13 हना कता अयूमतेडखन ईसू डोंगारे देगनेनखन एकलाय दोहोन लगा हना ततेर अते एटाः रिंग-रोंग ततेर अगी तोराय। मनदो होड़कू नाःआ अयूमतेडखन सनाहर सहर हाँय तयोम तयोमकू ओतोंगयान।
अपे दोहोनता हना सहररे होड़कू अपेकू संतावपे दो, हना सहर अते एटाः सहर अगीपे ञीर जुवाः। अपे ईंगपे अयूम, अपे इसराएलराः जमा सहरकूनरे अरीनपे दँड़ा पुरावगे अते मड़ंग, मनुवारीग बेटात वेग जुवाःता।
दो ईसू नाःआ कताय सुदीगोतेड अरू हाँय हंडाते एटाः ततेर तोराय। अरू मुरुक बगरा होड़कू हाँय देह दूरकू ओतोंग वेगा अरू हाँय हँकुःआ जमा होड़कू अँकूराः बेमरियातेय नपायतेडकुःआ।
तयोमरे एहुनारिकुःआ चेलाकू सेनेडखन हाँयराः मुरदा गोःतेडखनकू तीलगोतेड अरू सेनेकियानखन ईसूकू कता उदुःवातेरा।
अंगुः मेला ईसू हना ओड़ाः अते मीटोंग रिंग-रोंग ततेररे अरजी लगाय सेनेडा।
अंगुः मेला ईसू हना ततेर अते मीटोंग रिंग-रोंग ततेररेय सेनेडा अरू कपरनहूमरिकुःआ मुरुक होड़कू ञाम ञाम हाँय एचेरेकू वेजेडा। हँकू हाँय एचेरेकू कताया, अले अटूकेडखन अलोम सेन, माःआन।