मती ओजाःतेरा भगवानराः नपाय सरवन 10:28 - Korwa Bible

²⁸ अपेराः देहकू ञेड एंडाता, मनदो अपेराः बिरुवा ओरोकू गोएग अवेतेरा हँकुःआ होड़कू सुदा अलोपे बोर। मनदो अपेराः बिरुवा अरू देह दगलीकून नरगरेय लाय एंडा अवेता हनाँयपे बोरोवा।

मती ओजाःतेरा भगवानराः नपाय सरवन 10:28 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:26

एटाः होड़कू अते ओकोकेडखनकू पसावगोडता हन कताकून भगवान उडुंगगोडता, अरू ओकोत बड़रा भगवान जमा होड़कूय एचे सुदीगोडकूता। हनालगा अपे होड़कू सुदा अहापे बोर।

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

मती ओजाःतेरा भगवानराः नपाय सरवन 5:22

मनदो अपे ईंगपे अयूम, तोनोंगीग होड़ अनँयगरीग सउंगता सुदाय रीस जुवाः, दो हाँय कोट कछेरीरे डंडे पवाःता। अरू तोनोंगीग होड़ अनँयग सउंगताय बेग-हतावा, हाँय मरंग पंचाइतरे डंडे पवाःता। अरू तोनोंगीग होड़ अनँयग सउंगता एचेरे, ने बुयांग होड़, माःआने कताय दो, भगवान हाँयग होड़ नरगराः सेंगेलरेय सोलोंगगोडेयता।

एहुना 5:29

नपाय बुताकू एचेतेरा, हँकू भगवान अते ओरो टुटीगनेना हना जीव पवाः लगाकू जियाव रिमुःता अरू बेलूर बेलूर बुताकूनकू एचेतेरा, हँकू भगवान अते डंडियाव पवाः लगाकू जियाव रिमुःता।”

मूक चेलाकू 21:13

दो पउलूस कता कुदातेरा, “अपे चिला लगा ईंगराः जीवपे इयाम अदरुजीतना? ईंग ईसूराः बदीरे तोलुः लगा अरू गुजुः लगा हों सपड़ावतो इदानिंगा।”

इबरानी 10:31

जीयत भगवानराः तिःईरे पराः मुरुक जबूरन कता इदा।

इबरानी 11:35

बिनिसवासते अइमीकू अँननकूरिकुःआ गोएगतो होड़कू जीयतकू पवावनेना। तोनोंग तोनोंग होड़कू मउर तेला तेलाकू गोएगयान। हँकू गोएगतो अते जियाव रेमकियानखन नाय नपाय जीव पवाः लगाकू चहाःआ अरू हनालगा गुजुः लगा सनपड़ावतोकू दोहोना।

एकूब 4:12

सताय नियम एमेयीग अरू फड़ियावदार दो भनगवान हवे। हाँय एचेरे होड़कू बनसाव लगा अरू लायकू लगा हातपात इदा। मनदो एटाः होड़कू फड़ियावीग आम इये हवे?

1 पतरस 3:14

मनदो अपे नपाय बुतापे बुताता हना अते कटसिया ससहाव पराः दो, भगवान अपेराः जीवे नपायगोडता। हँकूराः हुड़काव अयूमकेडखन अपे अहापे बोर अरू अहापे हदराःआ,

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।