मती ओजाःतेरा भगवानराः नपाय सरवन 13:11 - Korwa Bible

¹¹ दो ईसू कतातेड, “भगवानराः राइजराः ओकोत कताकून सुदी लगा अपे लगा भगवान कनहूने एमेकेरा, मनदो हँकुःआ होड़कू लगा कोवान।

मती ओजाःतेरा भगवानराः नपाय सरवन 13:11 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:10

हना तयोमरे ईसूरिकुःआ चेलाकू ईसू एचेरे वेगवाडखनकू होंबोरतिडिग, “आम चिला लगा होड़कू एचेरे अउल-तउल कहड़ीम कतायता?”

मती ओजाःतेरा भगवानराः नपाय सरवन 16:17

हनते ईसू कता कुदातेरा, “ने एवनारीग बेटात सिमोन, भगवान आम जीवे नपायकेरा। तोनोंगीग मनुवा अगीते कोवान, मनदो सेरमो देसरे इदानिया ईंगरीग अपांग भगवान, नाःआ कता अनँयग आमे कता उदुःवाडमेःआ।

मती ओजाःतेरा भगवानराः नपाय सरवन 19:11

हनते ईसू चेलाकूतेन एचेरेय कतातेड, “जमा होड़कू नाःआ कता ओरोकू मनेवातेरा। मनदो नाःआ कता मनेवा लगा भगवान एचे सुदीकेडकुःआ हँननकुःआ होड़कू एकलाकू मनेवाता।

मती ओजाःतेरा भगवानराः नपाय सरवन 20:23

दो ईसू कतातेड, “अबा ईंगराः कटसियाराः डुबहातेबा ञूयता, मनदो ईंगराः खउना अरू डिरही तिःई गतर तोनोंगीग एचे दुड़ुःगेयराः हातपात ईंगके कोवानेःआ। ईंगराः बनर परोम दुड़ुः लगा ईंगरीग अपांग भगवान सपड़ाव दोहोकेडकिना, हँकिनाः होड़किन लगा इदा।”

मरकूस 10:40

मनदो ईंग खउना अरू दिरहिया तिःई अगीयिंग एचे दुड़ुःकिन लगा ईंगराः हातपात कोवानेःआ। भगवान सुनावकेडकिना हँकिनाः होड़किन लगा हना ततेर हाँय सपड़ाव दोहोकेरा।”

मरकूस 4:11

दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेवाडपेःआ, मनदो एटाः होड़कू सुदा ईंग अउल-तउल कहड़ीयिंग उदुःगेता।

लूका 8:10

दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेकेरा। मनदो एटाः होड़कू सुदा ईंग अउल-तउल कहड़ी उदुःगेतिंग, जेमहा हँकुःआ होड़कू ञेनेल मेडतेकू ञेलता, मनदो ओरोकू सुदीतेरा, अरू लुनुतूर लुतूरतेकू अयूमता मनदो ओरोकू बुझावनेना।”

एहुना 6:65

दो ईसू अरूय कताया, “ननानाः लगा ईंग अपे एचेरेयिंग कतातेरा, अपांग मेरेय मयावाय दो तोनोंगीग होड़ ईंग एचेरे ओरोय वेग अवेनेना।”

एहुना 7:17

तोनोंगीग होड़ भगवानराः ओंगोल इया एचेय लगाय चहाःता दो हाँय सुदीगोडता, ईंगराः चेड भगवान अगीते इदा जा ईंग इनिंग ओंगोलतेयिंग कतायतना, माःआन।

मूक चेलाकू 16:14

हँकुःआ अइमीकू अते मी होड़राः ञाव दोहोना लिदिया। हाँय मुरुक किमइतराः धुः-धुमइल रांगराः सोनहेकूनराः फेरवइत होड़े दोहोना। हाँय थायतिरा सहररीग होड़े दोहोना अरू भगवान जाग घड़ीने सेवातेरा। पउलूस कतातेरा भगवानराः हना नपाय सरवन बिसवासगे लगा परबू भगवान हाँयग लिदियाए एचे मनेवातेरा।

रूमी 11:25

ईंगरिकुःआ अजी बोपोहकूतिंग, मड़ंगरे होड़कू मेरकू सुदीया नाःआ कता बदीरे अपे अनसिनहार अहापे दोहोन। अरू अपे अँननपे कनहूनदारकू अहापे ओंगलुः। इसराएल होड़कू अते अदोम होड़कू अँनकूराः जीवकू कटकटावगोतेडा। मनदो भगवान ओंगोल दोहोकेडकुःआ हँकुःआ बेगर एहूदाकू हाँय एचेरे अरीनकू बिसवासगे वरी हँकुःआ एहूदाकू अँनकूराः जीव केटेग कटकटावतोकू दोहोनता।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।

