमी 3:19

मनदो अबू सुसुदीतना, नियमराः आड़रे इदानकुःआ हँकुःआ होड़कू हनानाः नियम इया सनालाः पराःता। दो चउंदीसरिकुःआ होड़कूय फड़ियावकूता हाँयग भगवानराः ओंगोलरे जमा होड़कू गारबारकेरा। हनालगा तोनोंगीग भगवान एचेरे ओरोकू कता अवेतेरा, ईंग तोनोंगाः कसूर मेरिंग कसूरगरा, माःआन।

रूमी 3:29

भगवान एकला एहूदाकूरीग भगवान हवे जा? अरू बेगर एहूदाकूरीग भगवान ना लवे जा? हाव, हाँय जनामा होड़कूरीग भगवान हवे।

रूमी 3:4

नाःआ इया कहियो ओरो होयानेना। जमा होड़कू लबराकू बड़ाँव जुवाःता हों, भगवानराः कागदरे ओजाःतो इदा हनन इया, हाँय सनाताये दोहोनता। “ने परबू, आमराः जमा कताकून सनाताय इदा, अरू होड़कू आमकू फड़ियाव हों आम जितावबाः जुवाःताम।”

इपीसी 3:19

अबूराः कनहूनते ओरोबू ओंगोल तजाः अवेतेरा, हना दुलारबू सुदी अवेय लगा होयिंग अरजीतना, जेमहा भगवानराः जमालेःआते अपेराः जीव उडु-बुडू जुवाः।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।