मती ओजाःतेरा भगवानराः नपाय सरवन 13:15 - Korwa Bible

¹⁵ हँकूराः जीव केटेगयना; अरू लुतूर मोटावयना, अरू हँकू मेड टिपी रेडकिया। हनालगा हँकू ओरोकू सुदी अवेतेरा, अरू ओरोकू बुझाव अवेतेरा। नाःआ इया मेर होयाःकुः दो हँकू कसूर अते जीवकू कुदाकेःआ अरू ईंग हँकूयिंग नपायकेःआ।”

मती ओजाःतेरा भगवानराः नपाय सरवन 13:15 ပူးပေါင်းရင်းမြစ်များ

मरकूस 4:12

भगवानराः कागदरे ओजाःतो इदा हनन इया होयाः लगा, हँकुःआ होड़कू ईंग एचेयता हनाकू ञेलकेः दो हनाकू बुझाव अवेकुःआ अरू अयूमकेडखनकू सुदीबाःकेःआ। बुझावकुः होले कसूर अते जीवकू कुदाकेःआ अरू भगवान हँकूराः कसूरकूने बराव एंडाकेःआ।”

लूका 19:42

अरूय कतातेरा, “ने एरुसलेम सहररिकुःआ होड़कू, अपे सलसत पवाः लगा चिला करेग इदा हनापे सुदीकेः दो, अपे तुमिन नपायतेपे दोहोकुःआ। मनदो अपे नुँहू हना मेरपे सुदी अवेयतना।

मूक चेलाकू 28:27

हनालगा अपे अनयूमेतापे, मनदो ओरोपे बुझावनेना; अपे ञेलगोड ञवनतापे, मनदो ओरोपे सुदी अवेतेरा। नाःआ इया मेर होयाःकुः दो अपे ञेलकेःआ अरूपे अयूमकेःआ, अरूपे ओंगोल बुझाकुःआ, जेमहा अपे कसूर अते जीवपे कुदाकेःआ अरू ईंग अपेयिंग नपायकेःआ।

मूक चेलाकू 3:19

हनालगा भगवान अगी अपे कसूर अते जीवपे कुदा, दो हाँय अपेराः जमा कसूरकूने बराव एंडागोडता अरू भगवान अगीते अपेराः जीव अहाल-बहाल जुवाःता,

मूक चेलाकू 7:57

नाःआरे मरंग पंचाइतरिकुःआ होड़कू अँकूराः लुतूर दाबतेडखन हुमइसकेकू खिररीःआ अरू हाँय एचेरेकू बतकाव सेनेडा।

2 तिमुतियूस 4:4

हँकुःआ होड़कू सताय बड़रा अयूम अतेकू अइठाव जुवाःता अरू होड़कूराः तुलात कहड़ीकून अगीकू बहकाव जुवाःता।

इबरानी 5:11

नाःआ कता बदीरे ककाता लगा मुरुक बड़राकून इदा। मनदो अपे ओहेन ओरोपे अयूम ठुड़ाव अवेतेरा। हनालगा अपे कता बुझावपे लगा मसकिल इदा।

उदुःतो कताकून 22:2

अरू हना नई, सहरराः मइद सनंडक तलाते तुःआ। अरू हना नईराः बनर परोम जीवराः सींग दोहोना। हना सींगरे बारह बरानाः जोःओ जोनेना। अरू हना सींग बारहो महिना मेमेडटोंग जोःओ जोःता। हना सींगराः सकमकून जमा जइत होड़कू अँकूराः हसूकूनते नपाय जुवाः लगा इदा।