1 कुरिंती 15:51

अपे ईंगपे अयूम! ईंग मीटोंग बड़रायिंग कतायता। हना नुँहू वरी तोनोंगीग मेरकू सुसुदीतना। अबू अते तोनोंग तोनोंग होड़कू ओरोबू गोएग जुवाःता, मनदो अबू जमाकूराः देह बदलाव जुवाःता।

1 कुरिंती 2:14

सुद बिरुवा तोनोंगीग होड़ एचेरे मेरेय दोहोन दो, हाँय सुद बिरुवाराः कताकून मेरेय मनाःता अरूय एरांगवाता। सुद बिरुवा एकला भगवानराः कताकूने एचे सुदीकूता। हनालगा हँकुःआ होड़कू हना कताकून मेरकू बुझाव अवेनता।

1 कुरिंती 2:7

मनदो अले, चउंदीस बुँहड़ीन अते मनाड़ंग अबूराः मान मरजइत होयाः लगा, भगवान ओंगोल दोहोकेरा हनानाः ओकोत कनहूनले परसार उदुःगेतना।

1 कुरिंती 4:1

ननन इया इदान दो अपे अलिंग ईसू मसीरिकिनाः सेवकियाकिन अरू भगवानराः ओकोत कनहून जिमात होड़किन इयापे ओंगोल दोहोलिंग।

1 कुरिंती 4:7

अपे एटाः होड़कू अते मइद इदानपेःआ जा? भगवान एमेकेरा हना अड़ाःकेडखन अरू अपे एचेरे चिला इदा? अरू अपे भगवान अगीतेपे पवावकिया दो, अले दहिनकून मेरले पवावगना, माःआन चिला लगापे बड़वारतना?

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।

इपीसी 1:9

भगवान अनँयगराः ननपाय ओंगोल इया ईसू मसीते एचेय लगाय ओंगोल दोहोतेरा अनँयगराः ओकोत दोहोना हनानाः हिछा अबूय एचे सुदीकेडबुःआ।

इपीसी 5:32

नाःआ कता बुझाः लगा रिता कोवानेःआ। मनदो ईंग नाःआरे मसी अरू कलसियाराः बदीरेयिंग अउल-तउलगेतना।

इपीसी 6:19

ईंग भगवानराः नपाय सरवन कताय मेला, डीड़ते हना सरवनराः ओकोत कताकूनिंग कता अवे लगा, ईंग लगा होँपे अरजी।

कुलूसी 2:2

हँकूराः जीव हड़ियाड़कियानखन अलार-दुलारते मिनी जुमूटगे लगायिंग चहाःतना, जेमहा भगवानराः ओकोत बुइद, ईसू मसी बदीरे, नपायते बुझावकियानखनकू सुनुदीबाःगे।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

1 तिमुतियूस 3:9

भगवान अबूय उदुःवातेरा हना बिसवास बदीराः सताय चेडतो हँकुःआ होड़कू नपाय इंदरीतेकू बिसवास हड़ाःगे लगा इदा।

एकूब 1:5

मनदो अपे अते तोनोंगीग ओंगलेतना, ईंग एचेरे गुनमिन कनहून इदा, माःआन दो हाँयके भगवान एचेरे अअसे लगा इदा अरू भगवान हाँयग होड़ लगा कनहूने एमेयता। अरू भगवान अनँयग एचेरेकू असेयता हँकुःआ होड़कू लगा मिनी जीवकियानखन बेगर कदरावतेय एनेमेवायता।

1 एहुना 2:20

मनदो ईसू मसी सुद बिरुवाय ओवाडपेःआ अरू नाःआते अपे जमा सताय कतापे सुदीयतना।

1 एहुना 2:27

मनदो अपे लगा भगवान सुद बिरुवाय एमेकेरा। दो तोनोंगीग एटाः होड़ अपे चेडपे लगा कोवानेःआ। सुद बिनिरुवा अपे जमा कताकून एचे सुदीपेता अरू हाँय उदुःवापेता हना कता लबरा ना लवे, मनदो सनाताय हवे। सुद बिरुवा अपेय चेडकेरा हनन इया मसी सुदापे सनालावगोड ञवन।