मती ओजाःतेरा भगवानराः नपाय सरवन 13:42 - Korwa Bible

⁴² अरू हँकू नरगराः सेंगेलरेकू तेके बोलोकूता। हना ततेररे होड़कू मुरुक इयाम घड़ीन रेटेग-रेटेग तिरिंगकू कड़रावता।

मती ओजाःतेरा भगवानराः नपाय सरवन 13:42 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:50

अरू हँकुःआ कसूर होड़कू हितकाःतो सेंगेलरेकू तेके बोलोगोडकूता। हँकूके हंडा तिरिंग रेटेग-रेटेग कड़राव घड़ीन इयाम पराःता।”

मती ओजाःतेरा भगवानराः नपाय सरवन 22:13

हनते राजा सेवकियाकू एचेरेय कतातेड, नाँयराः तिःई काट तोलकेडखन बहरी अंदरारेपे रेमगे एंडागोडेय। हंडा होड़कू इयाम घड़ीन रेटेग रेटेग तिरिंगकू कड़राव ञवनता।

मती ओजाःतेरा भगवानराः नपाय सरवन 25:41

हनते दिरही तिःई गतररिकुःआ होड़कू एचेरेय कतायता, ने सती-सरापतो होड़कू, मड़ंग वरीते कलउ अरू हाँयरिकुःआ बराहीलकू लगा संजोड़तो इदा अरू कहियो ओरो इड़ीगनेना हना संगेलरेपे सलाव जुवाः।

मती ओजाःतेरा भगवानराः नपाय सरवन 3:12

अनँयग गोहोम खनहियाड़ अतेय तेय अमिंग लगा अरू अकिडकेडखन पलारे दोहोय लगा हाँयराः हटाः अनँयग तिःईरे इदा। मनदो कहियो मेर इड़ीगगुःता हना सेंगेलरे कुटाय बालगेता।”

मती ओजाःतेरा भगवानराः नपाय सरवन 8:12

मनदो राइजरिकुःआ होड़कू हंडा ओरोकू बोलो अवेतेरा। भगवान हँकू बहरी अंदरारेय एचे ढोकलावगोडकूता अरूकू इयामता अरू तिरिंग रेटेग-रेटेगकू कड़रावता।”

लूका 13:28

अपे, अपेरिकुःआ खुटिपरिया होड़कू इबराहीम अरू इसहाक अरू एकूब अरू जमा भगवानराः बड़रा कता होड़कू भगवानराः राइजरे दुड़ुःतोपे ञेलकूता अरू भगवान अँननपे बहरीय एचे उडुंग एंडागोडपेता,

उदुःतो कताकून 14:10

भगवान हँकू सुदा मुरुके रीस रंजाव जुवाःता। अरू हाँय सेरमो देसरिकुःआ सुद बराहीलकू अरू भेड़ा होन मड़ंगरे हितकाःतो लेटे दिरि गुंडा अरू सेंगेलते हँकुःआ होड़कू मुरुक पीरारेय एचे परावकूता।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 20:10

हनते हँकुःआ होड़कू अडिगता हाँयग कलउ, सेंगेल अरू हितकाःतो लेटे दिरिराः हुडिंग समुंदररेय तेके बोलोगोडेयता। हंडा हाँयग जानर अरू भगवानराः बड़रा लबराते कतायीग होड़ हों दोहोनता। हँकू सगर सइट दिन रइत पीरारेकू पिड़ियाः पिड़ियाः ञवनता।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 9:2

हाँय हना दुवारे गीगतेरा दो, हना डोडहाते भटा अते उडुंगगुःता हना सोकोल इया सोकोल उडुंगनेना। अरू हना सोकोलते बेर अरू सेरमो कड़ियायान।