मती ओजाःतेरा भगवानराः नपाय सरवन 14:19 - Korwa Bible

¹⁹ हनते हाँय हँकुःआ होड़कू बीररे दुड़ुः लगाय कतावाडकू। अरू पाँचटोंग रुटी अरू बारटोंग हकूकिन साबतेड अरू सेरमो अगी संगीलतेडखन भगवान एचेरेय अरजीतेरा। हनते हाँय हना रुटी डुंडीगगे घड़ीन चेलाकूतेन एचेरे होड़कू हटिंगवाकू लगाय एमेगोतेड अरू चेलाकू होड़कूकू हटिंगवातेरा।

मती ओजाःतेरा भगवानराः नपाय सरवन 14:19 ပူးပေါင်းရင်းမြစ်များ

मती ओजाःतेरा भगवानराः नपाय सरवन 14:18

दो ईसू कतातेड, “मना ईंग एचेरेपे अगूय।”

मरकूस 6:39

हनते ईसू हँकूय कतावाड, “अपे जमा होड़कू हड़ियड़ बीररे जुमूट जुमूट एचे दुड़ुःगोडकूपे।”

मरकूस 6:41

हनते ईसू पाँचटोंग रुटी अरू बारटोंग हकूकिन आँयग तिःईरेय साबतेड अरू सेरमो संगीलवाडखन भगवाने जागतेरा अरू हाँय रुटी डुंडीग घड़ीन चेलाकू एचेरे हटिंगगे लगाय एमेवातेडकुःआ। अरू हनन इया बारटोंग हकूकिन हों जमाकूकू हटिंगगे लगाय एमेतेरा।

मरकूस 7:34

हनते ईसू सेरमो अगी संगीलतेडखने सहेडतेरा। अरू हाँय एचेरेय कतातेरा, “एफाता!” (नाःआ लबदराः मतलोब गीग जुवाः हवे।)

लूका 22:17

हनते हाँय अंगूर रसराः डुबहा साबतेडखन हना रस लगा भगवाने धनियाबादतेरा अरू चेलाकू एचेरेय कताया, “नाःआ रस अपे हटिंगकेडखन ञूयपे।

लूका 22:19

हनते हाँय रुटीय साबतेरा अरू भगवान धनियाबादतेडखन रुटीय डुंडीगतेरा। हनते चेलाकू नाःआ इया कतावातेडकूखने हटिंगवातेडकुःआ, “नाःआ रुटी ईंगराः देह हवे, अरू हना अपे लगायिंग एमेयता। ईंग उहियार लगा नान इयापे एचेय।”

लूका 24:30

ईसू हँकिन सुदा जोजोम लगाय दुड़ुःयान। हनमेला रुटी साबवाडखन भगवाने धनियाबादतेरा। अरू हना रुटी डुंडीगतेडखन हँकिनाः होड़किन जोम लगाय हटिंगवातेडकिना।

लूका 9:14

(हंडा अंदांज पाँच हजार मनारद मरदकू दोहोना।) मनदो ईसू चेलाकू एचेरेय कताया, “नँकुःआ होड़कू पचास पचास होड़कू मेमेड खुड़हारेपे एचे दुडुःकू।”

लूका 9:16

हनते ईसू हना पाँचटोंग रुटी अरू बारटोंग हकूकिने साबतेड अरू सेरमो संगीलवाडखने धनियाबादतेरा अरू हाँय डुंडीग घड़ीन चेलाकू एचेरे हटिंगगे लगाय एमेगोतेड।

एहुना 11:41

हनते हँकू हना दिरिकू चलाः एंडागोतेड। हनते ईसू संगीलतेडखन भगवान एचेरेय अरजीतेरा, “ने अपांग, आम ईंगराः कताम अयूमगोतेडा। हनालगा ईंग आमिंग जागतना।

एहुना 6:23

हनते परबू रुटी लगाय अरजीतेरा अरू होड़कू जोम लगाय ओवातेडकुःआ, हना ततेरराः लेसान ततेररे तोनोंग तोनोंग होड़कू तिबिरियास सहर अते डोंगाकूनरेकू वेगनेना।

मूक चेलाकू 27:35

हाँय नाःआ इया कतातेडखन रुटीय गोःतेरा अरू भगवान जागतेडखन जमाकू मड़ंगरे रुटी डुंडीग घड़ीने जोमा।

रूमी 14:6

अरू तोनोंगीग तोनोंगाः मी दिन परबू जाग लगाय मनाःता दो, हन हाँय परबू मान मरजइतगे लगाय एचेयता। तोनोंगाः जिनिसे जोमता हाँयग होड़, भगवान जाग घड़ीन परबू मान मरजइतगे लगाय जोमता। अरू तोनोंगाः जोम जिनिस मेरेय जोमता हाँयग होड़, भगवान जाग घड़ीन परबू मान मरजइतगे लगा मेरेय जोमता।

1 कुरिंती 10:16

अबू परबू भोज धनियाबाद घड़ीनबू जोम-ञूयता। अबू हना अंगूर रसबू ञूयतान दो ईसू अनँयगराः बलंगीय तूतेरा अते नफाबू पवावकिया अरू हना नफाराः इताडदारबू बड़ाँःता। अरू अबू हना रुटी डुंडीग घड़ीनबू जोमतान दो ईसू अनँयग देहरे कटसियाय सहावतेरा अते नफाबू पवावकिया अरू हना नफाराः इताडदारबू बड़ाँःता।

1 कुरिंती 10:31

मनदो ईंग कतायतना, अपे जोम सहे ञूय सहे तोनोंगाःपे एचे, हना जनामाते भगवानराः मान मरजइत होयाः लगापे एचेय।

1 कुरिंती 11:24

अरू भगवान धनियाबादकेडखन रुटीय डुंडीगतेरा अरूय कतातेरा, “नाःआ ईंगराः देह हवे। नाःआ अपे लगायिंग एमेयतना। ईंग उहियार लगा ननन इया रुटीपे जोम।”

कुलूसी 3:17

अपे तोनोंगाः बुतापे बुता सहे तोनोंगाः कतापे बड़रा हना जमाकून ईसू मसी लगापे एचेय, अरू हाँयते अपांग भगवानपे जागगोड ञवन।