मती ओजाःतेरा भगवानराः नपाय सरवन 14:8 - Korwa Bible

⁸ हाँयग एंगात एराहोने ललकावतिरिया, हनालगा हाँयग एराहोन हरदोस एचेरेय कतातेरा, “ईंग लगा बतिसमा एमेयीग होड़ एहुनाराः बोः मीटोंग छिपीरे नननंडाम एचे अगूगोडवायिंग।”

मती ओजाःतेरा भगवानराः नपाय सरवन 14:8 ပူးပေါင်းရင်းမြစ်များ

मती ओजाःतेरा भगवानराः नपाय सरवन 14:11

एहुनाराः बोः छिपीरेकू अगूतेडखन हाँयग एराहोनकू एमेवातेरा अरू हाँय एंगात एचेरेय गोःयाड।

मती ओजाःतेरा भगवानराः नपाय सरवन 14:7

दो हाँय बिटीते जबानवातिरिया, “आम ईंग एचेरे तोनोंगाःमे असेय दो हनानाः एनेमेवामतिंग।”

मती ओजाःतेरा भगवानराः नपाय सरवन 14:9

दो हना बड़रा अयूमतेडखन राजाराः जीव मुरुक हुडिंगयान। मनदो हाँय जुमावतो गुतियाकू मड़ंगरेय जबानतेरा हना जबान टड़ावगे लगा मेरेय चहाःआ अरूय हुकुमगोतेड,

मरकूस 6:24

दो हाँयग एराहोन हना अते उडुंगकियानखन एंगात एचेरेय होंबरेःआ, “ने अया, ईंग चिलायिंग असे?” दो एंगात कताया, “बतिसमा एमेयीग होड़ एहुनाराः बोःमे असे।”

मरकूस 6:25

हनते हाँयग एराहोन ओहेन राजा एचेरे तोराय अरू हाँय एचेरेय कताया, “ईंग चहाःतना, आम नुँहू बतिसमा एमेयीग होड़ एहुनाराः बोः मीटोंग छिपीरेम एचे अगूगोड।”

मरकूस 6:28

हनते हाँयग होड़ सेनेवाडखन जेहेल ओड़ाःरे एहुनाराः बोःए बोंगोरगोतेड अरू मीटोंग छिपीरेय अगूतेरा अरू हाँयग एराहोने ओवागोतेडीग। हनते हाँयग एराहोन एंगाते एमेवाड।