मती ओजाःतेरा भगवानराः नपाय सरवन 12:25 - Korwa Bible

²⁵ ईसू हँकुःआ होड़कूराः ओंगोल सुदीतेडखने कताया, “मिनी देसरिकुःआ होड़कू अँननकू अँकू रेडेग होड़ेंग दो हना देस लाय जुवाःता। हनन उड़ी मिनी ओड़ाःरिकुःआ होड़कू सहे सहररिकुःआ होड़कू रेडेग होड़ेंग दो हँकू होंकू बेगराव जुवाःता।

मती ओजाःतेरा भगवानराः नपाय सरवन 12:25 ပူးပေါင်းရင်းမြစ်များ

मती ओजाःतेरा भगवानराः नपाय सरवन 9:4

मनदो ईसू हँकूराः ओंगोल सुदीकेडखन हँकू एचेरेय कताया, “अपे चिला लगा अपेराः जीवरे बेलूर ओंगोलपे ओंगलुःतना?

मरकूस 2:8

दो ओहेन ईसू सुदीगोतेड, नँकू नाःआ इयाकू ओंगलेतना अरू हँकू एचेरेय कताया, “अपे चिला लगा नाःआ उड़ीपे ओंगलेतना?

एहुना 21:17

दो ईसू पेय तुरहा हाँय एचेरेय कतातेड, “ने एहुनारीग बेटात सिमोन, आम ईंगमे दुलारगींगता जा?” ईसू हाँय एचेरे पेय तुरहाय होंबोरतेरा, आम ईंगमे दुलारगींगता जा, माःआन। हनालगा पतरसराः जीव मुरुक हुडिंगयान। अरू हाँय कतातेड, “परबू आम दो जमा बरानाःम सुदीयता अरू आम सुसुदीतना ईंग आमिंग दुलारतना।” दो ईसू कतातेड, “ईंगरिकुःआ भेड़ाकू सराव हड़ाःकूमे।

1 कुरिंती 2:11

तोनोंगीग होड़ अनँयग जीवराः ओंगोल एकलाय सुदी अवेता, अरू हान एटाः होड़कू मेरकू सुदी अवेयता। दो ननन इया भगवानराः ओंगोल अनँयगराः बिरुवा एनेकलाय सुदी अवेयता।

गलातिया 5:15

मनदो अपे कुतुकू इयापे सोबाड़ होड़ेंग दो अपे अँननपे अपे लायगुः अते सवासितीपे दोहोन।

इबरानी 4:13

भगवान तुलाकेरा हना जमा सकालाः हाँय अते ओकोत कोवानेःआ। जमाकून हाँय मेडरे ञेल पुरुःता इया इदा, अरू हनाँय एचेरे अबूके आभा एएमे पराःता।

उदुःतो कताकून 16:19

हना ओत डोलाःते मरंग सहर बाबील पेय फड़ायान, अरू एटाः एटाः राइजकूनराः सहरकून वाः बोलोयान। हनन इया भगवान मरंग सहर बाबीलरिकुःआ होड़कू आँयगराः रीसराः डुभाय एचे ञूतेडकुःआ।

उदुःतो कताकून 2:23

ईंग हाँयरिकुःआ लइंकूयिंग ञेड एंडाकूता। हना अते जमा कलसियारिकुःआ होड़कू ईंग बदीरेकू सुदीयता, जमा होड़कूराः इंदरी अरू ओंगोल जासीग हनाँय हवे अरू अबू जमा होड़कू अँननबूराः बुता इयाय एमे कुदावाबूता, माःआन।