मती ओजाःतेरा भगवानराः नपाय सरवन 12:32 - Korwa Bible

³² अरू तोनोंगीग मनुवारीग बेटात बदीरे तोनोंगाः ओपता बड़राय कता हना कसूर हों भगवान बराव एंडागोडता। मनदो भगवानराः सुद बिरुवा बदीरेकू कतायता हना ओपता बड़रा, भगवान नाःआ जूगरे सहे दरवाःआ हना जूगरे हों कहियो ओरोय बराव एंडातेरा।”

मती ओजाःतेरा भगवानराः नपाय सरवन 12:32 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:19

मनदो मनुवारीग बेटात जमाकूने जोमा अरूय ञूःआ अरू हँकू कतायतना, माँय हरहा होड़ हवे अरू कसूर होड़कू अरू मलगुजारी गोः होड़कूरीग सउंगता हवे, माःआन। मनदो भगवानराः कनहून इयाकू सलाःता हँकुःआ होड़कू नपाय दूररेकू सलाःता।”

मती ओजाःतेरा भगवानराः नपाय सरवन 12:31

हनालगा ईंग अपे एचेरेयिंग कतायतना, होड़कू एचेयता हना जमा कसूरकून अरूकू कतायता हना ओपता बड़राकून, भगवान बराव एंडागोडता।

मती ओजाःतेरा भगवानराः नपाय सरवन 12:8

हाव, मनुवारीग बेटात लोड़ोनराः दिनरीग परबू हवे।”

मती ओजाःतेरा भगवानराः नपाय सरवन 13:22

अरू जनुम बुदारे लोजोरनेना हना बिहान, भगवानराः सरवनकू अयुमेता हँकुःआ होड़कू हवे, मनदो हना सरवन चउंदीसराः ओंगोल अरू आन-धानराः ओंगोलते तेन जुवाःता। हनालगा हान मेर जो अवेनता।

मती ओजाःतेरा भगवानराः नपाय सरवन 13:39

अरू हना बिहाने वेरतेरा हाँयग मुदइ होड़ कलउ हवे। इरुः चउंदीस टुटीगगुःता हना बेला हवे अरू इईरकुःआ होड़कू सेरमो देसरिकुःआ बराहीलकू हवे।

मती ओजाःतेरा भगवानराः नपाय सरवन 13:40

पहाड़राः बीरकून होड़कू गरोम ठुड़ीकेडखनकू बाल लो एंडागोडता, हनन इया चउंदीस टुटीगगुः मेला होयाःता।

मती ओजाःतेरा भगवानराः नपाय सरवन 13:55

नाँय काट मिसतिरीरीग बेटात ना लवे जा? नाँयरीग एंगात मरियम अरू नाँयरिकुःआ बोपोहकूतेन एकूब, उसूप, सिमोन अरू जूदा ना लवे जा?

मती ओजाःतेरा भगवानराः नपाय सरवन 8:20

दो ईसू हाँय एचेरेय कताया, “हुई हुटाकू दोहोन लगा दुलू इदा अरू तितीगकू दोहोन लगा तुका इदा। मनदो मनुवारीग बेटातराः बोः अतड़े लगा हों ततेर कोवानेःआ।”

मरकूस 10:30

दो नाःआ जूगरे ओड़ाःकून, वपक बोपोहकूतेन, अजी-मेमेसकूतेन, एपेंगकूतेन, लइंकूतेन अरू दोहोड़कूनतेन सव गुना बगराय पवाःता अरू कटसिया सहाव पारकेडखन सेरमो देसरे ओरो टुटीगनेना हना जीव होंय पवाःता।

मरकूस 3:28

अयुमेपे, होड़कूराः जमा कसूर अरू एटाःकूकू ओपताता हना हों भगवान बराव एंडागोडता।

मरकूस 3:29

मनदो तोनोंगीग होड़ सुद बिरुवा बदीरेय ओपताता, दो हना भगवान कहियो ओरोय बराव एंडातेरा अरू सगर सइट वरी कसूर होड़े दोहोनता।”

लूका 12:10

मनुवारीग बेटात बदीरे ओपता बड़राय बड़रा, हाँयग होड़राः कसूर, भगवान आँयगराः ओंगोल अतेय बराव एंडागोडता। मनदो सुद बिरुवाय ओपताता हाँय होड़राः कसूर, भगवान ओरोय बराव एंडातेरा।

लूका 16:8

दो कमचोर जिमेवारी होड़ चिलाय एचेकेरा हना हाँयग मालिक अयूमतेड अरू हाँय राःकेडखन हाँय एचेरेय कताया, आम ओंगोल चुवेरकेडखनमे एचेकेरा, माःआन। दो ईसू कताया, “चउंदीसरिकुःआ होड़कू अँननकूरिकुःआ होड़कू सुदा लेन देनरे भगवानराः राइजरिकुःआ होड़कू अते बगरा ओंगोल चुवेरकेडखनकू एचेयता।”

लूका 18:30

हाँय चउंदीसरे नाःआ जमालेःआ मुरुक बगरा गुनाय पवाःता अरू सेरमो देसरे ओरो टुटीगनेना हना जीव होंय पनावाःता।”

