मती ओजाःतेरा भगवानराः नपाय सरवन 12:18 - Korwa Bible

¹⁸ अयुमेपे! नाँय ईंग सुनावकेरा ईंगरीग सेवकिया हवे, ईंग हाँयिंग दुलारगेयता अरू हाँय सुदा ईंग मुरुक राजू नमा इदानिंगा। हाँय एचेरे ईंगराः बिरुवा दोहोनता, अरू हाँय बेगर एहूदाकू एचेरे हों नपाय फड़ियाव बदीरेय कता उदुःगेता।

मती ओजाःतेरा भगवानराः नपाय सरवन 12:18 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:17

भगवानराः बड़रा कता होड़ एसयाह मड़ंगरेय कतातेरा हना पुरावगे लगा नाःआ इया होयाकिया;

मती ओजाःतेरा भगवानराः नपाय सरवन 17:5

पतरस नाःआ इयाय कनकता मेला मीटोंग विड़चेड़तो बदरी हँकू दाब रेडगोतेडकू अरू हना बदरीते भगवानराः बड़रा अयूमनेना, “नाँय ईंगरीग दुलार बेटा हवे, नाँय बदीरे ईंग मुरुक बहालते इदानिंगा। नाँयराः कतापे मनाः।”

मरकूस 1:11

अरू सेरमो होरते बड़राय अयूमतेरा, “आम ईंगरीग दुलार बेटा हवे अरू ईंग आम सुदा राजू इदानिंगा।”

मरकूस 9:7

पतरस कताय मेला बदरी हँकू जमाकू दाब रेडगोतेडकू। हना बदरी अते भगवानराः बड़राकू अयूमतेरा, नाँय ईंगरीग दुलार बेटा हवे। दो अपे नाँयराः कतापे मनाः, माःआन।

लूका 23:35

होड़कू चड़ाँकियानखनकू ञेला। अरू हातपात होड़कू लंदा एरांगवाडिगखनकू कताया, “नाँय एटाः होड़कूय सडावतेडा। नाँय भगवान लुंबाड़किरिया हाँयग मसी हवे दो, चिला लगा अनँयग आँयग मेरेय सडावगुःतना?”

लूका 3:22

हनमेला भगवानराः सुद बिरुवा पेरवाँ तितीग इया हाँय चोटरे उतराव वेगनेना। अरू सेरमो होरते बड़रा अयूमनेना, आम ईंगरीग दुलार बेटा हवे अरू ईंग आम सुदा राजू इदानिंगा, माःआन।

लूका 4:18

भगवानराः सुद बिरुवा ईंग एचेरे इदा। हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा। तोलतो होड़कू लड़ाकू लगा अरू अंधा होड़कू एचे ञेल लगा अरू संतावतो इदानकुःआ हँकुःआ होड़कू सडाव लगा

लूका 9:35

हना बदरी अते मीटोंग अरोकू अयूमतेरा, नाँय ईंग सुनावकिरिया ईंगरीग बेटायिंग हवे। दो अपे नाँयराः कतापे मनाः, माःआन।

एहुना 3:34

भगवान अनँयग सुद बिरुवा मिनी जीवकेडखने एमेयता। हनालगा भगवान वारकिरिया हाँयग होड़, भनगवानराः कताकूने कता उदुःता।

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

मूक चेलाकू 11:18

नाःआ कता हँकुःआ होड़कू अयूमतेरा दो हँकू कलेकालयान अरू भगवान जागवाडखनकू कताया, “नपाय इदा। भगवान बेगर एहूदाकू कसूर अते जीव कुदाकेडखन ओरो टुटीगनेना हना जीवकू पवाः लगाय दहिनवाडकुःआ।”

मूक चेलाकू 14:27

हंडाकिन सोदोरनेन दो हँकिन जमा बिसवासी होड़कूकिन एचे जुमावतेडकुःआ अरू हँकिनते भगवान एचेतेरा अरू भगवान बेगर एहूदाकू ईसू एचेरे करा उड़ीकू बिसवासतेरा हना जमाकूनकिन कता उदुःतेरा।

इपीसी 1:6

जेमहा आँयगरीग दुलार बेटातते अबूराः जीवरे आँयगराः अगम नपाय मया मिनी जीवतेडखने ओवाडबुःआ हाँयग भगवानराः जाग होयाः।

कुलूसी 1:1

ने अजी बोपोहकूतिंग, ईंग पउलूस भगवानराः हिछा इया ईसू मसीरीग मूक चेला हवे। अरू अबूरीग बिसवास बोहोबू तिमुतियूस सुदा, नाःआ चिठीयिंग ओजाःगेतना।

कुलूसी 1:13

भगवान अबू कलउराः अंदरा राइज अते सडावकेडबूखन, अनँयगरीग दुलार बेटातराः राइजरेय गोः अदेरकेडबुःआ।

1 पतरस 2:4

नाःआ चउंदीसरिकुःआ होड़कू आड-बेकारवातिरिया, मनदो भगवान सुनावकिरिया हाँयग मुरुक किमइतराः जीयत दिरि ईसू एचेरेपे वेग।

2 पतरस 1:17

ईसू मसी, अपांग भगवान अगीते मान-मरजइते पवावनेना हनमेला, विड़चेड़तो मरसल सुदा भगवानराः अरो सेरमो होरतेले अयूमतेरा, नाँय ईंग ननायगुःतना ईंगरीग दुलार बेटा हवे, माःआन।