मती ओजाःतेरा भगवानराः नपाय सरवन 12:14 - Korwa Bible

¹⁴ मनदो फरीसी होड़कू हंडा अते तोराकू अरू ईसू ञेड एंडाय लगाकू ओंगोलतेरा।

मती ओजाःतेरा भगवानराः नपाय सरवन 12:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:4

हँकू ईसू कलेकाल एचे साबकिडिगखन ञेड एंडागेय लगाकू ओंगलेःआ।

मती ओजाःतेरा भगवानराः नपाय सरवन 27:1

निनिंदावा निंदावा जमा मरंग पुजउरीकू अरू एहूदाकूरिकुःआ मूक होड़कू पंचायतकू दुड़ुःनेना अरू ईसू बदीरे बुइद तुलातेडखनकू रायनेना, हाँयग ईसू ञेड एंडागे लगा इदा, माःआन।

मरकूस 14:1

बार दिन तयोमरे पसहा परोब अरू रुटीराः परोब निचकाःआ। मरंग पुजउरीकू अरू नियम चेडदार होड़कू ईसू कलेकाल एचे साबकिडिगखन ञेड एंडागेय लगाकू ओंगलेःआ।

मरकूस 3:6

हनते फरीसी होड़कू बहरी उडुंगवाडखन हरदोसरिकुःआ चेलाकू सुदा जुमावनेनकूखन ईसू एचे ञेड गोजेय लगाकू राइयान।

लूका 22:2

मरंग पुजउरीकू अरू नियम चेडदार होड़कू होड़कूकू बोरोवाःआ। हनालगा हँकू तोनोंग इया ईसू साबकिरिगखन ञेड एंडाय लगा दावकू ञामा।

लूका 6:11

नियम चेडदार होड़कू अरू फरीसी होड़कू मुरुक रीसनेनखन बहरीकू उडुंगयान अरू हँकू जहड़ होड़ेंगा, “अबू ईसू करा इयाबू करजेय?”

एहुना 10:31

नाःआ अयूमतेडखन एहूदाकू ईसू तेके गोएगगेय लगा दिरिकू रेमतेरा।

एहुना 10:39

हनते हाँय अरू सबेय लगाकू कुरनिसतेरा। मनदो हाँय हँकूराः तिःई अतेय बोड़ेड उडुंगयान।

एहुना 11:53

दो हना अते हँकुःआ एहूदाकूरिकुःआ मूक होड़कू ईसू ञेड गोजेय लगा बुइदकू तुलाःआ।

एहुना 11:57

मनदो मरंग पुजउरीकू अरू फरीसी होड़कू ईसूकू साब लगा नाःआ इयाकू हुकुम अटूतेरा, ईसू करे इदानिया हना तोनोंगीग होड़ सुदीय दो, हाँय अले एचेरेय उदुःगे, माःआन।

एहुना 5:18

ईसू लोड़ोनराः दिन मेरेय मनावगाड अरू हाँय भगवान ईंग अपांग माःआन कता घड़ीन ईंग भगवान इया इदानिंगा, माःआने कतानता। हना ओजाहते एहूदाकू ईसू ञेड गोजेय लगा अरू मुरुककू कुरनिसतेरा।

एहुना 7:30

हनते एहूदाकूरिकुःआ मूक होड़कू ईसू साबगेय लगाकू ओंगोलतेरा। मनदो हाँय साबराः बेला मेर होयागान, हनालगा तोनोंगीग मेरकू साब अवेगडीग।

एहुना 7:32

ईसूराः बदीरे होड़कू जहड़ बेडेग घड़ीनकू कता होड़ेंगा हना कताकून फरीसी होड़कू अयूमतेरा दो, मरंग पुजउरीकू अरू फरीसी होड़कू मी रायनेनखन ईसू साब लगा भगवानराः ओड़ाःरिकुःआ अगुरादारकूकू वारतेरा।

एहुना 7:44

अदोम होड़कू ईसू साब लगा होंकू ओंगोलतेरा, मनदो तोनोंगीग होड़ हाँय मेरकू साब अवेगडीग।

एहुना 8:59

नाःआ अयूमकेडखन हँकू ईसू तेके गोजेय लगा दिरिकूनकू रेमतेरा। मनदो ईसू कलेकाल भगवानराः ओड़ाः अतेय बोसोर उडुंगयान।