मती ओजाःतेरा भगवानराः नपाय सरवन 15:14 - Korwa Bible

¹⁴ अपे फरीसी होड़कू अते तोनोरे तोरेपे दोहोन। हँकू अंधा मूक होड़कू इदानकुःआ। तोनोंगीग अंधा होड़ अनंधा होड़ दूरे उदुःवाय दो बना होड़ डोडहारेकिन रेम बोलो जुवाःता।”

मती ओजाःतेरा भगवानराः नपाय सरवन 15:14 ပူးပေါင်းရင်းမြစ်များ

लूका 6:39

हनते ईसू मीटोंग कहड़ीय कताया, “अंधा होड़ अनंधा होड़ दूरे उदुः अवेवायताय जा? ओरो! बना होड़ डोडहारे हमाकिन कसड़ जुवाःता।

एहुना 9:39

दो ईसू कतातेड, “ईंग नाःआ चउंदीसरे होड़कू फड़ियाव लगायिंग वेगकिया। नाःआ अते मेरकू ञेञेलतना हँकुःआ होड़कू ञेलता अरू ञेञेलतना हँकुःआ होड़कू अंधा जुवाःता।”

1 तिमुतियूस 6:5

नाःआ इया होड़कू अनभनिया कड़ीगकू रेमगोडता। अरू हँकूराः जीव आडतो इदा अरू हँकू मेरकू सुदीयता सताय चिला हवे। हँकू ओंगलेता, धरमराः दूररे मुरुक नफा इदा, माःआन।

2 पतरस 2:1

मड़ंग जूगरे भगवानराः बड़रा लबरातेकू कताया हँकुःआ होड़कू दोहोना। हनन इया अपे तलारे हों भगवानराः बड़रा लबरातेकू कतायता हँकुःआ होड़कू वेगता। हँकू ओनोक दनंगरे लाय एंडागेराः सरवनकू अगूयता। अँननकूय सडावकेरा हाँयग परबू होंकू आड-बेकारवायता, अरू हना अते हँकू अँननकू अँकू ओहेनकू लाय एंडा जुवाःता।

2 पतरस 2:17

हँकुःआ होड़कू दाः सूती अंजेडतो इया अरू गड़रा घटा बदरी इया इदानकुःआ। अरू हँकुःआ होड़कू भगवान अनंदरा अंदरा पेंदारेय एचे दोहोकूता।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।