लूका 23:34

दो हनमेला ईसू भगवान एचेरेय अरजीःआ, “ने अपांग, नँकुःआ होड़कू मेरकू सुदीयतना, नँकू चिलाकू एचेतना। हनालगा नँकूराः कसूरमे बराव एंडागोड।” हँकुःआ सइनाकू चीट-पोटतेडखन हाँयराः सोनहे अँननकू हटिंगयान।

लूका 7:34

मनुवारीग बेटात जमाकूने जोम ञूःआ अरू अपे कतायता, माँय हरहा होड़ अरू मतवाड़ होड़ हवे। अरू माँय कसूर होड़कू अरू मलगुजारी गोः होड़कूरीग सउंगता हवे, माःआन।

एहुना 7:12

होड़कू ईसू बदीरे जहड़ घड़ीन मुरुककू कताया। अदोमकू कताया, “हाँय नपाय होड़ हवे।” अरू अदोमकू कताया, “हाँय होड़कूय बहकावगोडता।”

एहुना 7:39

हाँय एचेरेकू बिसवासगेता हँकुःआ होड़कू लगा भगवान एमेयता हाँयग सुद बिरुवाराः बदीरेय कताया। हना बेला वरी भगवान अते ईसू मरंग मान मरजइत अरीने पवाः। हनालगा बिसवासतेराकू हँकुःआ होड़कू लगा सुद बिरुवा अरीने ओवाकुःआ।

एहुना 7:52

दो हँकू डंटावतिडिगखनकू कतातेरा, “आम हों गलील छतररीग हवे जा? आम भगवानराः कगदरेम ञाम अरूम सुदीगोडता तोनोंगीग भगवानराः बड़रा कता होड़ गलील छतर अते मेरेय वेगता, माःआन।”

मूक चेलाकू 3:19

हनालगा भगवान अगी अपे कसूर अते जीवपे कुदा, दो हाँय अपेराः जमा कसूरकूने बराव एंडागोडता अरू भगवान अगीते अपेराः जीव अहाल-बहाल जुवाःता,

इपीसी 1:21

अरू ईसूके जमा बरानाः राजाकू अरू हातपातदारकू अरू जंगरदारकू अरू हकतियारकू अते मरंग हातपाते ओवाडिया अरू जमालेःआते मरंग ञावे ओवाडिया। हाँयराः हातपात नाःआ जूग लगा एकला कोवानेःआ, मनदो दरवाःआ हना जूग लगा हों इदा।

1 तिमुतियूस 1:13

मड़ंग ईंग ईसू मसी बदीरे ओपता बड़रायिंग कताया अरू बिसवासी होड़कूयिंग संतावकुःआ अरू मरखा होड़िंग दोहोना। हनमेला ईसू एचेरे मेरिंग बिसवासगेःआ अरू अनसिनहारिंग दोहोना। हनालगा ईसू ईंग मुरुके सोगावाडिंगा।

1 तिमुतियूस 1:15

कसूर होड़कू सडावकू लगा चउंदीसरे ईसू मसी वेगनेना, अरू नाःआ कता सनाताय अरू जमाःलेःआते मनाः जुकूर इदा। अरू जमा कसूर होड़कू अते मरंगीग कसूर होड़ इनिंग इदानिंगा।

1 तिमुतियूस 4:8

देह बड़ियाड़ बड़ाँवगे दो नपाय इदा, मनदो भगवानराः ओंगोल इया जीव बड़ियाड़ बड़ाँः दो हना जमालेःआते ननपाय इदा। नाःआ, चउंदीसराः गुजर मसर लगा अरू गुजुः तयोमराः जीव लगा हों नफा एमेयता।

1 तिमुतियूस 6:17

नाःआ चउंदीसरिकुःआ गिरहत होड़कू एचेरे नाःआ कताम हुकुमवाकू, अहापे बड़वार अरू चबा जुवाःता हना ढिबुवारे अहापे असरा। मनदो अबू बहालरे दोहोन लगा जमा जिनिसकून मिनी जीवकेडखने एमेवाबूता हाँयग भगवान एचेरेपे असरा।

2 तिमुतियूस 4:10

करेसकेस गलातिया राइज अगी अरू तितूस दलमतिया राइज अगी तोराकिना। अरू देमास नाःआ चउंदीसराः जिनिसकून नपाय मंजूरवातेडखन ईंगे अड़ाःगोतेडिंग अरू तिसलूनिका सहर अगी तोराय।

तितूस 2:12

जेमहा भगवानके मंजूर कोवानेःआ हना चउंदीसराः जमा बरानाः बेलूर ओंगोलकून अड़ाःकेडखन नाःआ जूगरे अबू अँननबूराः जीव संभाड़गे घड़ीन सतायते अरू भगवानराः ओंगोल इयाबू जियाः।

एकूब 1:27

टुरा होड़कू अरू रंडियाहीनकू अँनकूराः सिकिसता मेलारेय संघरावाकूता अरू अनँयग जीव चउंदीसराः कसूर अतेय बनसावता हाँयग होड़राः लूर-नेवन अबूरीग अपांग भगवान मड़ंगरे, सुद अरू बेगर गारबारतेःआ लूर-नेवन हवे अरू हनानाः भगवान जुकूर इदा।