मती ओजाःतेरा भगवानराः नपाय सरवन 13:38 - Korwa Bible

³⁸ दोहोड़ नाःआ चउंदीस हवे अरू नपाय बिहान भगवानराः राइजरिकुःआ होड़कू हवे। पहाड़ बीर बिहान कलउरिकुःआ होड़कू हवे।

मती ओजाःतेरा भगवानराः नपाय सरवन 13:38 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:19

भगवानराः राइज बदीराः सरवन अयूमकेडखन मेरेय बुझाःता हाँय, दूर धरीरे लोजोरनेना हना बिहान इयायीग होड़ हवे। अरू हाँय अयूमतेरा हना सरवन कलउ वेगवाडखने गोःयाता।

मती ओजाःतेरा भगवानराः नपाय सरवन 24:14

अरू भगवानराः राइजराः नपाय सरवन चउंदीसराः जमा जइत होड़कू एचेरेकू परसारगेता। अरू हना तयोमरे चउंदीस टुटीग जुवाःता।

मती ओजाःतेरा भगवानराः नपाय सरवन 5:37

मनदो अपेराः बड़रा हाव दो हनाव, सहे बाइ दो बनाइ दोहोन लगा इदा। नाःआ बड़रा अते एटाः इयाःआपे बड़रा दो हान बेलूर इदा अरू कलउ अगीते इदा।”

मती ओजाःतेरा भगवानराः नपाय सरवन 8:12

मनदो राइजरिकुःआ होड़कू हंडा ओरोकू बोलो अवेतेरा। भगवान हँकू बहरी अंदरारेय एचे ढोकलावगोडकूता अरूकू इयामता अरू तिरिंग रेटेग-रेटेगकू कड़रावता।”

लूका 24:47

होड़कू हनाँयराः ञावते एरुसलेमते बुँहड़ीवाडखन जमा जइत होड़कू एचेरेकू परसारगेता, होड़कू कसूर अते जीवकू कुदाता दो हँकूराः कसूर ईसूराः ञावते भगवान बराव एंडागोडताय, माःआन।

एहुना 12:24

अपे ईंगपे अयूम! गोहोम बिहान ओतरे वेरकेडखन मेर गुजुः दो, हना बिहान हनन इया दोहो जुवाःता। गुजुःतान दो हना बिहानते मुरुक जांगगुःता।

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

मूक चेलाकू 13:10

“आम कलउरीग बेटात अरू जमा सताय कतारीग मुदइ हवे। आम जमा बरानाः लबरा अरू अडिग अकामते पेरेगतो इदानमेःआ। परबूराः बदीरे सनातायतो इदा हना कता एचे बदलावाडखन लबरा कता तुला अते तोरेम दोहोन।

रूमी 10:18

मनदो ईंग होंबरेतना, हँकू सरवन मेरकू अयूमगाड जा? हाव, अयूमकेराकू। “हँकूराः अरो जमा चउंदीसरिकुःआ होड़कू अयूमकेरा, अरू हँकूराः सरवन जमा चउंदीसरे सेड़यावयना।”

रूमी 16:26

मनदो नुँहू हना सरवन भगवान अनँयगराः बड़रा कता होड़कूते अरू सगर सइट वरीय दोहोनता हाँयग भगवानराः हुकुमते जमा जइत होड़कू एचेरेय एचे उदुःवाडकुःआ, जेमहा जमा होड़कू हाँय एचेरे बिसवासकेडखन हाँयराः हुकुम मनाः होड़कूकू बड़ाँव जुवाः।

रूमी 8:17

अबू हाँयरिकुःआ लनाइंकू हवे दो अबू हों ईसू सुदा भगवानरिकुःआ इताडदारबू बड़ाँवकिया। अरू ईसू मसी सुदा कटसियाबू सहाव दो हाँय सुदा मान मरजइत हों पनावाःताबू।

कुलूसी 1:6

अपे भगवानराः सरवनपे अयूमकेरा, अरू जमालेःआ सतायते हाँयराः मयापे बुझावकिया, अरू हना वरीते अपेराः जीवरे नफा होयाकिया। ननन इया नाःआ नपाय सरवन, चउंदीसरिकुःआ जमा होड़कू एचेरे सेड़यावयना, अरू हँकू लगा हों नफा होया ञवनतना।

एकूब 1:18

हाँय तुलाकेरा हना जमाकून अते अबू बिसवासी होड़कू हाँय एचेरे बुताराः मड़ंग बंटा इया होयाः लगा भगवान चहाःतना। हनालगा हाँय अनँयगराः सताय सरवनते अबू नँवाय तुलाकेडबुःआ।

एकूब 2:5

ईंग अजी बोपोहकूतिंग, अपे ईंगपे अयूम, नाःआ चउंदीसरिकुःआ गरीब होड़कू भगवान आयँगराः बिसवासरे गिरहत होड़कू बड़ाँः लगाय सुनावकेडकुःआ। अरू भगवानकू दुलारता हँकुःआ होड़कू लगा आँयग जबानकेरा हना इया सेरमो देसरिकुःआ इताडदारकू तुला लगा होंय सुनावकेडकुःआ।

1 पतरस 1:23

अपेराः नँवा जनम तोनोंगाः लाय जुवाःता हना जिनिसते मेर होयागना, मनदो जीव एमेयता अरू कहियो ओरो टगावनेना हना भगवानराः सरवनते होयाकिया।

1 एहुना 3:2

ने ईंगरिकुःआ सउंगताकू, अबू भगवानरिकुःआ लइंकू हवे। अबू तयोमरे करा इयाबू होयाःता हना नुँहू जमालेःआते मेरबू सुसुदीता। मनदो अबू नाःआबू सुसुदीतना, हाँय सेरमो देस अतेय वेगता हनमेला अबू हाँय इदानिया हनन इयाबू ञेलेयता अरू हनाँय इयाबू होया जुवाःता।

उदुःतो कताकून 14:6

हनते अरू मीटोंग सेरमो देसरीग बराहील बदरी अते लताररे दोनतोयिंग ञेलतिरिया। हाँय एचेरे सगर सइट वरी दोहोनता हना नपाय सरवन दोहोना। हना सरवन चउंदीसरिकुःआ जमा जइत होड़कू, अरू जमा गोतोररिकुःआ होड़कू अरू जमा भासीरिकुःआ होड़कू अरू जमा राइजरिकुःआ होड़कू एचेरे हाँय पपसार लगा दोहोना।